2024ರ ಚುನಾವಣೆಯಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ಐತಿಹಾಸಿಕ ಮೂರನೇ ಗೆಲುವು ಅವರ ವೈಯಕ್ತಿಕ ಸಾಧನೆಯ ಪರಂಪರೆಯನ್ನು ದೃಢಪಡಿಸುತ್ತದೆ. ಜೊತೆಗೆ, ಭಾರತೀಯ ರಾಜಕೀಯದಲ್ಲಿ ಭಾರತೀಯ ಜನತಾ ಪಕ್ಷದ (ಬಿಜೆಪಿ) ಪ್ರಾಬಲ್ಯವನ್ನು ಪ್ರತಿಬಿಂಬಿಸುತ್ತದೆ. ಇಂದು ಪ್ರಧಾನಮಂತ್ರಿ ಮೋದಿ ಭಾರತದ ಸ್ಥಿರತೆಯ ಸಂಕೇತವಾಗಿದ್ದಾರೆ ಮತ್ತು ಬಿಜೆಪಿ ಉತ್ತಮ ಆಡಳಿತದ ಸಮಾನಾರ್ಥಕ ಪಕ್ಷವಾಗಿ ಹೊರಹೊಮ್ಮಿದೆ ಎಂಬುದನ್ನು ಈ ಚುನಾಔಣೆಯ ಜಯದು ತೋರಿಸಿಕೊಡುತ್ತದೆ.
2024ರಲ್ಲಿ, ಜಾಗತಿಕವಾಗಿ ಆಡಳಿತ ವಿರೋಧಿ ಅಲೆಯು ಪ್ರಮುಖ ಪ್ರಜಾಪ್ರಭುತ್ವಗಳ ನೆಲೆಯನ್ನು ಅಲುಗಾಡಿಸಿತು. ಅನೇಕ ಹಿರಿಯ ಪದಾಧಿಕಾರಿಗಳು ಗಮನಾರ್ಹ ಸೋಲುಗಳನ್ನು ಎದುರಿಸುತ್ತಿದ್ದಾರೆ. ಯುನೈಟೆಡ್ ಸ್ಟೇಟ್ಸ್ ನಲ್ಲಿ, ಡೆಮೋಕ್ರಾಟ್‌ಗಳು ಕಾಂಗ್ರೆಸ್‌ನ ಎರಡೂ ಸದನಗಳ ಅಧ್ಯಕ್ಷ ಸ್ಥಾನ ಮತ್ತು ನಿಯಂತ್ರಣವನ್ನು ಕಳೆದುಕೊಂಡರು. ಯು.ಕೆ. ಕನ್ಸರ್ವೇಟಿವ್ ಪಕ್ಷವನ್ನು (ಟೋರಿಗಳು) ನಿರ್ಣಾಯಕವಾಗಿ ಅಧಿಕಾರದಿಂದ ಹೊರಹಾಕಲಾಯಿತು. ಅದೇ ರೀತಿ ಫ್ರಾನ್ಸ್, ದಕ್ಷಿಣ ಕೊರಿಯಾ ಮತ್ತು ಪೋಲೆಂಡ್‌ ನಲ್ಲಿ ಆಡಳಿತ ಪಕ್ಷಗಳು ಅತಂತ್ರವಾಗಿ ಹೋದವು. ಈ ಜಾಗತಿಕ ಪ್ರವೃತ್ತಿಗೆ ವ್ಯತಿರಿಕ್ತವಾಗಿ, ಭಾರತದಲ್ಲಿ ನರೇಂದ್ರ ಮೋದಿ ಅವರು ಅಧಿಕಾರವನ್ನು ಉಳಿಸಿಕೊಂಡರು ಮಾತ್ರವಲ್ಲದೆ ಐತಿಹಾಸಿಕ ಮೂರನೇ ಅವಧಿಯೊಂದಿಗೆ ಅಧಿಕಾರ ಚುಕ್ಕಾಣಿ ಹಿಡಿದರು. 2014 ಮತ್ತು 2019ರಲ್ಲಿ ಅವರ ಸ್ಪಷ್ಟ ವಿಜಯಗಳ ನಂತರ, ಭಾರತೀಯ ಮತದಾರರು ಮತ್ತೊಮ್ಮೆ ಮೋದಿಯವರಿಗೆ ಬಲವಾದ, ದೃಢವಾದ ಹಾಗೂ ಸ್ಪಷ್ಟವಾದ ಜನಾದೇಶವನ್ನು ನೀಡಿದರು, ಅಂತರರಾಷ್ಟ್ರೀಯ ಆಡಳಿತ ವಿರೋಧಿ ಅಲೆಗೆ ಗಮನಾರ್ಹವಾಗಿದ್ದರೂ, ಭಾರತದಲ್ಲಿ ಆಡಳಿತ ಮೋದಿಯವರು ಉತ್ತಮ ಗೆಲುವಿನೊಂದಿಗೆ ಯಶಸ್ವೀ ಪ್ರದರ್ಶನ ನೀಡಿದರು.
2024ರ ವರ್ಷವು ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ನಾಯಕತ್ವದಲ್ಲಿ ಬಿಜೆಪಿಯ ಕೆಲವು ದೊಡ್ಡ ವಿಜಯಗಳನ್ನು ಗುರುತಿಸಿದೆ. ನರೇಂದ್ರ ಮೋದಿಯವರ ಐತಿಹಾಸಿಕ ಮೂರನೇ ಅವಧಿಗೆ ಪ್ರಧಾನಮಂತ್ರಿಯಾಗಿ ಅಧಿಕಾರ ವಹಿಸಿಕೊಂಡರು. ಈ ಸಾಧನೆಯು ಭಾರತದ ರಾಜಕೀಯ ಇತಿಹಾಸದಲ್ಲಿ ಮಹತ್ವದ್ದಾಗಿದೆ, ಏಕೆಂದರೆ 1962 ರಿಂದ ಯಾವುದೇ ನಾಯಕ ಸತತ ಮೂರನೇ ಬಾರಿಗೆ ಗೆದ್ದಿಲ್ಲ, ಪ್ರಧಾನಮಂತ್ರಿಯಾಗಿಲ್ಲ.
ಅಸ್ಥಿರ ಜಗತ್ತಿನಲ್ಲಿ ಸ್ಥಿರ ನಾಯಕತ್ವ
2014 ರಿಂದ, ಒಂದು ದಶಕದಿಂದ ಅಧಿಕಾರದಲ್ಲಿ ಉಳಿದಿರುವ ನರೇಂದ್ರ ಮೋದಿಯವರ ನಾಯಕತ್ವದಲ್ಲಿ ಭಾರತವು ರಾಜಕೀಯ ಸ್ಥಿರತೆಯ ದಾರಿದೀಪವಾಗಿ ನಿಂತಿದೆ. ಈ ನಿರಂತರತೆಯು ಗಮನಾರ್ಹವಾಗಿದೆ, ವಿಶೇಷವಾಗಿ ಅದೇ ಅವಧಿಯಲ್ಲಿ ಇತರ ಪ್ರಜಾಪ್ರಭುತ್ವಗಳು, ಜಾಗತಿಕವಾಗಿ, ಅನುಭವಿಸಿದ ರಾಜಕೀಯ ಪ್ರಕ್ಷುಬ್ಧತೆಗೆ ಹೋಲಿಸಿದರೆ, ಭಾರತದ ರಾಜಕೀಯ ಸ್ಥಿರತೆಯು ಅತ್ಯಂತ ದೃಢವಾಗಿದೆ.
ಮೋದಿಯವರ ಅಧಿಕಾರಾವಧಿಯು ಒಗ್ಗಟ್ಟಿನ ಸರ್ಕಾರದಿಂದ ಗುರುತಿಸಲ್ಪಟ್ಟಿದೆ. ಇದು ದೂರಗಾಮಿ ಆರ್ಥಿಕ, ಸಾಮಾಜಿಕ ಮತ್ತು ವಿದೇಶಾಂಗ ನೀತಿಯ ಉಪಕ್ರಮಗಳನ್ನು ಜಾರಿಗೆ ತಂದಿರುವ ಸರ್ಕಾರವಾಗಿದೆ. ಭಾರತವು ಜಾಗತಿಕ ಶಕ್ತಿಯಾಗಿ ಬೆಳೆಯಲು ಅಪಾರ ಕೊಡುಗೆ ನೀಡಿದೆ.
ಇದಕ್ಕೆ ವ್ಯತಿರಿಕ್ತವಾಗಿ, ಯುನೈಟೆಡ್ ಸ್ಟೇಟ್ಸ್ ನಾಟಕೀಯ ರೀತಿಯಲ್ಲಿ ಹಲವಾರು ರಾಜಕೀಯ ಪಲ್ಲಟಗಳ ಸರಣಿಗೆ ಸಾಕ್ಷಿಯಾಗಿದೆ. ಬರಾಕ್ ಒಬಾಮಾ ಅವರ ಅಧ್ಯಕ್ಷತೆಯಲ್ಲಿ 2017 ರವರೆಗೆ, ನಂತರ ಅಧಿಕಾರವನ್ನು ಡೊನಾಲ್ಡ್ ಟ್ರಂಪ್ ಅವರಿಗೆ ಹಸ್ತಾಂತರಿಸಲ್ಪಟ್ಟಿತು. ಅವರು ಸಂಪೂರ್ಣವಾಗಿ ವಿಭಿನ್ನ ನೀತಿಗಳನ್ನು ಮತ್ತು ಹೆಚ್ಚು ಪ್ರತ್ಯೇಕವಾದ ನಿಲುವನ್ನು ಜನತೆಗೆ ಪರಿಚಯಿಸಿದರು. 2021 ರಲ್ಲಿ, ಬಹುಪಕ್ಷೀಯತೆ ಮತ್ತು ದೇಶೀಯ ಹೂಡಿಕೆಗೆ ಒತ್ತು ನೀಡುವ ಟ್ರಂಪ್ ರವರ ಹಲವು ಪ್ರಮುಖ ನೀತಿಗಳನ್ನು ಜೋ ಬಿಡೆನ್ ಅವರು ಹಿಮ್ಮೆಟ್ಟಿಸಿದರು. ಡೊನಾಲ್ಡ್ ಟ್ರಂಪ್ ಪುನಃ ಅಧಿಕಾರಕ್ಕೆ ಮರಳುವಿಕೆಯು ಆಡಳಿತದಲ್ಲಿ ಮತ್ತೊಂದು ಬಲವಾದ ಬದಲಾವಣೆಯನ್ನು ತಂದಿದೆ. ಇದು ಆಳವಾದ ಪೂರ್ವಾಗ್ರಹದ ವಿಭಜನೆಗಳು, ವಿರೋಧಾಭಾಸ ಮತ್ತು ನೀತಿ ಚಂಚಲತೆಯನ್ನು ಪ್ರತಿಬಿಂಬಿಸುತ್ತದೆ.
ಯುನೈಟೆಡ್ ಕಿಂಗ್‌ಡಮ್, 2014 ರಿಂದ ಗಮನಾರ್ಹ ರಾಜಕೀಯ ಅಸ್ಥಿರತೆಯನ್ನು ಕಾಣುತ್ತಿದೆ. ಕನ್ಸರ್ವೇಟಿವ್ ಪಕ್ಷದ ಅಡಿಯಲ್ಲಿ, ನಾಯಕತ್ವವು ಆಗಾಗ್ಗೆ ಬದಲಾಯಿತು. ಬ್ರೆಕ್ಸಿಟ್ ನಂತರದ ಜನಾಭಿಪ್ರಾಯ ಸಂಗ್ರಹಕ್ಕೆ ಡೇವಿಡ್ ಕ್ಯಾಮರೂನ್ ರಾಜೀನಾಮೆ ನೀಡಿದರು. ನಂತರ ಥೆರೆಸಾ ಮೇ ಅವರು ಬ್ರೆಕ್ಸಿಟ್ ಸಮಾಲೋಚನೆಗಳೊಂದಿಗೆ ಸತತವಾಗಿ ಹೋರಾಡಿದರು. ನಂತರ ಅಧಿಕಾರವನ್ನು ಬೋರಿಸ್ ಜಾನ್ಸನ್ ವಹಿಸಿಕೊಂಡರು, ಹಾಗೂ ಕೋವಿಡ್-19 ಸಾಂಕ್ರಾಮಿಕ ಸಮಯದಲ್ಲಿ ದೇಶವನ್ನು ಮುನ್ನಡೆಸಿದರು. ಆದರೆ, ಅಂತಿಮವಾಗಿ ಹಗರಣಗಳ ಸರಣಿಯೊಂದಿಗೆ ಅಧಿಕಾರದ ಕಾಲಾವಧಿಯ ಮಧ್ಯೆ ಅನಿವಾರ್ಯವಾಗಿ ರಾಜೀನಾಮೆ ನೀಡಿದರು. ಲಿಜ್ ಟ್ರಸ್ ಅವರ ಸಂಕ್ಷಿಪ್ತ ಮತ್ತು ಪ್ರಕ್ಷುಬ್ಧ ಅಧಿಕಾರಾವಧಿಯನ್ನು ಆನಂತರ, ರಿಷಿ ಸುನಕ್ ಅನುಸರಿಸಿದರು. ರಿಷಿ ಸುನಕ್ ಅವರು ಆರ್ಥಿಕತೆ ಮತ್ತು ಪಕ್ಷವನ್ನು ಸ್ಥಿರಗೊಳಿಸಲು ಪ್ರಯತ್ನಿಸಿದರು. ಾನಂತರ, ಇತ್ತೀಚೆಗೆ, ಲೇಬರ್ ಪಕ್ಷದ ಕೀರ್ ಸ್ಟಾರ್ಮರ್ ಪ್ರಧಾನಮಂತ್ರಿಯಾದರು. ಆಡಳಿತದಲ್ಲಿ ಬದಲಾವಣೆಯ ಅನಿವಾರ್ಯತೆಯನ್ನು ಗುರುತಿಸಿದರು. ಆದರೂ, ಪಕ್ಷದ ಆಂತರಿಕ ಭಿನ್ನಾಭಿಪ್ರಾಯಗಳು ಮತ್ತು ದೇಶದ ರಾಜಕೀಯ ಕಲಹದಿಂದ ಬೇಸತ್ತ ಮತದಾರರು ಸೇರಿದಂತೆ ದೇಶದಾದ್ಯಂತ ಎಲ್ಲಡೆ ಸವಾಲುಗಳು ಹಾಗೆಯೇ ಉಳಿದಿವೆ.
ಆಸ್ಟ್ರೇಲಿಯಾವು, ತನ್ನ ಐತಿಹಾಸಿಕವಾಗಿ ಅಸ್ಥಿರ ರಾಜಕೀಯ ಪರಿಸ್ಥಿತಿ, ಅರಾಜಕತೆಯ ಸಂಸ್ಕೃತಿಯನ್ನು ಪ್ರತಿಬಿಂಬಿಸುವ ನಾಯಕತ್ವದಲ್ಲಿ ಅನೇಕ ಕ್ಷಿಪ್ರ ವಹಿವಾಟನ್ನು ಕಂಡಿದೆ. 2014 ರಲ್ಲಿ ಪ್ರಧಾನಮಂತ್ರಿ ಸ್ಥಾನವು ಟೋನಿ ಅಬಾಟ್‌ನಿಂದ ಆರಂಭಗೊಂಡು, ಆನಂತರ ಮಾಲ್ಕಮ್ ಟರ್ನ್‌ಬುಲ್, ತದನಂತರ ಸ್ಕಾಟ್ ಮಾರಿಸನ್ ಮತ್ತು ಈಗ ಆಂಥೋನಿ ಅಲ್ಬನೀಸ್ ಗೆ ಹಸ್ತಾಂತರವಾಗುತ್ತಾ ಹೋಯಿತು. ಪ್ರತಿ ಪರಿವರ್ತನೆಯು ಆದ್ಯತೆಗಳಲ್ಲಿ ಬದಲಾವಣೆಗಳನ್ನು ತಂದಿದೆ. ಅಲ್ಬನೀಸ್ ತನ್ನ ಪೂರ್ವವರ್ತಿಗಳ ಅಡಿಯಲ್ಲಿ ಹೆಚ್ಚು ಸಂಪ್ರದಾಯವಾದಿಗಳ ಗತಿ-ವಿಧಾನಗಳನ್ನು ಅಳವಡಿಸಿದರೆ, ಅವರ ಬಹುತೇಕ ಅನುಷ್ಠಾನಗಳು ಆ ನಂತರ ಹವಾಮಾನ ಕ್ರಿಯೆ ಮತ್ತು ಸಾಮಾಜಿಕ ನೀತಿಗಳ ಮೇಲೆ ಕೇಂದ್ರೀಕರಿಸಲ್ಪಟ್ಟಿದೆ.
ಇಟಲಿಯ ರಾಜಕೀಯ ದೃಶ್ಯವು ಇದೇ ರೀತಿ ಇದೆ ಹಾಗೂ ಇದಕ್ಕೆ ಸಮಾನವಾಗಿ ಕ್ರಿಯಾತ್ಮಕವಾಗಿದೆ. ಸತತ ಸರ್ಕಾರಗಳು ತಮ್ಮ ಅವಧಿಯನ್ನು ಪೂರ್ಣಗೊಳಿಸುವ ಮೊದಲು ಪತನಗೊಳ್ಳುತ್ತವೆ. ಮ್ಯಾಟಿಯೊ ರೆಂಜಿಯ ಸುಧಾರಣಾ-ಚಾಲಿತ ಅಧಿಕಾರಾವಧಿಯು ಪಾವೊಲೊ ಜೆಂಟಿಲೋನಿ ಅವರಿಗೆ ದಾರಿ ಮಾಡಿಕೊಟ್ಟಿತು. ನಂತರ, ಗೈಸೆಪ್ಪೆ ಕಾಂಟೆ ಅವರ ಸಮ್ಮಿಶ್ರ ಸರ್ಕಾರ ಅಧಿಕಾರ ಚುಕ್ಕಾಣಿ ಹಿಡಿಯಿತು. ಮಾರಿಯೋ ಡ್ರಾಘಿ ಅವರ ನಾಯಕತ್ವ ಮತ್ತು ಈಗ ಇಟಲಿಯ ಮೊದಲ ಮಹಿಳಾ ಪ್ರಧಾನಮಂತ್ರಿ ಜಾರ್ಜಿಯಾ ಮೆಲೋನಿ ಅವರ ನಾಯಕತ್ವ, ಹೀಗೆ ಅಧಿಕಾರ ಹಾಗೂ ನಾಯಕತ್ವ ಬದಲಾಗುತ್ತಾ ಇದೆ. ಮೆಲೋನಿಯವರ ಐತಿಹಾಸಿಕ ಗೆಲುವಿನ ಹೊರತಾಗಿಯೂ, ಇಟಲಿಯು ರಾಜಕೀಯ ವಿಘಟನೆ ಮತ್ತು ಆರ್ಥಿಕ ಸವಾಲುಗಳನ್ನು ಸದಾ ಎದುರಿಸುತ್ತಲೇ ಇದೆ.
ಪಾಕಿಸ್ತಾನವು ನಿರ್ದಿಷ್ಟವಾಗಿ, ರಾಜಕೀಯ ಅಸ್ಥಿರತೆಗೆ ಉದಾಹರಣೆಯಾಗಿದೆ. ಆಗಾಗ್ಗೆ ನಾಯಕತ್ವ ಬದಲಾವಣೆಗಳ ಮಾದರಿಯು, ಸ್ವಜನಪಕ್ಷಪಾತ, ಭ್ರಷ್ಟಾಚಾರ ಮತ್ತು ಚುನಾವಣಾ ವಂಚನೆಯ ಆರೋಪಗಳಿಂದ ಹಾನಿಗೊಳಗಾಗುತ್ತದೆ – ಇದಕ್ಕೆ ಪಾಕಿಸ್ಥಾನ ಸ್ಪಷ್ಟ ಉದಾಹರಣೆಯಾಗಿದೆ. 2014 ರಿಂದ, ದೇಶವು ನವಾಜ್ ಷರೀಫ್ ಅವರಿಂದ ಶಾಹಿದ್ ಖಾಕನ್ ಅಬ್ಬಾಸಿಯವರ ವರೆಗೆ ಪರಿವರ್ತನೆಗಳನ್ನು ಕಂಡಿದೆ. ನಂತರ ಇಮ್ರಾನ್ ಖಾನ್ ಮತ್ತು ಈಗ ಶೆಹಬಾಜ್ ಷರೀಫ್, ದೇಶದ ಚುಕ್ಕಾಣಿ ಹಿಡಿದಿದ್ದಾರೆ. ಪ್ರತಿಯೊಬ್ಬ ನಾಯಕನ ಅಧಿಕಾರಾವಧಿಯು, ಅವಧಿ ನಡುವೆಯೇ ಅವರ ಪೂರ್ವವರ್ತಿಗಳೊಂದಿಗೆ ವಿವಾದಾತ್ಮಕ ಸಂಬಂಧದಿಂದ ಗುರುತಿಸಲ್ಪಟ್ಟಿದೆ. ಆಗಾಗ್ಗೆ ಕಾನೂನು ಹೋರಾಟಗಳು ಮತ್ತು ಸೆರೆವಾಸದಲ್ಲಿ ಕೊನೆಗೊಳ್ಳುತ್ತದೆ. ಈ ಅಸ್ಥಿರ ರಾಜಕೀಯ ವಾತಾವರಣವು ಸ್ಥಿರವಾದ ಆಡಳಿತ ಮತ್ತು ಆರ್ಥಿಕ ಪ್ರಗತಿಯನ್ನು ಸಾಧಿಸುವ ಪಾಕಿಸ್ತಾನದ ಸಾಮರ್ಥ್ಯವನ್ನು ಕುಂಠಿತಗೊಳಿಸಿದೆ.
ಇಸ್ರೇಲ್, ವಿಶೇಷವಾಗಿ ಅದರ ಮುರಿದ ಒಕ್ಕೂಟ ವ್ಯವಸ್ಥೆಯಿಂದಾಗಿ ಗಮನಾರ್ಹ ರಾಜಕೀಯ ಪ್ರಕ್ಷುಬ್ಧತೆಯನ್ನು ಅನುಭವಿಸಿದೆ. ನಫ್ತಾಲಿ ಬೆನ್ನೆಟ್‌ ಗೆ ಅಧಿಕಾರವನ್ನು ಕಳೆದುಕೊಂಡಿದ್ದಾರೆ ಹಾಗೂ 2014 ರಿಂದ, ಬೆಂಜಮಿನ್ ನೆತನ್ಯಾಹು ಅವರುಅಧಿಕಾರ ವಹಿಸಿದ್ದಾರೆ. ನಂತರ ಯೈರ್ ಲ್ಯಾಪಿಡ್ ಅವರ ಸಂಕ್ಷಿಪ್ತ ಅಧಿಕಾರಾವಧಿ, ಆನಂತರ, ಪುನಃ ನೆತನ್ಯಾಹು ಅವರು ದೇಶದ ಪ್ರಧಾನಮಂತ್ರಿಯಾಗಿ ಮರಳಿದರು.
2014 ರಿಂದ, ಇಸ್ರೇಲ್ ದೇಶದ ಸಂಸತ್ತಿನ ನೆಸೆಟ್‌ ಗೆ ಆರು ರಾಷ್ಟ್ರೀಯ ಚುನಾವಣೆಗಳನ್ನು ನಡೆಸಿದೆ. ಈ ಚುನಾವಣೆಗಳು 2015, ಏಪ್ರಿಲ್ 2019, ಸೆಪ್ಟೆಂಬರ್ 2019, 2020, 2021 ಮತ್ತು 2022 ರಲ್ಲಿ ನಡೆದಿವೆ.
ಜಾಪಾನ್, ಇನ್ನೊಂದು ಹಾದಿಯಲ್ಲಿದೆ. ಇತ್ತೀಚಿನ ವರ್ಷಗಳಲ್ಲಿ ಅಲ್ಲಿ ನಾಯಕತ್ವದ ಬದಲಾವಣೆಗಳು ಅಲೆಗಳನ್ನು ಹೆಚ್ಚಿಸಿವೆ. 2020 ರವರೆಗೆ ಪ್ರಧಾನಮಂತ್ರಿಯಾಗಿ ಸೇವೆ ಸಲ್ಲಿಸಿದ ಶಿಂಜೋ ಅಬೆ ಅವರು ಆರೋಗ್ಯದ ಕಾರಣಗಳಿಂದ ಅನಿರೀಕ್ಷಿತವಾಗಿ ರಾಜೀನಾಮೆ ನೀಡಿದರು. ಕೇವಲ ಒಂದು ವರ್ಷದ ಅಧಿಕಾರದ ನಂತರ ಕೆಳಗಿಳಿದ ಯೋಶಿಹಿಡೆ ಸುಗಾ ಮತ್ತು ದೊಡ್ಡ ಅನಿಶ್ಚಿತತೆಯ ನಡುವೆ ಕೇವಲ 3 ವರ್ಷಗಳ ಕಾಲ ಪ್ರಧಾನಮಂತ್ರಿಯಾಗಿದ್ದ ಫ್ಯೂಮಿಯೊ ಕಿಶಿಡಾ ಮತ್ತು ಈಗ ಶಿಗೆರು ಇಶಿಬಾ ಅವರು ಉತ್ತರಾಧಿಕಾರಿಯಾದರು.
2014 ರಿಂದ, ಬ್ರೆಜಿಲ್ ಆರ್ಥಿಕ ಬಿಕ್ಕಟ್ಟುಗಳು, ಭ್ರಷ್ಟಾಚಾರ ಹಗರಣಗಳು ಮತ್ತು ಧ್ರುವೀಕೃತ ಚುನಾವಣೆಗಳಿಂದ ನಡೆಸಲ್ಪಡುವ ರಾಜಕೀಯ ಕ್ರಾಂತಿಯನ್ನು ಎದುರಿಸುತ್ತಿದೆ. ದಿಲ್ಮಾ ರೌಸೆಫ್ 2016 ರಲ್ಲಿ ದೋಷಾರೋಪಣೆ ಮಾಡಲ್ಪಟ್ಟರು, ವಿವಾದಾತ್ಮಕ ಪದವನ್ನು ಪೂರೈಸಿದ ಮೈಕೆಲ್ ಟೆಮರ್‌ ಅವರಿಗೆ ದಾರಿ ಮಾಡಿಕೊಟ್ಟರು. ನಂತರ ಜೈರ್ ಬೋಲ್ಸನಾರೊ ಅವರು ಅಧಿಕಾರಕ್ಕೆ ಬಂದರು. ಬಲಪಂಥೀಯ ಜನಪ್ರಿಯ ನಿಲುವನ್ನು ಅಳವಡಿಸಿಕೊಂಡರು. ಇತ್ತೀಚೆಗೆ, ಧ್ರುವೀಕರಣದ ಚುನಾವಣೆಯ ನಂತರ ಕಚೇರಿಗೆ ಲೂಯಿಜ್ ಇನಾಸಿಯೊ ಲುಲಾ ಡಾ ಸಿಲ್ವಾ ಅವರು ಪುನಃ ಮರಳಿದರು.
ದಕ್ಷಿಣ ಕೊರಿಯಾದಲ್ಲಿ, 2017 ರಲ್ಲಿ ಬೃಹತ್ ಭ್ರಷ್ಟಾಚಾರ ಆರೋಪಗಳ ನಡುವೆ ಪಾರ್ಕ್ ಗ್ಯುನ್-ಹೈ ಅವರನ್ನು ದೋಷಾರೋಪಣೆ ಮಾಡಲಾಯಿತು. ಆಕೆಯ ಉತ್ತರಾಧಿಕಾರಿ ಮೂನ್ ಜೇ-ಇನ್ ಆರ್ಥಿಕ ಸವಾಲುಗಳು ಮತ್ತು ರಾಜತಾಂತ್ರಿಕ ಉದ್ವಿಗ್ನತೆಗಳೊಂದಿಗೆ ಹೋರಾಡಿದರು. ಯೂನ್ ಸುಕ್-ಯೋಲ್ ಪ್ರಸ್ತುತ ಅಧ್ಯಕ್ಷರಾಗಿದ್ದಾರೆ. ಇತ್ತೀಚೆಗೆ ಕಾನೂನು ಸಮರ ವಿಫಲವಾಗಿದೆ ಮತ್ತು ದಕ್ಷಿಣ ಕೊರಿಯಾದ ಸಂಸತ್ತಿನಿಂದ ದೋಷಾರೋಪಣೆ ಪ್ರಕ್ರಿಯೆ ಸಕ್ರಿಯವಾಗಿದೆ.
2014 ರಿಂದ ಅರ್ಜೆಂಟೀನಾ ಗಮನಾರ್ಹ ಬದಲಾವಣೆಗಳನ್ನು ಕಂಡಿದೆ. ನಾಯಕತ್ವವು ಕ್ರಿಸ್ಟಿನಾ ಫೆರ್ನಾಂಡಿಸ್ ಡಿ ಕಿರ್ಚ್ನರ್‌ ಅವರಿಂದ ಮಾರಿಸಿಯೊ ಮ್ಯಾಕ್ರಿ ಅವರಿಗೆ ಹಸ್ತಾಂತರವಾಯಿತು. ಆನಂತರ ಆಲ್ಬರ್ಟೊ ಫೆರ್ನಾಂಡಿಸ್ ಮತ್ತು ಈಗ ಜೇವಿಯರ್ ಮಿಲೀಗೆ ಬದಲಾಗಿದೆ. ಪ್ರತಿಯೊಬ್ಬ ನಾಯಕರು ಗಮನಾರ್ಹವಾಗಿ ವಿಭಿನ್ನವಾದ ಆರ್ಥಿಕ ಮತ್ತು ಸಾಮಾಜಿಕ ನೀತಿಗಳನ್ನು ಅಳವಡಿಸಿಕೊಂಡಿದ್ದಾರೆ. ತಮ್ಮದೇ ಆದ ಅನಿಶ್ಚಿತತೆ ಮತ್ತು ಆಗಾಗ್ಗೆ ರಾಜಕೀಯ ಮರುಹೊಂದಾಣಿಕೆ, ಮರುಜೋಡಣೆಗಳ ರಾಜಕೀಯ ಚೌಕಟ್ಟುಗಳ ವಿಶೇಷ ಕೊಡುಗೆ ನೀಡಿದ್ದಾರೆ.
ಯಾವೆಲ್ಲಾ ಅಂಶಗಳು 2024ರ ಭಾರತೀಯ ಸಾರ್ವತ್ರಿಕ ಚುನಾವಣೆಯನ್ನು ಐತಿಹಾಸಿಕವಾಗಿಸುತ್ತವೆ?
- 2024 ರ ಚುನಾವಣೆಯು ಭಾರತವನ್ನು ವಿಶೇಷವಾಗಿ ಚೇತರಿಸಿಕೊಳ್ಳುವ ಪ್ರಜಾಪ್ರಭುತ್ವ ಎಂದು ತೋರಿಸಿಕೊಟ್ಟಿತು. ಇದು ದೃಢವಾದ ಮತದಾರರ ಪಾಲ್ಗೊಳ್ಳುವಿಕೆ, ನಿರ್ಧಾರ ಮತ್ತು ನಾಗರಿಕ ನಡವಳಿಕೆಯಿಂದ ಚುನಾವಣೆಯು ಗುರುತಿಸಲ್ಪಟ್ಟಿದೆ.
- ಮತದಾನ ಯಂತ್ರ(ಇವಿಎಂ)ಗಳ ಮೇಲೆ ಪೂರ್ವಾಗ್ರಹ ಪ್ರೇರಿತ ದಾಳಿಗಳು ನಡೆದವು. ಇದಾಗ್ಯೂ, ವಿಪರೀತ ಶಾಖೋಷ್ಣ ತಾಪಮಾನದ ಹೊರತಾಗಿಯೂ, ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಮತ ಚಲಾಯಿಸುವ ಮೂಲಕ ಹೆಚ್ಚಿನ ಉತ್ಸಾಹವನ್ನು ಪ್ರದರ್ಶಿಸಿದರು. ಮೊದಲ ಬಾರಿಗೆ ಮತದಾನ ಮಾಡಿದವರಿಂದ ಹಿಡಿದು ಅತ್ಯಂತ ಹಿರಿಯ ನಾಗರಿಕರು, ಎಲ್ಲಾ ವಯೋಮಾನದವರು ಮತ್ತು ಸಮಾಜದ ಎಲ್ಲಾ ವರ್ಗದ ಜನರು ಅತ್ಯಂತ ಉತ್ಸಾಹದಿಂದ ಪ್ರಜಾಪ್ರಭುತ್ವ ಪ್ರಕ್ರಿಯೆಯಲ್ಲಿ ಭಾಗವಹಿಸಿದ್ದಾರೆ.
- ಕಾಶ್ಮೀರವು 1996 ರಿಂದ ನಂತರ 38% ರಷ್ಟು, ಅಂದರೆ, ಕಳೆದ 3 ದಶಕಗಳಲ್ಲಿ ಮೊದಲ ಬಾರಿಗೆ ಅತ್ಯಧಿಕ ಮತದಾನ ಭಾಗವಹಿಸುವಿಕೆಯನ್ನು ದಾಖಲಿಸಿದೆ.
- ಹೆಚ್ಚು ಮಹಿಳೆಯರು ಚುನಾವಣೆಯಲ್ಲಿ ಸ್ಪರ್ಧಿಸಿ ಗೆದ್ದು, ಲಿಂಗ ಪ್ರಾತಿನಿಧ್ಯವನ್ನು ಬಲಪಡಿಸಿದಂತೆ ಭಾರತೀಯ ರಾಜಕೀಯವು ಹೆಚ್ಚಿನ ಒಳಗೊಳ್ಳುವಿಕೆಯನ್ನು ಕಂಡಿತು. ರಾಷ್ಟ್ರದ ರಾಜಕೀಯ ಚೌಕಟ್ಟಿಗೆ ಹೊಸ ದೃಷ್ಟಿಕೋನಗಳನ್ನು ತರುವುದರ ಮೂಲಕ ಯುವಜನತೆಯ ಭಾಗವಹಿಸುವಿಕೆ ಗಮನಾರ್ಹವಾಗಿ ಹೆಚ್ಚಾಯಿತು.
- 2024 ರ ಚುನಾವಣೆಗಳು ಭಾರತದ ಪ್ರಜಾಸತ್ತಾತ್ಮಕ ಪರಿಪಕ್ವತೆಯನ್ನು ಪ್ರದರ್ಶಿಸಿದವು. ನಾಗರಿಕರು ತಮ್ಮ ಆದ್ಯತೆಗಳು ಮತ್ತು ತಮ್ಮ ನಾಯಕರಿಂದ ನಿರೀಕ್ಷೆಗಳನ್ನು ಹೇಗೆ ಹೆಚ್ಚು ಬಯಸಿರುತ್ತಾರೆ, ಆ ಬಗ್ಗೆ ಹೆಚ್ಚು ತಿಳಿದಿರುತ್ತಾರೆ ಎಂಬುದನ್ನು ಎತ್ತಿ ತೋರಿಸುತ್ತದೆ. 2047 ರ ಹೊತ್ತಿಗೆ ವಿಕಸಿತ ಭಾರತದ ದೃಷ್ಟಿಕೋನದ ಹಿಂದೆ ದೇಶದಾದ್ಯಂತ ಜನರು ಒಟ್ಟಾಗಿ ಗಟ್ಟಿಯಾಗಿ ನಿಂತರು.
- ಮೊದಲ ಬಾರಿಗೆ ಅಂತರರಾಷ್ಟ್ರೀಯ ಪ್ರತಿನಿಧಿಗಳ ಅತಿ ದೊಡ್ಡ ಗುಂಪು ಈ ವರ್ಷ ಭಾರತದ ಸಾರ್ವತ್ರಿಕ ಚುನಾವಣೆಗಳನ್ನು ನೇರವಾಗಿ ಕಂಡು ಸನಿಹದಿಂದ ಅನುಭವಿಸಿದೆ. ನೋಡಿದ ಸಂಗತಿಗಳಿಂದ ಅವರು ಪ್ರಭಾವಿತರಾದರು. ಕೆಲವರು ಪ್ರಕ್ರಿಯೆಯ ಪಾರದರ್ಶಕತೆಯನ್ನು ಶ್ಲಾಘಿಸಿದರು. ಇತರರು ಹಸಿರು ಮತದಾನ ಕೇಂದ್ರಗಳಂತಹ ಚುನಾವಣಾ ಆಯೋಗದ ಉಪಕ್ರಮಗಳು ನಿಜವಾಗಿಯೂ ಸ್ಫೂರ್ತಿದಾಯಕವೆಂದು ಕಂಡುಕೊಂಡರು. ಇವಿಎಂ-ವಿವಿಪಿಎಟಿ ಗಳ ಪರ್ಯಾವರ್ತನೆಯ ತಂತ್ರಜ್ಞಾನದ ಬಳಕೆಯು ಸಾಕಷ್ಟು ಮೆಚ್ಚುಗೆಯನ್ನು ಪಡೆಯಿತು.
- ಈ ಆದೇಶವು ಅಭಿವೃದ್ಧಿ, ವೈವಿಧ್ಯತೆ ಮತ್ತು ನಿರ್ಣಾಯಕತೆಯಾಗಿದೆ. ಜನರು ಮೋಸ, ವಂಚನೆ , ಸ್ವಜನಪಕ್ಷಪಾತ ಮತ್ತು ವಿಭಜನೆಯ ರಾಜಕಾರಣವನ್ನು ಸಾರಾಸಗಟಾಗಿ ತಿರಸ್ಕರಿಸಿದ್ದಾರೆ.
- ಭಾರತವು ಪ್ರಬುದ್ಧ ಪ್ರಜಾಪ್ರಭುತ್ವ ಎಂದು ಪುನಃ ಮತ್ತೊಮ್ಮೆ ಪ್ರದರ್ಶಿಸಿದೆ ಮತ್ತು ಸತತ ಯಶಸ್ವಿಯಾಗಿ ಮೂರನೇ ಅವಧಿಗೆ ಅಧಿಕಾರವನ್ನು ಪಡೆದ ಜಾಗತಿಕ ನಾಯಕರ ಆಯ್ದ ಗುಂಪಿನಲ್ಲಿ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರನ್ನು ಇರಿಸಿದೆ.
ಇದಲ್ಲದೆ, 2014 ರಲ್ಲಿ ಪ್ರಾರಂಭವಾದ ಭಾರತದ ರಾಜಕೀಯ ಚೌಕಟ್ಟು ವಿಶಾಲ ಬದಲಾವಣೆಯ ಭಾಗವಾಗಿದೆ ಎಂದು ತೋರಿಸುವ ರಾಜ್ಯ ಮಟ್ಟದ ಯಶಸ್ಸನ್ನು ಕೂಡಾ 2024 ಇಸವಿ ಕಂಡಿತು. ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ನಾಯಕತ್ವದಲ್ಲಿ, ಬಿಜೆಪಿ ತನ್ನ ಪ್ರಭಾವವನ್ನು ವಿಸ್ತರಿಸಿದೆ. ಒಡಿಶಾ, ಆಂಧ್ರ ಪ್ರದೇಶ, ಮತ್ತು ಮಹಾರಾಷ್ಟ್ರ-ಈ ಹಿಂದೆ ಬಿಜೆಪಿ ಹಿಡಿತ ಸಾಧಿಸಲು ಹೆಣಗಾಡಿದ್ದ ಪ್ರದೇಶಗಳು, ಇಂತಹ ಪ್ರದೇಶಗಳಲ್ಲಿ ಬಿಜೆಪಿ ಒಕ್ಕೂಟದ ಒಗ್ಗಟ್ಟಿನ ಆಡಳಿತವನ್ನು ಅಧಿಕಾರಕ್ಕೆ ಕರೆತಂದಿದೆ. 2024 ರಲ್ಲಿ ಬಿಜೆಪಿಯ ಕೆಲವು ನಿರ್ಣಾಯಕ ಗೆಲುವುಗಳ ಹಿನ್ನೋಟವನ್ನು ನೋಡೋಣ ಮತ್ತು ಅವುಗಳು ಒಂದು ರೀತಿಯಲ್ಲಿ ಅನನ್ಯವಾಗಿವೆ:
ಜಗನ್ನಾಥನ ಒಡಿಶಾ, ಕೇಸರಿ ದಾರಿಯಲ್ಲಿ ಸಾಗುತ್ತದೆ..
ಪ್ರಧಾನಮಂತ್ರಿ ಮೋದಿಯವರ ನಾಯಕತ್ವದಲ್ಲಿ ಬಿಜೆಪಿಯು ಒಡಿಶಾದಲ್ಲಿ ಆಡಳಿತಾರೂಢ ಬಿಜು ಜನತಾ ದಳವನ್ನು (ಬಿಜೆಡಿ) ಸೋಲಿಸಿ ಐತಿಹಾಸಿಕ ಗೆಲುವು ಸಾಧಿಸಿದೆ. ಒಡಿಶಾದ ಇತಿಹಾಸದಲ್ಲಿ ಮೊದಲ ಬಾರಿಗೆ, ಲೋಕಸಭೆ ಚುನಾವಣೆಯಲ್ಲಿ ಬಿಜೆಡಿ ತನ್ನ ಪ್ರಾಬಲ್ಯವನ್ನು ಕಳೆದುಕೊಂಡಿದೆ. ಬಿಜೆಪಿ ತನ್ನ ಸ್ಥಾನಗಳನ್ನು , ಈ ಹಿಂದೆ ಇದ್ದ ಕೇವಲ 1 ರಿಂದ 6 ಕ್ಕೆ ಹೆಚ್ಚಿಸಿಕೊಂಡಿದೆ. ಇದು 2019 ರಿಂದ ಗಮನಾರ್ಹ ಬದಲಾವಣೆಯನ್ನು ಸೂಚಿಸುತ್ತದೆ. ಅಲ್ಲಿ ಬಿಜೆಡಿ 12 ಸ್ಥಾನಗಳನ್ನು ಮತ್ತು ಬಿಜೆಪಿ 8 ಸ್ಥಾನಗಳನ್ನು ಗೆದ್ದಿವೆ. ಲೋಕಸಭೆ ಚುನಾವಣೆಯ ಯಶಸ್ಸಿನ ಜೊತೆಗೆ ಒಡಿಶಾ ವಿಧಾನಸಭೆ ಚುನಾವಣೆಯಲ್ಲೂ ಬಿಜೆಪಿ ಗಮನಾರ್ಹ ಸಾಧನೆ ಮಾಡಿದೆ. ಈ ಬಾರಿ ಪಕ್ಷ 14 ಸ್ಥಾನಗಳನ್ನು ಗೆದ್ದು 66 ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದೆ.
ಆಂಧ್ರಪ್ರದೇಶ : ಎನ್.ಡಿ.ಎ.ಯನ್ನು ನಿರ್ಣಾಯಕವಾಗಿ ಆಯ್ಕೆ ಮಾಡಿದೆ
2024 ರ ಲೋಕಸಭಾ ಚುನಾವಣೆಯಲ್ಲಿ, ಆಂಧ್ರಪ್ರದೇಶದ ಪ್ರಬಲ ಪ್ರಾದೇಶಿಕ ರಾಜಕೀಯ ಗುರುತಿನ ಹೊರತಾಗಿಯೂ, ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಒಕ್ಕೂಟ(ಎನ್.ಡಿ.ಎ.)ವು ಗಮನಾರ್ಹ ಪ್ರಗತಿಯನ್ನು ಸಾಧಿಸಿತು. 25 ಸಂಸದೀಯ ಕ್ಷೇತ್ರಗಳಲ್ಲಿ 20 ರಲ್ಲಿ ಮುನ್ನಡೆ ಸಾಧಿಸಿತು. ಈ ಗಮನಾರ್ಹ ಸಾಧನೆಯು ಎನ್.ಡಿ.ಎ.ಯ ದೃಷ್ಟಿಕೋನ ಮತ್ತು ನೀತಿಗಳಿಗೆ ಹೆಚ್ಚುತ್ತಿರುವ ಬೆಂಬಲವನ್ನು ಪ್ರತಿಬಿಂಬಿಸುತ್ತದೆ. ಮೂಲಸೌಕರ್ಯ ಅಭಿವೃದ್ಧಿ, ಆರ್ಥಿಕ ಸುಧಾರಣೆಗಳು ಮತ್ತು ಸಮಾಜ ಕಲ್ಯಾಣ ಕಾರ್ಯಕ್ರಮಗಳು ರಾಜ್ಯದಾದ್ಯಂತ ಮತದಾರರಲ್ಲಿ ಪ್ರತಿಧ್ವನಿಸುವುದರೊಂದಿಗೆ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ನಾಯಕತ್ವವು ಈ ಯಶಸ್ಸಿನಲ್ಲಿ ಪ್ರಮುಖವಾಗಿದೆ.
ಹರಿಯಾಣ ಬಿಜೆಪಿಗೆ ಅಚ್ಚರಿ ತಂದಿದೆ
2024 ರ ಹರಿಯಾಣ ಅಸೆಂಬ್ಲಿ ಚುನಾವಣಾ ಫಲಿತಾಂಶಗಳು ಭಾರತೀಯ ಜನತಾ ಪಕ್ಷಕ್ಕೆ ಮಹತ್ವದ ಮೈಲಿಗಲ್ಲಾಗಿ ಗುರುತಿಸಲ್ಪಟ್ಟಿದೆ. ಏಕೆಂದರೆ ಹರಿಯಾಣದಲ್ಲಿ ಈ ಹ್ಯಾಟ್ರಿಕ್ ಸಾಧಿಸಿದ ಮೊದಲ ರಾಜಕೀಯ ಪಕ್ಷವಾಗಿದೆ. ಇದು ರಾಜ್ಯದಲ್ಲಿ ಪಕ್ಷ ಬೆಳೆಯುತ್ತಿರುವ ಪ್ರಭಾವ ಮತ್ತು ಭದ್ರಕೋಟೆ ಆಗಿದೆ ಎಂಬದಕ್ಕೆ ಐತಿಹಾಸಿಕ ಗೆಲುವು ಸಾಕ್ಷಿಯಾಗಿದೆ.
ಕಾಂಗ್ರೆಸ್ ಮತ್ತು ಇತರ ರಾಜಕೀಯ ಪಕ್ಷಗಳ ತೀವ್ರ ವಿರೋಧದ ನಡುವೆಯೂ ಬಿಜೆಪಿ ನೇರ ಸ್ಪರ್ಧೆಯಲ್ಲಿ ಕಾಂಗ್ರೆಸ್ ಅನ್ನು ಸೋಲಿಸುವಲ್ಲಿ ಯಶಸ್ವಿಯಾಯಿತು, ಹಾಗೂ 48 ಸ್ಥಾನಗಳನ್ನು ಗಳಿಸಿತು. ವಿರೋಧವು ಅವರ ಅತ್ಯುತ್ತಮ ಪ್ರಯತ್ನಗಳ ಹೊರತಾಗಿಯೂ, ಬಿಜೆಪಿಯ ಗೆಲುವಿನ ಪ್ರಮಾಣ ಮತ್ತು ವೇಗವನ್ನು ಹೊಂದಿಸಲು ಹಾಗೂ ಕುಗ್ಗಿಸಲು ಇತರ ಪಕ್ಷಗಳಿಗೆ ಸಾಧ್ಯವಾಗಲಿಲ್ಲ.
ಮಹಾರಾಷ್ಟ್ರದ ಬೃಹತ್ ವಿಜಯವು ವಿರೋಧದ ಕಾರ್ಯಸೂಚಿಯನ್ನು ಮುಚ್ಚುತ್ತದೆ
ಐತಿಹಾಸಿಕ ವಿಜಯದಲ್ಲಿ, ಭಾರತೀಯ ಜನತಾ ಪಕ್ಷವು ಮಹಾರಾಷ್ಟ್ರದಲ್ಲಿ ಗೆದ್ದು ತನ್ನ ಸತತ ಮೂರನೇ ಅವಧಿಯನ್ನು ಪುನಃ ಪಡೆದುಕೊಂಡಿತು. ಮೊದಲ ಬಾರಿಗೆ ಒಬ್ಬ ನಾಯಕನ ನಾಯಕತ್ವದಲ್ಲಿ ಪಕ್ಷವು ರಾಜ್ಯವನ್ನು ಅಂತಹ ಐತಿಹಾಸಿಕ ವಿಜಯದತ್ತ ಮುನ್ನಡೆಸಿದೆ. ಬಿಜೆಪಿ, 131 ಸ್ಥಾನಗಳನ್ನು ಗೆದ್ದರೆ, ಪ್ರತಿಪಕ್ಷ ಮಹಾ ವಿಕಾಸ್ ಅಘಾಡಿ (ಎಂವಿಎ) ಕೇವಲ 51 ಸ್ಥಾನಗಳನ್ನು ಗಳಿಸಿತು. ಶಿವಸೇನಾ, ಎನ್.ಸಿ.ಪಿ. ಸೇರಿದಂತೆ ಮಿತ್ರಪಕ್ಷಗಳೊಂದಿಗೆ ಆಡಳಿತಾರೂಢ ಬಿಜೆಪಿಯ ಮೈತ್ರಿಕೂಟ 230ಕ್ಕೂ ಹೆಚ್ಚು ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದ್ದು, ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ನಾಯಕತ್ವದಲ್ಲಿ ಜನರ ಬಲವಾದ ನಂಬಿಕೆಯನ್ನು ಪ್ರತಿಬಿಂಬಿಸುತ್ತದೆ. 288 ಸ್ಥಾನಗಳಲ್ಲಿ 131 ಸ್ಥಾನಗಳೊಂದಿಗೆ, ಬಿಜೆಪಿ ರಾಜ್ಯದಲ್ಲಿ ತನ್ನ ಅತ್ಯುತ್ತಮ ಸಾಧನೆಯನ್ನು ಸಾಧಿಸಿದೆ. 45% ರಷ್ಟು ಸೀಟು ಪಾಲನ್ನು ಪಡೆದುಕೊಂಡಿದೆ. ಬಿಜೆಪಿಯ ಈ ವಿಜಯವು ಮಹಾರಾಷ್ಟ್ರದ ವಿಧಾನಸಭಾ ಚುನಾವಣೆಯಲ್ಲಿ ಯಾವುದೇ ಪಕ್ಷಕ್ಕೆ ಅತಿದೊಡ್ಡ ಸ್ಥಾನ ಹಂಚಿಕೆಯನ್ನು ಕೂಡಾ ಸೂಚಿಸುತ್ತದೆ. ಬಿಜೆಪಿಯ ಪ್ರಾಬಲ್ಯವನ್ನು ಬಲಪಡಿಸುತ್ತದೆ ಮತ್ತು ರಾಜ್ಯದಲ್ಲಿ ಪ್ರತಿಪಕ್ಷಗಳ ಕಾರ್ಯಸೂಚಿಯನ್ನು ಪರಿಣಾಮಕಾರಿಯಾಗಿ ತಡೆದಿದೆ.
2024 ನಾಗರೀಕ ಜಾಗೃತಿಯ ವರ್ಷವೆಂದು ಹೇಗೆ ಸಾಬೀತಾಯಿತು? ಇಲ್ಲಿದೆ ಇಂಟ್ರೆಸ್ಟಿಂಗ್ ಮಾಹಿತಿ
Scam Alert: ಸಾರ್ವಜನಿಕರೇ ಎಚ್ವರ: ಅಪ್ಪಿತಪ್ಪಿಯೂ ‘Happy New Year’ ಮೆಸೇಜ್ ಲಿಂಕ್ ಮಾಡಬೇಡ.!
