ನವದೆಹಲಿ : ಇಂದಿನ ಕಾಲದಲ್ಲಿ ಆಧಾರ್ ಕಾರ್ಡ್ ಅತ್ಯಂತ ಪ್ರಮುಖ ದಾಖಲೆಯಾಗಿದೆ. ಭಾರತದಲ್ಲಿ ಯಾವುದೇ ಪ್ರಮುಖ ಕೆಲಸವನ್ನು ಇತ್ಯರ್ಥಗೊಳಿಸಲು ಈ ಡಾಕ್ಯುಮೆಂಟ್ ಅಗತ್ಯವಿದೆ. ಶಾಲೆ, ಕಾಲೇಜಿಗೆ ಪ್ರವೇಶ, ಐಟಿಆರ್ ಸಲ್ಲಿಸುವುದು, ಆಭರಣ ಖರೀದಿ, ಸರ್ಕಾರದ ಯೋಜನೆಗಳ ಲಾಭ ಪಡೆಯಲು ಎಲ್ಲದಕ್ಕೂ ಆಧಾರ್ ಕಾರ್ಡ್ ಬೇಕು. ಅಂತಹ ಪರಿಸ್ಥಿತಿಯಲ್ಲಿ, ಈ ಪ್ರಮುಖ ದಾಖಲೆಯ ನಕಲು ಇತ್ತೀಚಿನ ದಿನಗಳಲ್ಲಿ ಬಹಳ ವೇಗವಾಗಿ ಹೆಚ್ಚಾಗಿದೆ. ಹಾಗಾಗಿನೇ ಆಧಾರ್ ಕಾರ್ಡ್‌ನ ವಿತರಣಾ ಸಂಸ್ಥೆಯಾದ ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (UIDAI) ನಕಲಿ ಆಧಾರ್ ಕಾರ್ಡ್ ನಿಷೇಧಿಸಲು ಕಟ್ಟುನಿಟ್ಟಿನ ಕ್ರಮಗಳನ್ನ ತೆಗೆದುಕೊಳ್ಳುತ್ತಿದೆ. ಈಗ ಆಧಾರ್‌ನ ಮುಖ ದೃಢೀಕರಣವನ್ನ ಆಧಾರ್ ಫೇಸ್‌ಆರ್‌ಡಿ ಮೂಲಕ ಸುಲಭವಾಗಿ ಮಾಡಬಹುದು.
UIDAI Aadhaar FaceRD ಅಪ್ಲಿಕೇಶನ್ ಅಭಿವೃದ್ಧಿ
UIDAI ಆಧಾರ್ ಬಳಕೆದಾರರ ಗುರುತನ್ನ ಪರಿಶೀಲಿಸಲು FaceRD ಅಪ್ಲಿಕೇಶನ್ ಬಿಡುಗಡೆ ಮಾಡಿದೆ. ಈ ಅಪ್ಲಿಕೇಶನ್ ನಿಮ್ಮ ಮುಖವನ್ನು ಸೆರೆಹಿಡಿಯಲು ಮತ್ತು ನಿಮ್ಮ ಗುರುತನ್ನ ಪರಿಶೀಲಿಸಲು ಮುಖದ ದೃಢೀಕರಣ ತಂತ್ರಜ್ಞಾನವನ್ನ ಬಳಸುತ್ತದೆ.
ಈ ಪ್ರಯೋಜನವು ಆಧಾರ್ ಫೇಸ್‌ಆರ್‌ಡಿ ಅಪ್ಲಿಕೇಶನ್‌ನಿಂದ ಲಭ್ಯ..!
ಈ ಅಪ್ಲಿಕೇಶನ್ ಮೂಲಕ ನೀವು ಆಧಾರ್ ಒಟಿಪಿ ಇಲ್ಲದೆಯೇ ಅದನ್ನು ಬಳಸಲು ಸಾಧ್ಯವಾಗುತ್ತದೆ. ಕೋವಿಡ್ ವ್ಯಾಕ್ಸಿನೇಷನ್, ರೇಷನ್ ಕಾರ್ಡ್, ಪಿಎಂ ಕಿಸಾನ್ ಯೋಜನೆ ಮುಂತಾದ ಹಲವು ಪ್ರಮುಖ ಕಾರ್ಯಗಳಿಗಾಗಿ ನೀವು ಈ ಅಪ್ಲಿಕೇಶನ್ ಮೂಲಕ ಮಾತ್ರ ಸರ್ಕಾರದ ಹಲವು ಪ್ರಮುಖ ಯೋಜನೆಗಳ ಲಾಭವನ್ನು ಪಡೆಯಬಹುದು. ಈ ಆ್ಯಪ್ ಮೂಲಕ ನೀವು ಆಧಾರ್ ಬಳಕೆದಾರರ ಆಧಾರ್ ಸಂಖ್ಯೆ, ಬಯೋಮೆಟ್ರಿಕ್ ವಿವರಗಳು, ಜನಸಂಖ್ಯಾ ವಿವರಗಳು ಮುಂತಾದ ಎಲ್ಲಾ ಮಾಹಿತಿಯನ್ನ ಸಂಗ್ರಹಿಸಬಹುದು ಮತ್ತು ಈ ಅಪ್ಲಿಕೇಶನ್‌ನಲ್ಲಿ ಇರಿಸಬಹುದು.
ಇನ್ನು ಐರಿಸ್ ಮತ್ತು ಫಿಂಗರ್‌ಪ್ರಿಂಟ್‌ನಂತಹ ಬಯೋಮೆಟ್ರಿಕ್ ವಿವರಗಳನ್ನ ಸ್ಕ್ಯಾನ್ ಮಾಡಲು ಆಧಾರ್ ಕೇಂದ್ರಕ್ಕೆ ಭೇಟಿ ನೀಡುವ ಅಗತ್ಯವಿಲ್ಲ. ನಿಮ್ಮ ಮನೆಯ ಸೌಕರ್ಯದಿಂದ ದಿನದ 24 ಗಂಟೆಗಳ ಕಾಲ ನಿಮ್ಮ ಅಗತ್ಯಕ್ಕೆ ಅನುಗುಣವಾಗಿ ನೀವು ಆಧಾರ್ ದೃಢೀಕರಣವನ್ನ ಮಾಡಬಹುದು.
ಅಪ್ಲಿಕೇಶನ್ ಹೇಗೆ ಬಳಸುವುದು?
ಮೊದಲು ನಿಮ್ಮ ಮೊಬೈಲ್‌ನಲ್ಲಿ ಆಧಾರ್ ಫೇಸ್ ಆರ್‌ಡಿ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಿ. ಅದರ ನಂತರ ಅದನ್ನ ಫೋನ್‌ನಲ್ಲಿ ಸ್ಥಾಪಿಸಿ ಮತ್ತು ನಿಮ್ಮ ಮುಖದ ದೃಢೀಕರಣವನ್ನು ಮಾಡಿ. ಇದರ ನಂತರ ನಿಮ್ಮ ಆಧಾರ್ ವಿವರಗಳನ್ನ ಯಾವುದೇ ಲಾಗಿನ್ ಅಥವಾ OTP ಇಲ್ಲದೆ ನಿಮ್ಮ ಮೊಬೈಲ್‌ನಲ್ಲಿ ಡೌನ್‌ಲೋಡ್ ಮಾಡಲಾಗುತ್ತದೆ.
