ನವದೆಹಲಿ : ಭಾರತದಲ್ಲಿ ಕಿಸಾನ್ ಕ್ರೆಡಿಟ್ ಕಾರ್ಡ್ ಬಳಸುವ ಕೋಟಿಗಟ್ಟಲೆ ರೈತರಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಶುಭ ಸುದ್ದಿಯೊಂದನ್ನ ನೀಡಿದೆ. ಈ ಹಣಕಾಸು ವರ್ಷದಿಂದ (2022-23) ಮುಂದಿನ ಹಣಕಾಸು ವರ್ಷ (2023-24) ವರೆಗೆ ಕಿಸಾನ್ ಕ್ರೆಡಿಟ್ ಕಾರ್ಡ್ನಲ್ಲಿ ಅಲ್ಪಾವಧಿಯ ಸಾಲಗಳಿಗೆ ಸಬ್ಸಿಡಿಯನ್ನು (KCC interest subsidy) ಮುಂದುವರಿಸಲು ಆರ್ಬಿಐ ನಿರ್ಧರಿಸಿದೆ.
ಬಡ್ಡಿಯಲ್ಲಿ ಶೇಕಡಾ 3ರಷ್ಟು ಸಬ್ಸಿಡಿ
ಈ ನಿರ್ಧಾರದ ನಂತರ, ಕಿಸಾನ್ ಕ್ರೆಡಿಟ್ ಕಾರ್ಡ್ ಹೊಂದಿರುವ ಪ್ರತಿಯೊಬ್ಬ ರೈತರು ಕೃಷಿ ಸಂಬಂಧಿತ ಕೆಲಸಕ್ಕೆ ಬಡ್ಡಿ ಶೇ.7ರಲ್ಲಿ ಬ್ಯಾಂಕ್ ಸಾಲವನ್ನ ಪಡೆಯುತ್ತಾರೆ. ಕೇಂದ್ರ ಸರ್ಕಾರ ಈ ಸಾಲದ ಮೇಲೆ ಶೇ.1.5ರಷ್ಟು ಸಬ್ಸಿಡಿ ನೀಡುತ್ತದೆ. ಇದಲ್ಲದೆ, ಈ ಸಾಲವನ್ನ ಸಕಾಲದಲ್ಲಿ ಮರುಪಾವತಿ ಮಾಡುವ ರೈತರಿಗೆ ಶೇಕಡಾ 3ರಷ್ಟು ಬಡ್ಡಿ ಸಬ್ಸಿಡಿ ಸಿಗುತ್ತದೆ. ಒಟ್ಟಾರೆಯಾಗಿ, ಕಿಸಾನ್ ಕ್ರೆಡಿಟ್ ಕಾರ್ಡ್ ಸಾಲದ ಮೇಲೆ ಕೇವಲ 4 ಪ್ರತಿಶತದಷ್ಟು ಬಡ್ಡಿದರ ಸಿಗುತ್ತೆ. ಇದು 25 ಪೈಸೆ ಬಡ್ಡಿಗೆ ಸಮನಾಗಿರುತ್ತದೆ.
3 ಲಕ್ಷ ರೂಪಾಯಿ ಸಾಲ
ಕೇಂದ್ರ ಸರ್ಕಾರವು ಕಿಸಾನ್ ಕ್ರೆಡಿಟ್ ಕಾರ್ಡ್ (KCC) ಮೂಲಕ ರೈತರಿಗೆ ರೂ.3 ಲಕ್ಷ ಸಾಲವನ್ನ ನೀಡುತ್ತದೆ. ರೈತರು ಈ ಹಣವನ್ನ ಕೃಷಿ, ಹೈನುಗಾರಿಕೆ, ಜೇನುಸಾಕಣೆ ಮತ್ತು ಇತರ ಕೃಷಿ ಸಂಬಂಧಿತ ಚಟುವಟಿಕೆಗಳಿಗೆ ಬಳಸಬಹುದು. ಇದಲ್ಲದೆ, ರೈತರು ರಸಗೊಬ್ಬರ, ಬೀಜಗಳು, ಕೀಟನಾಶಕಗಳು ಇತ್ಯಾದಿಗಳಿಗೆ ಈ ಸಾಲವನ್ನ ಪಡೆಯಬಹುದು. ಬಡ್ಡಿ ಸಬ್ಸಿಡಿ ಯೋಜನೆ (ISS) ಅಡಿಯಲ್ಲಿ, ಕಿಸಾನ್ ಕ್ರೆಡಿಟ್ ಕಾರ್ಡ್ ಸಾಲಗಳ ಮೇಲಿನ ಬಡ್ಡಿ ಮನ್ನಾವನ್ನ ಘೋಷಿಸುವ ಅಧಿಸೂಚನೆಯನ್ನ ಸೆಂಟ್ರಲ್ ಬ್ಯಾಂಕ್ ಬುಧವಾರ ಬಿಡುಗಡೆ ಮಾಡಿದೆ. ಈ ರಿಯಾಯಿತಿ ಪ್ರಯೋಜನವು ಸಾರ್ವಜನಿಕ ವಲಯದ ಬ್ಯಾಂಕ್, ಖಾಸಗಿ ವಲಯದ ಬ್ಯಾಂಕ್, ಸಣ್ಣ ಹಣಕಾಸು ಬ್ಯಾಂಕ್, ಸಹಕಾರಿ ಬ್ಯಾಂಕ್ ಗ್ರಾಹಕರಿಗೆ ಲಭ್ಯವಿದೆ.
ನೀವು ರೈತರಾಗಿದ್ದರೆ ಮತ್ತು ಇಲ್ಲಿಯವರೆಗೆ ನಿಮ್ಮ ಬಳಿ ಕಿಸಾನ್ ಕ್ರೆಡಿಟ್ ಕಾರ್ಡ್ ಇಲ್ಲದಿದ್ದರೆ, ಒಂದನ್ನು ಪಡೆಯುವುದು ತುಂಬಾ ಸುಲಭ. ನೀವು ಈ ಕೆಳಗಿನ ದಾಖಲೆಗಳನ್ನ ಹೊಂದಿದ್ದರೆ, ನೀವು ಕಿಸಾನ್ ಕ್ರೆಡಿಟ್ ಕಾರ್ಡ್ ಸ್ವೀಕರಿಸಬೋದು.
ಕಿಸಾನ್ ಕ್ರೆಡಿಟ್ ಕಾರ್ಡ್ಗೆ ಅರ್ಜಿ ಸಲ್ಲಿಸಲು ಅಗತ್ಯವಿರುವ ದಾಖಲೆಗಳು.!
ಮತದಾರರ ಗುರುತಿನ ಚೀಟಿ ಅಥವಾ ಆಧಾರ್ ಕಾರ್ಡ್ ಅಥವಾ ಚಾಲನಾ ಪರವಾನಗಿ ಅಥವಾ ಪಾಸ್ಪೋರ್ಟ್ ಅಗತ್ಯವಿದೆ. ರೈತನೆಂದು ಸಾಬೀತುಪಡಿಸಲು ಕೃಷಿ ಭೂಮಿ ದಾಖಲೆಗಳು ರೈತರ ಹೆಸರಿನಲ್ಲಿರಬೇಕು.
KCC ಗೆ ಅರ್ಜಿ ಸಲ್ಲಿಸುವುದು ಹೇಗೆ?
ಆಫ್ಲೈನ್ ವಿಧಾನ: ನೀವು ಯಾವುದೇ ಬ್ಯಾಂಕ್ಗೆ ಹೋಗಿ ಅಲ್ಲಿ ಕಿಸಾನ್ ಕ್ರೆಡಿಟ್ ಕಾರ್ಡ್ಗಾಗಿ ಆಫ್ಲೈನ್’ನಲ್ಲಿ ಅರ್ಜಿ ಸಲ್ಲಿಸಬಹುದು. ನೀವು ಬ್ಯಾಂಕ್ ಖಾತೆ ಹೊಂದಿರುವ ಶಾಖೆಗೆ ಹೋಗಿ ಮತ್ತು KCC ಅರ್ಜಿ ನಮೂನೆಯನ್ನು ಭರ್ತಿ ಮಾಡಿ. ಇದರೊಂದಿಗೆ ಎಲ್ಲಾ ಅಗತ್ಯ ದಾಖಲೆಗಳನ್ನು ಸಲ್ಲಿಸಬೇಕು. ನೀವು ಸಲ್ಲಿಸಿದ ಎಲ್ಲಾ ದಾಖಲೆಗಳನ್ನು ಬ್ಯಾಂಕ್ ಪರಿಶೀಲಿಸುತ್ತದೆ. ಅದರ ನಂತರ ನೀವು ನಿಮ್ಮ ಹೆಸರಿನಲ್ಲಿ ಕಿಸಾನ್ ಕ್ರೆಡಿಟ್ ಕಾರ್ಡ್ ಪಡೆಯುತ್ತೀರಿ.
ಆನ್ಲೈನ್ ವಿಧಾನ: ಇದಲ್ಲದೆ, ನೀವು ಬ್ಯಾಂಕಿನ ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡುವ ಮೂಲಕ ಕೆಸಿಸಿಗೆ ಅರ್ಜಿ ಸಲ್ಲಿಸಬಹುದು. ಆನ್ಲೈನ್ KCC ಅಪ್ಲಿಕೇಶನ್ ಪ್ರಕ್ರಿಯೆಯು ಎಲ್ಲಾ ಬ್ಯಾಂಕುಗಳಿಗೆ ಸ್ವಲ್ಪಮಟ್ಟಿಗೆ ಬದಲಾಗುತ್ತದೆ. ಬ್ಯಾಂಕಿನ ಸೂಚನೆಗಳನ್ನ ಅನುಸರಿಸಿ ಅರ್ಜಿ ಸಲ್ಲಿಸಿ. ಆನ್ಲೈನ್ ಫಾರ್ಮ್ನಲ್ಲಿ ಕೇಳಲಾದ ನಿಮ್ಮ ವಿವರಗಳನ್ನ ಭರ್ತಿ ಮಾಡಿ ಮತ್ತು ನಿಮ್ಮೊಂದಿಗೆ ಸಂಬಂಧಿಸಿದ ದಾಖಲೆಗಳನ್ನ ಅಪ್ಲೋಡ್ ಮಾಡಿ.
‘ದಿನೇಶ್ ಕಾರ್ತಿಕ್’ ನಿವೃತ್ತಿ? ‘ಸೋಶಿಯಲ್ ಮೀಡಿಯಾ’ದಲ್ಲಿ ಸುಳಿವು ನೀಡಿದ ಸ್ಟಾರ್ ಕ್ರಿಕೆಟಿಗ
BREAKING NEWS : ನಾಗರಿಕ ಸೇವೆಗಳ ಪರೀಕ್ಷೆ- 2023 ಅಧಿಸೂಚನೆ ಬಿಡುಗಡೆ ; ಇಲ್ಲಿದೆ ಡಿಟೈಲ್ಸ್ |UPSC CSE 2023
