ಶಿವಮೊಗ್ಗ: ಶಿವಮೊಗ್ಗದ ಪ್ರತಿಷ್ಟಿತ ಕಾಲೇಜುಗಳಲ್ಲಿ ಗಾಂಜಾ ಘಾಟು ಹೆಚ್ಚಾಗಿದೆ. ಗಾಂಜಾ ಸೈದು ಅಮಲಿನಲ್ಲಿ ಕಾಲೇಜು ಮುಂಭಾಗ ಬಿದ್ದು ವಿದ್ಯಾರ್ಥಿಗಳು ಹೊರಳಾಡಿದ್ದಾರೆ.ಕಾಲೇಜು ಮುಂಭಾಗದ ಫುಟ್ ಪಾತ್ ಮೇಲೆ ಹೊರಳಾಡಿದ ವಿದ್ಯಾರ್ಥಿಗಳು. ಈ ಘಟನೆ ಶಿವಮೊಗ್ಗದ ಪ್ರತಿಷ್ಠಿತ ಕಾಲೇಜಿನ ಗೇಟ್ ಮುಂಭಾಗ ನಡೆದಿದೆ.
ವಿದ್ಯಾರ್ಥಿಗಳು ಹೊರಳಾಡುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಬಸ್ ನಲ್ಲಿ ಕುಳಿತವರು ಮಾಡಿರುವ 57 ಸೆಕೆಂಡ್ ನ ವಿಡಿಯೋ ವೈರಲ್ ಆಗಿದೆ. ಅಮಲಿನಲ್ಲಿ ಮುಖ ಕೆಳಗೆ ಮಾಡಿ, ಫುಟ್ ಪಾತ್ ಮೇಲೆ ವಿದ್ಯಾರ್ಥಿ ಬಿದ್ದಿದ್ದಾನೆ.
ಎರಡು ಹೆಜ್ಜೆ ನಡೆದುಕೊಂಡು ಹೋಗುವುದರೊಳಗೆ ಇನ್ನೋರ್ವ ವಿದ್ಯಾರ್ಥಿ ಬೀಳುತ್ತಿದ್ದಾನೆ ಸಂತೈಸಲು ಬಂದ ಸ್ನೇಹಿತರ ಮಾತು ಕೇಳದೇ ಅಮಲಿನಲ್ಲಿ ಹೋಗುತ್ತಿರುವ ವಿಡಿಯೋ ವೈರಲ್ ಆಗಿದೆ. ಗಾಂಜಾ ಅಥವಾ ಮದ್ಯದ ಅಮಲಿನಲ್ಲಿ ವಿದ್ಯಾರ್ಥಿಗಳು ತೂರಾಡಿರುವ ಸಾಧ್ಯತೆ ಎಂದು ಹೇಳಲಾಗಿದೆ.
ಇದೀಗ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ. ಮಾದಕ ವಸ್ತುಗಳು ವಿದ್ಯಾರ್ಥಿಗಳ ಕೈ ಸೇರುತ್ತಿರುವ ಬಗ್ಗೆ ಚರ್ಚೆ ಶುರುವಾಗಿದೆ. ಈ ಹಿಂದಿನಿಂದ ಕ್ಯಾಂಪಸ್ ಗಳಲ್ಲಿ ಗಾಂಜಾ, ಡ್ರಗ್ಸ್ ಪೂರೈಕೆ ಬಗ್ಗೆ ಅನುಮಾನ ವ್ಯಕ್ತವಾಗಿತ್ತು.ಮಾದಕ ವಸ್ತುಗಳ ಪೂರೈಕೆಯನ್ನು ಮತ್ತಷ್ಟು ದೃಢಪಡಿಸಿದ ವಿದ್ಯಾರ್ಥಿಗಳ ಅಮಲಿನ ವಿಡಿಯೋ ವೈರಲ್ ಆಗಿದೆ.
