ಮುಂಬೈ: ಮುಂಬೈನ ಮಾಟುಂಗಾದಲ್ಲಿರುವ ಶ್ರೀಮಂತ ಗಣೇಶ ಮಂಡಲಗಳಲ್ಲಿ ಒಂದಾದ ಜಿಎಸ್‌ಬಿ ಸೇವಾ ಮಂಡಲ್ ಮುಂಬರುವ ಗಣಪತಿ ಹಬ್ಬಕ್ಕಾಗಿ 316.40 ಕೋಟಿ ರೂ. ವಿಮಾ ರಕ್ಷಣೆಯನ್ನು ತೆಗೆದುಕೊಂಡಿದೆ ಎಂದು ಮಂಡಲದ ಪ್ರತಿನಿಧಿಯನ್ನು ಉಲ್ಲೇಖಿಸಿ ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ.
ಮುಂಬೈನ ಕಿಂಗ್ಸ್ ಸರ್ಕಲ್‌ನಲ್ಲಿರುವ ಜಿಎಸ್‌ಬಿ ಸೇವಾ ಮಂಡಲದ ಅಧ್ಯಕ್ಷ ವಿಜಯ್ ಕಾಮತ್ ಪ್ರಕಾರ, “ಎಲ್ಲಾ ಸಾರ್ವಜನಿಕ ಹೊಣೆಗಾರಿಕೆಗಳು ಮತ್ತು ಮಂಡಲಕ್ಕೆ ಭೇಟಿ ನೀಡುವ ಪ್ರತಿಯೊಬ್ಬ ಭಕ್ತರು ಬುಧವಾರದಿಂದ ಪ್ರಾರಂಭವಾಗುವ 10 ದಿನಗಳ ಉತ್ಸವಗಳಿಗೆ ವಿಮೆಯ ವ್ಯಾಪ್ತಿಗೆ ಒಳಪಡುತ್ತಾರೆ” ಎಂದಿದ್ದಾರೆ.
ಮಂಡಲದ ಪ್ರತಿನಿಧಿಯೊಬ್ಬರು ಇದು ಮಂಡಲದಿಂದ ಪಡೆದ ಅತ್ಯಧಿಕ ವಿಮಾ ರಕ್ಷಣೆ ಎಂದು ಹೇಳಿಕೊಂಡಿದ್ದಾರೆ.
ಯಾವುದಕ್ಕೆ ಎಷ್ಟು ಖರ್ಚು?
316.4 ಕೋಟಿ ರೂ. ಮೌಲ್ಯದ ವಿಮೆಯು ಚಿನ್ನ, ಬೆಳ್ಳಿ ಮತ್ತು ಇತರ ಬೆಲೆಬಾಳುವ ವಸ್ತುಗಳಿಗೆ 31.97 ಕೋಟಿ ರೂ. ಮತ್ತು ಪಂಂಡಲ್, ಸ್ವಯಂಸೇವಕರು, ಅರ್ಚಕರು, ಅಡುಗೆಯವರು, ಪಾದರಕ್ಷೆಗಳ ಸ್ಟಾಲ್ ಕೆಲಸಗಾರರು, ವ್ಯಾಲೆಟ್ ಪಾರ್ಕಿಂಗ್ ವ್ಯಕ್ತಿಗಳು ಮತ್ತು ಭದ್ರತಾ ಸಿಬ್ಬಂದಿಗೆ 263 ಕೋಟಿ ರೂ. ವೈಯಕ್ತಿಕ ವಿಮಾ ರಕ್ಷಣೆಯನ್ನು ಒಳಗೊಂಡಿದೆ. ಮಂಡಲವು ಒಂದು ಕೋಟಿ ರೂ. ಪ್ರಮಾಣಿತ ಅಗ್ನಿ ಮತ್ತು ವಿಶೇಷ ಅಪಾಯದ ನೀತಿಯನ್ನು ಭೂಕಂಪದ ಅಪಾಯದೊಂದಿಗೆ ತೆಗೆದುಕೊಂಡಿದೆ. ಇದು ಪೀಠೋಪಕರಣಗಳು, ಫಿಕ್ಚರ್‌ಗಳು, ಫಿಟ್ಟಿಂಗ್‌ಗಳು, ಕಂಪ್ಯೂಟರ್‌ಗಳು, ಸಿಸಿಟಿವಿಗಳು ಮತ್ತು ಸ್ಕ್ಯಾನರ್‌ಗಳಂತಹ ಸ್ಥಾಪನೆಗಳನ್ನು ಒಳಗೊಂಡಿದೆ ಎಂದು ಕಾಮತ್ ಹೇಳಿದರು.
“ನಾವು ಎಲ್ಲಾ ಸಾರ್ವಜನಿಕ ಹೊಣೆಗಾರಿಕೆಗಳನ್ನು ಮತ್ತು ಭೇಟಿ ನೀಡುವ ಮಂಡಲದ ಪ್ರತಿಯೊಬ್ಬ ಭಕ್ತರನ್ನೂ ಒಳಗೊಂಡಿದ್ದೇವೆ. ನಮ್ಮದು ಅತ್ಯಂತ ಶಿಸ್ತಿನ ಗಣೇಶ ಮಂಡಲ. ಆದ್ದರಿಂದ ಬಪ್ಪನ (ಗಣೇಶ ದೇವರ) ಪ್ರತಿಯೊಬ್ಬ ಭಕ್ತನನ್ನು ರಕ್ಷಿಸುವುದು ನಮ್ಮ ಜವಾಬ್ದಾರಿಯಾಗಿದೆ” ಎಂದು ಕಾಮತ್ ಹೇಳಿದರು. GSB ಸೇವಾ ಮಂಡಲ್ ತನ್ನ 68 ನೇ ವರ್ಷದ ಗಣಪತಿ ಹಬ್ಬವನ್ನು ಆಚರಿಸುತ್ತಿದೆ.
BREAKING NEWS: ಕೆಲವೇ ಕ್ಷಣಗಳಲ್ಲಿ ಮುರುಘಾ ಶ್ರೀಗಳಿಂದ ಮಹತ್ವದ ಸುದ್ದಿಗೋಷ್ಠಿ : ಎಲ್ಲರ ಚಿತ್ತ ಚಿತ್ರದುರ್ಗದತ್ತ
ಆಂಬ್ಯುಲೆನ್ಸ್ ಅಲಭ್ಯ: ಎರಡು ವರ್ಷದ ಸಹೋದರನ ಮೃತದೇಹ ಹೊತ್ತು ಸಾಗಿದ 10ರ ಬಾಲಕ… Video viral
