ಪಣಜಿ: ಮನೆಯಲ್ಲಿ ಅನಾರೋಗ್ಯದಿಂದ ಅಸ್ವಸ್ಥಳಾಗಿರುವ ಪತ್ನಿ, ಇತ್ತ ತನ್ನ ಅಂಗವಿಕಲ ಮಗಳಿಗೆ ಆಹಾರ ನೀಡಲಾಗದೆ ನೊಂದಿರುವ ಗೋವಾದ ದಿನಗೂಲಿ ಕಾರ್ಮಿಕನೊಬ್ಬ ಸ್ವಂತ ಪರಿಶ್ರಮದಿಂದ ರೋಬೋಟ್ (Feeding Robot) ಒಂದನ್ನು ತಯಾರಿಸಿ ಎಲ್ಲರ ಗಮನ ಸೆಳೆದಿದ್ದಾನೆ.
ತಾಂತ್ರಿಕ ಜ್ಞಾನ ಇಲ್ಲದ ಈತ ಯಾರ ಬೆಂಬಲವೂ ಇಲ್ಲದೇ ತನ್ನ ಮಗಳಿಗಾಗಿ ಈ ರೋಬೋಟ್ ತಯಾರಿಸಿದ್ದಾನೆ. ಇದು ಬಾಲಕಿಗೆ ಆಹಾರ ಸೇವಿಸಲು ಸಹಾಯ ಮಾಡುತ್ತದೆ.
ಗೋವಾದ ಬಿಪಿನ್ ಕದಮ್ ಈ ಸಾಧನೆ ಮಾಡಿದ್ದಾರೆ. ಗೋವಾ ಸ್ಟೇಟ್ ಇನ್ನೋವೇಶನ್ ಕೌನ್ಸಿಲ್ ಬಿಪಿನ್ ಕದಮ್ ಅವರ ಆವಿಷ್ಕಾರಕ್ಕಾಗಿ ಅವರನ್ನು ಶ್ಲಾಘಿಸಿದೆ. ಕದಮ್ ಈ ರೋಬೋಟ್‌ಗೆ ‘ಮಾ ರೋಬೋಟ್’ ಎಂದು ಶೀರ್ಷಿಕೆ ನೀಡಿದ್ದಾರೆ. ರೋಬೊಟ್ ಅನ್ನು ಮತ್ತಷ್ಟು ಸುಧಾರಿಸಲು ಮತ್ತು ಅದರ ವಾಣಿಜ್ಯ ಬಳಕೆಯ ಸಾಧ್ಯತೆಯನ್ನು ಅನ್ವೇಷಿಸಲು ಕದಮ್ ಅವರಿಗೆ ಮಂಡಳಿಯು ಹಣಕಾಸಿನ ನೆರವು ನೀಡುತ್ತಿದೆ.
ರೋಬೋಟ್‌ನ ಭಾಗವಾಗಿರುವ ಪ್ಲೇಟ್‌ನಲ್ಲಿ ಆಹಾರವನ್ನು ಇರಿಸಲಾಗುತ್ತದೆ. ಇದು ತನ್ನ ಕೈಗಳನ್ನು ಚಲಿಸಲು ಮತ್ತು ಎತ್ತಲು ಸಾಧ್ಯವಾಗದ ಬಾಲಕಿಗೆ ಆಹಾರ ಸೇವಿಸಲು ಸಹಾಯ ಮಾಡುತ್ತದೆ. ಮಗಳು ಏನು ತಿನ್ನಬೇಕೆಂದು ಬಯಸುತ್ತಾಳೋ ಎಂಬುದನ್ನು ನಿರ್ದಿಷ್ಟ ಧ್ವನಿ ಸಂಕೇತರದ ಮೂಲಕ ರೋಬೊಟ್ಗೆ ತಿಳಿಸಿದರೆ ಅದು ಅಂದೇ ಆಹಾರವನ್ನು ನೀಡುತ್ತದೆ.
ದಕ್ಷಿಣ ಗೋವಾದ ಪೊಂಡಾ ತಾಲೂಕಿನ ಬೇಥೋರಾ ಗ್ರಾಮದ ನಿವಾಸಿಯಾಗಿರುವ 40ರ ಹರೆಯದ ಕದಮ್ ದಿನಗೂಲಿ ಕಾರ್ಮಿಕನಾಗಿ ಕೆಲಸ ಮಾಡುತ್ತಿದ್ದಾರೆ. ತನ್ನ 14 ವರ್ಷದ ಮಗಳು ಅಂಗವಿಕಲಳಾಗಿದ್ದು, ಸ್ವಂತವಾಗಿ ತಿನ್ನಲು ಸಾಧ್ಯವಿಲ್ಲ. ಅವಳು ತನ್ನ ಊಟಕ್ಕೆ ಸಂಪೂರ್ಣವಾಗಿ ತನ್ನ ತಾಯಿಯ ಮೇಲೆ ಅವಲಂಬಿತಳಾಗಿದ್ದಳು.
ಸುಮಾರು ಎರಡು ವರ್ಷಗಳ ಹಿಂದೆಯಿಂದಲೂ ನನ್ನ ಹೆಂಡತಿ ಹಾಸಿಗೆ ಹಿಡಿದಿದ್ದಾಳೆ. ಅವಳು ನಮ್ಮ ಮಗಳಿಗೆ ಆಹಾರ ತಿನ್ನಿಸಲು ಸಾಧ್ಯವಾಗದೆ ದುಃಖಿತಳಾಗಿದ್ದಳು ಮತ್ತು ಅಳುತ್ತಿದ್ದಳು. ನಮ್ಮ ಮಗಳಿಗೆ ಊಟ ಮಾಡಲು ನಾನು ಕೆಲಸದಿಂದ ಬರಬೇಕಾಗುತ್ತಿತ್ತು.
ಯಾರ ಮೇಲೂ ಅವಲಂಬಿತರಾಗದೆ ತಮ್ಮ ಮಗಳು ಸಮಯಕ್ಕೆ ಸರಿಯಾಗಿ ಊಟ ಮಾಡುವಂತೆ ಏನಾದರೂ ಮಾಡಬೇಕು ಎಂದು ಕದಂ ಅವರ ಪತ್ನಿ ಒತ್ತಾಯಿಸುತ್ತಿದ್ದರು. ಇದು ನನಗೆ ಮಗಳಿಗೆ ಆಹಾರ ನೀಡುವ ರೋಬೋಟ್‌ಗಾಗಿ ಒಂದು ವರ್ಷದ ಹಿಂದೆ ಹುಡುಕಾಟವನ್ನು ಪ್ರಾರಂಭಿಸಲು ಕಾರಣವಾಯಿತು.
ಇಂತಹ ರೋಬೋಟ್ ಎಲ್ಲಿಯೂ ಲಭ್ಯವಿಲ್ಲ. ಹಾಗಾಗಿ ನಾನೇ ಇದನ್ನು ವಿನ್ಯಾಸಗೊಳಿಸಲು ನಿರ್ಧರಿಸಿದೆ. ಸಾಫ್ಟ್ವೇರ್ನ ಮೂಲಭೂತ ಅಂಶಗಳನ್ನು ಕಲಿಯಲು ಆನ್ಲೈನ್ನಲ್ಲಿ ಹುಡುಕಾಡಿದೆ.
ನಾನು 12 ಗಂಟೆಗಳ ಕಾಲ ವಿರಾಮವಿಲ್ಲದೆ ಕೆಲಸ ಮಾಡುತ್ತೇನೆ ಮತ್ತು ನಂತರ ನನ್ನ ಉಳಿದ ಸಮಯವನ್ನು ಸಂಶೋಧನೆ ಮತ್ತು ರೋಬೋಟ್ ಅನ್ನು ಹೇಗೆ ತಯಾರಿಸಬೇಕೆಂದು ಕಲಿಯುತ್ತೇನೆ. ನಾನು ನಾಲ್ಕು ತಿಂಗಳ ಕಾಲ ನಿರಂತರವಾಗಿ ಸಂಶೋಧನೆ ಮಾಡಿದ್ದೇನೆ. ನಂತರ ಈ ರೋಬೋಟ್ ಅನ್ನು ವಿನ್ಯಾಸಗೊಳಿಸಿದ್ದೇನೆ. ನಾನು ಕೆಲಸದಿಂದ ಹಿಂತಿರುಗಿದಾಗ ನನ್ನ ಮಗಳು ನನ್ನನ್ನು ನೋಡಿ ನಗುತ್ತಾಳೆ. ಇದನ್ನು ನೋಡಿ ನನ್ನ ನೋವನ್ನು ಮರೆಯುತ್ತೇನೆ ಎಂದು ಕದಮ್ ಹೇಳುತ್ತಾರೆ.
ಹುಡುಗಿಯ ಮಾತು ಆಧರಿಸಿ ‘ಮಾ ರೋಬೋಟ್’ ಅವಳಿಗೆ ಆಹಾರವನ್ನು ನೀಡುತ್ತದೆ. “ಪ್ರಧಾನಿ ನರೇಂದ್ರ ಮೋದಿ ಅವರು ಆತ್ಮನಿರ್ಭರ ಭಾರತವನ್ನು ಉತ್ತೇಜಿಸುತ್ತಿದ್ದಾರೆ. ಅದೇ ರೀತಿಯಲ್ಲಿ, ನಾನು ನನ್ನ ಮಗುವನ್ನು ಆತ್ಮನಿರ್ಭರ್ (ಸ್ವಾವಲಂಬಿ) ಮಾಡಲು ಬಯಸುತ್ತೇನೆ ಮತ್ತು ಯಾರ ಮೇಲೂ ಅವಲಂಬಿತವಾಗಿಲ್ಲ” ಎಂದು ಕದಮ್ ಹೇಳಿದರು.
SHOCKING NEWS: 10 ವರ್ಷದ ಬಾಲಕನ ಮೇಲೆ ಸ್ನೇಹಿತರಿಂದಲೇ ಲೈಂಗಿಕ ದೌರ್ಜನ್ಯ, ಖಾಸಗಿ ಅಂಗಕ್ಕೆ ರಾಡ್ ಹಾಕಿ ಚಿತ್ರಹಿಂಸೆ
BIGG BREAKING NEWS : ವಿಶ್ವವಿಖ್ಯಾತ `ದಸರಾ’ ಉದ್ಘಾಟನೆಗೆ ಮೈಸೂರಿಗೆ ಆಗಮಿಸಿದ ರಾಷ್ಟ್ರಪತಿ ದ್ರೌಪದಿ ಮುರ್ಮು
