ನವದೆಹಲಿ : ಫಿಟ್ಮೆಂಟ್ ಫ್ಯಾಕ್ಟರ್ ಹೆಚ್ಚಳ ಮತ್ತು 18 ತಿಂಗಳ ಡಿಎ ಬಾಕಿಯನ್ನು ಬಿಡುಗಡೆ ಮಾಡುವಂತೆ ಒತ್ತಾಯಿಸುತ್ತಿರುವ ಕೇಂದ್ರ ಸರ್ಕಾರಿ ನೌಕರರಿಗೆ ಶೀಘ್ರದಲ್ಲೇ ಸಿಹಿ ಸುದ್ದಿ ಸಿಗಲಿದೆ. ವರದಿಗಳ ಪ್ರಕಾರ, ಮನೆ ಬಾಡಿಗೆ ಭತ್ಯೆ (HRA) ಹೆಚ್ಚಳದ ಬಗ್ಗೆ ಕೇಂದ್ರವು ಶೀಘ್ರದಲ್ಲೇ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆಯಿದೆ. ವರದಿಗಳನ್ನ ನಂಬುವುದಾದ್ರೆ, ಕೇಂದ್ರವು ಶೀಘ್ರದಲ್ಲೇ HRA ಹೆಚ್ಚಳದ ಬಗ್ಗೆ ನಿರ್ಧಾರ ತೆಗೆದುಕೊಳ್ಳುತ್ತದೆ, ಆದಾಗ್ಯೂ, ಇನ್ನೂ ಯಾವುದೇ ಅಧಿಕೃತ ಘೋಷಣೆಯಾಗಿಲ್ಲ.
ಶೇ.4ರಷ್ಟು ಡಿಎ ಹೆಚ್ಚಳವನ್ನು ಪಡೆದ ನಂತರ, ಕೇಂದ್ರ ಸರ್ಕಾರಿ ನೌಕರರು ಮನೆ ಬಾಡಿಗೆ ಭತ್ಯೆ (HRA) ಹೆಚ್ಚಳದ ಸುದ್ದಿಗಾಗಿ ಕಾತುರದಿಂದ ಕಾಯುತ್ತಿದ್ದಾರೆ. ಜುಲೈ 2021 ರಲ್ಲಿ, ಕೇಂದ್ರವು ಸರ್ಕಾರಿ ನೌಕರರ HRA ಹೆಚ್ಚಿಸಿತ್ತು. ಆ ಸಮಯದಲ್ಲಿ, ಕೇಂದ್ರ ಸರ್ಕಾರವು ತನ್ನ ಉದ್ಯೋಗಿಗಳ ಡಿಎ ಹೆಚ್ಚಳವನ್ನ ಶೇಕಡಾ 28ಕ್ಕೆ ಹೆಚ್ಚಿಸಿತ್ತು.
ದೀಪಾವಳಿ ವೇಳೆಗೆ HRAಯನ್ನ ಹೆಚ್ಚಿಸಲಾಗುವುದು ಎಂದು ವಿವಿಧ ವರದಿಗಳು ಸೂಚಿಸಿದ್ದರೂ, ಆ ಸಮಯದಲ್ಲಿ ಯಾವುದೇ ನಿರ್ಧಾರವನ್ನ ತೆಗೆದುಕೊಳ್ಳಲಾಗಿಲ್ಲ. 7ನೇ ವೇತನ ಆಯೋಗದ ಶಿಫಾರಸುಗಳ ಆಧಾರದ ಮೇಲೆ ಮನೆ ಬಾಡಿಗೆ ಭತ್ಯೆಯ ಬಗ್ಗೆ ಸರ್ಕಾರ ನಿರ್ಧಾರ ತೆಗೆದುಕೊಳ್ಳುತ್ತದೆ. ಹಾಗಾಗಿ ಪ್ರಶ್ನೆಯೆಂದ್ರೆ, ಕೇಂದ್ರ ಸರ್ಕಾರಿ ನೌಕರರನ್ನ ಹೇಗೆ ಲೆಕ್ಕ ಹಾಕಲಾಗುತ್ತದೆ.?
ಇಲ್ಲಿಯವರೆಗೆ, ‘ಎಕ್ಸ್’ ದರ್ಜೆಯ ನಗರಗಳಲ್ಲಿ ಕೆಲಸ ಮಾಡುವ ಸರ್ಕಾರಿ ನೌಕರರು ಮೂಲ ವೇತನದ ಮೇಲೆ ಶೇಕಡಾ 27ರಷ್ಟು HRA ಪಡೆಯುತ್ತಾರೆ ಮತ್ತು ‘ವೈ’ ದರ್ಜೆಯ ನಗರಗಳ ನೌಕರರು ಶೇಕಡಾ 18 ರಷ್ಟು HRA ಪಡೆಯುತ್ತಾರೆ. ಮತ್ತೊಂದೆಡೆ, ‘ಝಡ್’ ದರ್ಜೆಯ ನಗರಗಳಲ್ಲಿ ಕೆಲಸ ಮಾಡುವ ಸರ್ಕಾರಿ ನೌಕರರ ಎಚ್ಆರ್ಎ ಮೂಲ ವೇತನದಲ್ಲಿ ಶೇಕಡಾ 9 ರಷ್ಟಿದೆ. ಏಳನೇ ವೇತನ ಶಿಫಾರಸುಗಳ ಪ್ರಕಾರ, ಎಲ್ಲಾ ಮೂರು ವರ್ಗಗಳ ಉದ್ಯೋಗಿಗಳಿಗೆ ಕನಿಷ್ಠ HRA, 5400, 3600 ಮತ್ತು 1800 ರೂಪಾಯಿ ಆಗಿದೆ.
ವಿವಿಧ ಮಾಧ್ಯಮ ವರದಿಗಳ ಪ್ರಕಾರ, ಕೇಂದ್ರವು ‘ಎಕ್ಸ್’ ವರ್ಗದ ನಗರಗಳ ಸರ್ಕಾರಿ ನೌಕರರ ಎಚ್ಆರ್ಎಯನ್ನು ಶೇಕಡಾ 4 ರಿಂದ 5 ರಷ್ಟು ಹೆಚ್ಚಿಸುವ ಸಾಧ್ಯತೆಯಿದೆ ಮತ್ತು ‘ವೈ’ ವರ್ಗದ ನಗರಗಳಲ್ಲಿ ಕೆಲಸ ಮಾಡುವವರು ಮೂಲ ವೇತನದ ಮೇಲೆ ಶೇಕಡಾ 2 ರಷ್ಟು HRA ಹೆಚ್ಚಳವನ್ನ ಪಡೆಯುವ ನಿರೀಕ್ಷೆಯಿದೆ. ಅಂತೆಯೇ, ‘ಝಡ್’ ವರ್ಗದ ನಗರಗಳ ಸರ್ಕಾರಿ ನೌಕರರ HRA ಶೇಕಡಾ 1ರಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ.
BIGG BREAKING NEWS: ಮಂಗಳೂರು ಆಟೋದಲ್ಲಿ ಕುಕ್ಕಲ್ ಬಾಂಬ್ ಸ್ಪೋಟ ಪ್ರಕರಣ: NIAಗೆ ವಹಿಸಿ ರಾಜ್ಯ ಸರ್ಕಾರ ಆದೇಶ
SHOCKING NEWS : ಕೊರೊನಾ ಲಸಿಕೆ ಪಡೆದ ಜನರೇ ಹೆಚ್ಚಾಗಿ ಸಾವನ್ನಪ್ಪುತ್ತಿದ್ದಾರೆ ; ವರದಿ
