ಕೆಎನ್ಎನ್ ಡಿಜಿಟಲ್ ಡೆಸ್ಕ್ : ಚಳಿಗಾಲದಲ್ಲಿ ರೂಮ್ ಹೀಟರ್(Heater) ಬಳಸುವುದು ಸಾಮಾನ್ಯ. ಆದ್ರೆ, ಅವುಗಳು ನಮ್ಮ ಪ್ರಾಣ ತೆಗೆಯುತ್ತದೆ ಎಂದು ಯಾರೂ ಊಹಿಸಿರುವುದಿಲ್ಲ. ಈ ಹೀಟರ್‌ಗಳ ಬಗ್ಗೆ ಜಾಗರೂಕರಾಗಿರುವುದು ಬಹಳ ಮುಖ್ಯ.
ರೂಮ್ ಹೀಟರ್‌ಗಳ ಬಳಕೆಯಿಂದ ಒಣ ಚರ್ಮ ಮತ್ತು ಅಲರ್ಜಿ ರೋಗಲಕ್ಷಣಗಳು ನಿಮ್ಮನ್ನು ಕಾಡಲಿದೆ ಎಂದು ಮರೆಯದಿರಿ. ಮಲಗುವ ಕೋಣೆಯಲ್ಲಿ ಚಳಿಗಾಲದಲ್ಲಿ ಹೀಟರ್ ಅನ್ನು ಆನ್ ಮಾಡಿ ಮಲಗುವುದರಿಂದ ಕಾರ್ಬನ್ ಮಾನಾಕ್ಸೈಡ್ ಮಟ್ಟಗಳು ಹೆಚ್ಚಾಗಬಹುದು. ಇದು ನಿಮಗೆ ಮಾರಕವಾಗಬಹುದು.
ಇತ್ತೀಚೆಗೆ, ಉತ್ತರ ಪ್ರದೇಶದ ಸಂಭಾಲ್ ಜಿಲ್ಲೆಯಲ್ಲಿ, ಪತಿ ಮತ್ತು ಪತ್ನಿ ತಮ್ಮ ಕೊಠಡಿಯ ಗ್ಯಾಸ್ ಹೀಟರ್ ಅನ್ನು ಆನ್ ಮಾಡಿ ಮಲಗಿದ್ದರ ಪರಿಣಾಮ ಅವರು ಉಸಿರುಗಟ್ಟಿ ಸಾವನ್ನಪ್ಪಿದ ಸುದ್ದಿ ವರದಿಯಾಗಿತ್ತು.
ಗ್ಯಾಸ್ ಹೀಟರ್‌ಗಳು ಸಾಮಾನ್ಯವಾಗಿ ಸುರಕ್ಷಿತವಾಗಿದ್ದರೂ, ಅವುಗಳನ್ನು ಸರಿಯಾಗಿ ನಿರ್ವಹಿಸದಿದ್ದರೆ ಅವುಗಳಿಂದ ಸಾಂದರ್ಭಿಕವಾಗಿ ಅನಿಲ ಸೋರಿಕೆಯಾಗುತ್ತವೆ. ಕಿಟಕಿಗಳು ಮುಚ್ಚಿದ ಕೊಠಡಿಯಲ್ಲಿ ತಾಜಾ ಗಾಳಿಯ ಕೊರತೆಯು ವಿಷಕಾರಿ ಕಾರ್ಬನ್ ಮಾನಾಕ್ಸೈಡ್ನ ಗಾಳಿಯ ಸಾಂದ್ರತೆಯನ್ನು ಹೆಚ್ಚಿಸುತ್ತದೆ. ಇದು ವಿಷ ಹೊರ ಸೂಸುವುದು ಮತ್ತು ಸಾವಿಗೆ ಕಾರಣವಾಗಬಹುದು.
ಹೀಟರ್ ಬಳಕೆಯ ಪರಿಣಾಮ
ಹೀಟರ್‌ಗಳು ಒಣ ಚರ್ಮ ಮತ್ತು ಕಣ್ಣಿನ ಕಿರಿಕಿರಿಯನ್ನು ಉಂಟುಮಾಡಬಹುದು. ಇದು ಕಾಂಜಂಕ್ಟಿವಿಟಿಸ್‌ಗೂ ಕಾರಣವಾಗಬಹುದು. ಒಣ ಚರ್ಮದಿಂದ ತುರಿಕೆ, ಕೆಂಪು ಮತ್ತು ಅಲರ್ಜಿಗಳು ಉಂಟಾಗಬಹುದು.
ಮುನ್ನೆಚ್ಚರಿಕೆಗಳು
* ಹೀಟರ್ ಅನ್ನು ಕಾಗದ, ಹಾಸಿಗೆ, ಪೀಠೋಪಕರಣಗಳು ಮತ್ತು ಹೊದಿಕೆಗಳ ಬಳಿ ಇಡಬಾರದು.
* ಹೀಟರ್ ಅನ್ನು ಮರ ಅಥವಾ ಪ್ಲಾಸ್ಟಿಕ್ ಮೇಲೆ ಹೀಟರ್ ಇರಿಸುವುದನ್ನು ತಪ್ಪಿಸಿ. ಬದಲಾಗಿ, ಅದನ್ನು ಗಟ್ಟಿಯಾದ, ದಹಿಸದ ಮೇಲ್ಮೈಯಲ್ಲಿ ಇರಿಸಿ.
* ಸಾಕುಪ್ರಾಣಿಗಳು ಮತ್ತು ಮಕ್ಕಳ ಕೈಗೆ ಎಟುಗದಂತೆ ಹೀಟರ್ ಇಡಿ.
* ಹೀಟರ್ ಅನ್ನು ಗಮನಿಸದೆ ಬಿಡಬೇಡಿ. ಕೊಠಡಿಯಿಂದ ಹೊರಡುವ ಮೊದಲು ಅಥವಾ ಮಲಗುವ ಮುನ್ನ, ಹೀಟರ್ ಅನ್ನು ಆಫ್ ಮಾಡಿ ಮತ್ತು ಕಾರ್ಬನ್ ಮಾನಾಕ್ಸೈಡ್ ವಿಷವನ್ನು ತಡೆಗಟ್ಟಲು ಅದನ್ನು ಅನ್ಪ್ಲಗ್ ಮಾಡಿ.
ತಲೆನೋವು, ತಲೆತಿರುಗುವಿಕೆ, ಹೊಟ್ಟೆಯಲ್ಲಿ ಅಸ್ವಸ್ಥತೆ, ವಾಂತಿ, ವಾಕರಿಕೆ ಮತ್ತು ದೌರ್ಬಲ್ಯವು ಕೋಣೆಗಳಲ್ಲಿ ಹೆಚ್ಚಿನ ಕಾರ್ಬನ್ ಮಾನಾಕ್ಸೈಡ್ನ ಲಕ್ಷಣಗಳಾಗಿವೆ.
BIGG NEWS: ಬೆಂಗಳೂರಿನಲ್ಲಿ ಡಬಲ್ ಮರ್ಡರ್ ಪ್ರಕರಣ; ಆರೋಪಿಗಳ ಪತ್ತೆಗಾಗಿ ನಾಲ್ಕು ವಿಶೇಷ ತಂಡ ರಚನೆ
BIGG NEWS: ಬೆಂಗಳೂರಿನಲ್ಲಿ ಡಬಲ್ ಮರ್ಡರ್ ಪ್ರಕರಣ; ಆರೋಪಿಗಳ ಪತ್ತೆಗಾಗಿ ನಾಲ್ಕು ವಿಶೇಷ ತಂಡ ರಚನೆ
