ನವದೆಹಲಿ : 7 ಕೋಟಿ ಇಪಿಎಫ್ಒ ಸದಸ್ಯರಿಗೆ ಸಿಹಿ ಸುದ್ದಿ ಸಿಕ್ಕಿದ್ದು, ಕೇಂದ್ರ ಹಣಕಾಸು ಸಚಿವಾಲಯವು ದೊಡ್ಡ ಘೋಷಣೆ ಮಾಡಿದೆ. ನೌಕರರ ಭವಿಷ್ಯ ನಿಧಿ ಠೇವಣಿಗಳ ಬಡ್ಡಿದರವನ್ನ ಹೆಚ್ಚಿಸಲು ಸಚಿವಾಲಯ ಅನುಮೋದನೆ ನೀಡಿದೆ. ಈ ವರ್ಷದ ಫೆಬ್ರವರಿಯಲ್ಲಿ, ನೌಕರರ ಭವಿಷ್ಯ ನಿಧಿ ಸಂಸ್ಥೆ 2023-24ರ ಹಣಕಾಸು ವರ್ಷಕ್ಕೆ ಬಡ್ಡಿದರವನ್ನ ಶೇಕಡಾ 8.25ಕ್ಕೆ ಹೆಚ್ಚಿಸುವುದಾಗಿ ಘೋಷಿಸಿತ್ತು, ಇದನ್ನು ಈಗ ಹಣಕಾಸು ಸಚಿವಾಲಯ ಅನುಮೋದಿಸಿದೆ.
ಇಪಿಎಫ್ಒ ಹೊಸ ಬಡ್ಡಿದರವನ್ನು 2023-24ನೇ ಸಾಲಿಗೆ 8.25%ಕ್ಕೆ ಹೆಚ್ಚಿಸಿದೆ. ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ ಎಕ್ಸ್ನಲ್ಲಿ ಮಾಹಿತಿ ನೀಡಿದ ಇಪಿಎಫ್ಒ, ಇಪಿಎಫ್ ಸದಸ್ಯರು 2023-24ರ ಆರ್ಥಿಕ ವರ್ಷಕ್ಕೆ 8.25% ಬಡ್ಡಿಯನ್ನ ಪಡೆಯುತ್ತಾರೆ ಎಂದು ಮಾಹಿತಿ ನೀಡಿದೆ. ಹೊಸ ದರಗಳನ್ನ ಮೇ 2024ರಲ್ಲಿ ತಿಳಿಸಲಾಯಿತು. ಈಗ ನೌಕರರು ತಮ್ಮ ಪಿಎಫ್ ಖಾತೆಗೆ ಬಡ್ಡಿಯನ್ನ ಜಮಾ ಮಾಡಲು ಕಾಯುತ್ತಿದ್ದಾರೆ.
ಇಲಾಖೆ ಮಾಹಿತಿ ನೀಡಿದೆ.!
ಇಪಿಎಫ್ ಸದಸ್ಯರಿಗೆ ಬಡ್ಡಿದರವನ್ನ ತ್ರೈಮಾಸಿಕವಾಗಿ ಘೋಷಿಸಲಾಗುವುದಿಲ್ಲ ಎಂದು ಇಪಿಎಫ್ಒ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ ಎಕ್ಸ್ನಲ್ಲಿ ಪೋಸ್ಟ್ನಲ್ಲಿ ತಿಳಿಸಿದೆ. ಸಾಮಾನ್ಯವಾಗಿ, ವಾರ್ಷಿಕ ಬಡ್ಡಿದರವನ್ನ ಹಣಕಾಸು ವರ್ಷದ ಅಂತ್ಯದ ನಂತರ ಮುಂಬರುವ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಘೋಷಿಸಲಾಗುತ್ತದೆ. ಆದ್ದರಿಂದ, ಇಪಿಎಫ್ ಸದಸ್ಯರಿಗೆ 2023-24ರ ಹಣಕಾಸು ವರ್ಷಕ್ಕೆ 8.25% ಬಡ್ಡಿದರವನ್ನ ಕೇಂದ್ರ ಸರ್ಕಾರ ಈಗಾಗಲೇ ಅನುಮೋದಿಸಿದೆ, ಇದನ್ನು ಇಪಿಎಫ್ಒ 31-05, 2024 ರಂದು ಅಧಿಸೂಚನೆ ಹೊರಡಿಸಿದೆ. ಈ ಪರಿಷ್ಕೃತ ದರಗಳ ಮೇಲಿನ ಬಡ್ಡಿಯನ್ನ ಈಗಾಗಲೇ ನಿರ್ಗಮನ ಸದಸ್ಯರಿಗೆ ಅವರ ಅಂತಿಮ ಪಿಎಫ್ ಇತ್ಯರ್ಥದಲ್ಲಿ ಪಾವತಿಸಲಾಗುತ್ತಿದೆ. ಇತ್ತೀಚಿನ ಘೋಷಿತ ಬಡ್ಡಿದರ ವಾರ್ಷಿಕ 8.25% ಸೇರಿದಂತೆ ಸದಸ್ಯರಿಗೆ 9260,40,35,488 ರೂ.ಗಳನ್ನ ವಿತರಿಸುವ ಮೂಲಕ 23,04,516 ಕ್ಲೈಮ್’ಗಳನ್ನ ಇತ್ಯರ್ಥಪಡಿಸಲಾಗಿದೆ ಎಂದು ಅದು ಹೇಳಿದೆ.
BREAKING : ಶ್ರೀಲಂಕಾ ತಂಡಕ್ಕೆ ಬಿಗ್ ಶಾಕ್ ; ದಿಢೀರ್ ನಾಯಕ ಸ್ಥಾನದಿಂದ ಕೆಳಗಿಳಿದ ‘ವನಿಂದು ಹಸರಂಗ’
‘ಲೈನ್ ಮೆನ್’ಗಳಿಗೆ ಗುಡ್ ನ್ಯೂಸ್: 15 ದಿನಗಳಲ್ಲಿ ಏಕಕಾಲಕ್ಕೆ ‘ವರ್ಗಾವಣೆ’ಗೆ ಅಧಿಸೂಚನೆ ಪ್ರಕಟ
