ಗಾಂಧಿನಗರ(ಗುಜರಾತ್): ʻಶಿಕ್ಷಣ, ಸಾಮಾಜಿಕ ಅರಿವು ಮತ್ತು ಸಮೃದ್ಧಿಯಿಂದಾಗಿ ಭಾರತದ ಜನಸಂಖ್ಯೆಯು ಕುಸಿಯುತ್ತಿದೆʼ ಎಂದು ವಿದೇಶಾಂಗ ಸಚಿವ ಎಸ್ ಜೈಶಂಕರ್(S Jaishankar) ಹೇಳಿದ್ದಾರೆ.
ಗುಜರಾತಿನಲ್ಲಿ ನಡೆದ ಸಮಾರಂಭವೊಂದರಲ್ಲಿ ಅವರು ತಮ್ಮ ಪುಸ್ತಕದ ಗುಜರಾತಿ ಭಾಷಾಂತರವಾದ ‘ದಿ ಇಂಡಿಯಾ ವೇ: ಸ್ಟ್ರಾಟಜೀಸ್ ಫಾರ್ ಅನ್ಸರ್ಟೈನ್ ವರ್ಲ್ಡ್’ ಅನ್ನು ಬಿಡುಗಡೆ ಮಾಡಿದರು. ಈ ವೇಳೆ ಭಾರತದ ಜನಸಂಖ್ಯೆ ಕುರಿತು ಚರ್ಚಿಸಿದ್ದು, ಶಿಕ್ಷಣ, ಸಾಮಾಜಿಕ ಅರಿವು ಮತ್ತು ಸಮೃದ್ಧಿಯಿಂದಾಗಿ ಭಾರತದ ಜನಸಂಖ್ಯೆಯು ಕುಸಿಯುತ್ತಿದೆ. ಇದರಿಂದಾಗಿ ಸಮಯ ಕಳೆದಂತೆ ನಮ್ಮಲ್ಲಿ ಪ್ರತಿಯೊಬ್ಬರ ಕುಟುಂಬದ ಗಾತ್ರವು ಚಿಕ್ಕದಾಗಿದೆ. ಬಲವಂತದ ಜನಸಂಖ್ಯೆ ನಿಯಂತ್ರಣವು ತುಂಬಾ ಅಪಾಯಕಾರಿ ಪರಿಣಾಮಗಳನ್ನು ಉಂಟುಮಾಡಬಹುದು. ಇದು ಲಿಂಗ ಅಸಮತೋಲನವನ್ನು ಉಂಟುಮಾಡಬಹುದು ಎಂದಿದ್ದಾರೆ.
ಸ್ವಾತಂತ್ರ್ಯದ ನಂತರ, ಭಾರತವು ತನ್ನ ಜನಸಂಖ್ಯಾ ರಚನೆಯಲ್ಲಿ ಭಾರಿ ಬದಲಾವಣೆಯನ್ನು ಕಂಡಿದೆ. ಒಟ್ಟು ಫಲವತ್ತತೆ ದರದಲ್ಲಿ ಕುಸಿತವನ್ನು ಕಂಡಿದೆ.
UN ವರ್ಲ್ಡ್ ಪಾಪ್ಯುಲೇಶನ್ ಪ್ರಾಸ್ಪೆಕ್ಟ್ಸ್ (WPP) 2022 ಪ್ರಕಾರ, ಭಾರತವು 2023 ರ ವೇಳೆಗೆ 140 ಕೋಟಿ ಜನಸಂಖ್ಯೆಯೊಂದಿಗೆ ಚೀನಾವನ್ನು ಮೀರಿಸಿ ಹೆಚ್ಚು ಜನಸಂಖ್ಯೆ ಹೊಂದಿರುವ ದೇಶವಾಗಲಿದೆ ಎಂದು ಮುನ್ಸೂಚನೆ ನೀಡಿದೆ. ಭಾರತವು ಪ್ರಸ್ತುತ ವಿಶ್ವದ ಜನಸಂಖ್ಯೆಯ 17.5 ಪ್ರತಿಶತವನ್ನು ಹೊಂದಿದೆ.
ಭಾರತವು 2030 ರ ವೇಳೆಗೆ 150 ಕೋಟಿ ಮತ್ತು 2050 ರ ವೇಳೆಗೆ 166 ಕೋಟಿಗಳನ್ನು ತಲುಪುತ್ತದೆ ಎಂದು ಅಂದಾಜಿಸಲಾಗಿದೆ. 2021 ರಲ್ಲಿ, ಭಾರತದ ಒಟ್ಟು ಫಲವತ್ತತೆ ದರ (TFR) ಫಲವತ್ತತೆಯ ಬದಲಿ ಮಟ್ಟಕ್ಕಿಂತ (ಇದು ಪ್ರತಿ ಮಹಿಳೆಗೆ 2.1 ಮಕ್ಕಳು) ಎರಡಕ್ಕೆ ಇಳಿದಿದೆ.
BREAKING NEWS : ಬಿಹಾರದ ಗಂಗಾ ನದಿಯಲ್ಲಿ 55 ಜನರಿದ್ದ ದೋಣಿ ಮುಳುಗಡೆ… ಮುಂದುವರೆದ ರಕ್ಷಣಾ ಕಾರ್ಯಾಚರಣೆ
BIGG NEWS: ಗಣೇಶೋತ್ಸವ ಆಚರಿಸಲು ಮುಂದಾದ ಶಾಸಕ ಜಮೀರ್‌ ಅಹ್ಮದ್‌? ಸ್ಥಳೀಯರಿಂದ ವಿರೋಧ ಯಾಕೆ ಗೊತ್ತಾ?
BIG NEWS : ಇಂದು ಭಾರತಕ್ಕೆ ಬಾಂಗ್ಲಾದೇಶ ಪ್ರಧಾನಿ ʻಶೇಖ್ ಹಸೀನಾʼ ಭೇಟಿ: ಮೋದಿಯೊಂದಿಗೆ ಮಾತುಕತೆ
