ಹಿಂದಿನ ಕಾಲದಲ್ಲಿ ಒಲೆಗಳ ಮೇಲೆ ಅಡುಗೆ ಮಾಡುತ್ತಿದ್ದ ದೃಶ್ಯ ಇಂದು ಮಾಯವಾಗಿದೆ. ಈಗ ಪ್ರತಿಯೊಬ್ಬರ ಮನೆಯಲ್ಲೂ ಎಲ್ಪಿಜಿ ಸಿಲಿಂಡರ್ ಸಾಮಾನ್ಯವಾಗಿದೆ. ಆದರೆ, ನಾವು ಬಳಸುವ ಸಿಲಿಂಡರ್ ಬೆಲೆಗಳ ಬಗ್ಗೆ ನಮಗೆ ಪೂರ್ಣ ಮಾಹಿತಿ ಇರುವುದಿಲ್ಲ. ದೇಶದಲ್ಲಿ ಗೃಹ ಬಳಕೆದಾರರಿಂದ ಹಿಡಿದು ದೊಡ್ಡ ಹೋಟೆಲ್ಗಳು ಮತ್ತು ಕೈಗಾರಿಕೆಗಳವರೆಗೆ ವಿವಿಧ ಗಾತ್ರದ ಮತ್ತು ವಿಧದ ಸಿಲಿಂಡರ್ಗಳು ಬಳಕೆಯಲ್ಲಿವೆ. ಅವುಗಳ ವಿವರ ಇಲ್ಲಿದೆ.
1. ಗೃಹ ಬಳಕೆಯ (Domestic) ಸಿಲಿಂಡರ್ಗಳು
ಸಾಮಾನ್ಯವಾಗಿ ಮನೆಗಳಲ್ಲಿ ಬಳಸುವ ಸಿಲಿಂಡರ್ಗಳು ಇವು. ಇವುಗಳಲ್ಲಿ ಎರಡು ವಿಧಗಳಿವೆ:
14.2 ಕೆಜಿ ಸಿಲಿಂಡರ್: ಇದು ಮನೆಗಳಲ್ಲಿ ಅತಿ ಹೆಚ್ಚು ಬಳಕೆಯಾಗುವ ಸಿಲಿಂಡರ್. ಇದರ ಬೆಲೆ ಸದ್ಯಕ್ಕೆ ಸುಮಾರು ₹913 ಇದ್ದರೆ, ಬೆಂಗಳೂರಿನಂತಹ ನಗರಗಳಲ್ಲಿ ₹915 ವರೆಗೂ ಇದೆ.
5 ಕೆಜಿ ಸಿಲಿಂಡರ್: ಸಣ್ಣ ಕುಟುಂಬಗಳಿಗೆ ಅಥವಾ ತಾತ್ಕಾಲಿಕ ಅಗತ್ಯಗಳಿಗಾಗಿ ಇದು ಉಪಯುಕ್ತ. ಇದರ ಬೆಲೆ ಸುಮಾರು ₹339.
2. ಎಕ್ಸ್ಟ್ರಾಲೈಟ್ (XTRALITE) ಸಿಲಿಂಡರ್ಗಳು
ಇವು ಆಧುನಿಕ ತಂತ್ರಜ್ಞಾನದ ಹಗುರವಾದ ಸಿಲಿಂಡರ್ಗಳು. ಇದರಲ್ಲಿ ಗ್ಯಾಸ್ ಎಷ್ಟಿದೆ ಎಂಬುದು ಹೊರಗಿನಿಂದಲೇ ತಿಳಿಯುವುದು ಇದರ ವಿಶೇಷತೆ.
10 ಕೆಜಿ ಎಕ್ಸ್ಟ್ರಾಲೈಟ್: ಇದರ ಬೆಲೆ ₹652.5 ಆಗಿದೆ. ವಿವಿಧ ಗಾತ್ರಗಳಲ್ಲಿ ಲಭ್ಯವಿರುವ ಈ ಸಿಲಿಂಡರ್ಗಳ ಬೆಲೆ ₹339 ರಿಂದ ₹826 ರವರೆಗೆ ಇರುತ್ತದೆ.
3. ವಾಣಿಜ್ಯ (Commercial) ಸಿಲಿಂಡರ್ಗಳು
ಹೋಟೆಲ್ಗಳು, ರೆಸ್ಟೋರೆಂಟ್ಗಳು ಮತ್ತು ಡೈರಿ ಫಾರ್ಮ್ಗಳಲ್ಲಿ ಇವುಗಳನ್ನು ಬಳಸಲಾಗುತ್ತದೆ.
19 ಕೆಜಿ ವಾಣಿಜ್ಯ ಸಿಲಿಂಡರ್: ಇದರ ಗರಿಷ್ಠ ಬೆಲೆ ಸುಮಾರು ₹3,071 ತಲುಪಿದೆ.
ಹೈ-ಎಫಿಶಿಯೆನ್ಸಿ ಸಿಲಿಂಡರ್: ಇವುಗಳ ಬೆಲೆ ₹3,094 ರಿಂದ ₹3,225 ರ ನಡುವೆ ಇರುತ್ತದೆ.
4. ಬೃಹತ್ ಕೈಗಾರಿಕೆಗಳಿಗೆ ದೊಡ್ಡ ಸಿಲಿಂಡರ್ಗಳು
ದೊಡ್ಡ ಹೋಟೆಲ್ಗಳು ಅಥವಾ ಕಾರ್ಖಾನೆಗಳ ಅಗತ್ಯಗಳಿಗಾಗಿ ಈ ಹೆಚ್ಚಿನ ಸಾಮರ್ಥ್ಯದ ಸಿಲಿಂಡರ್ಗಳು ಲಭ್ಯವಿವೆ.
47.5 ಕೆಜಿ ಸಿಲಿಂಡರ್: ಇದರ ಬೆಲೆ ಸುಮಾರು ₹7,674 ರಿಂದ ₹7,730 ವರೆಗೆ ಇರುತ್ತದೆ.
ಇಂಡಸ್ಟ್ರಿಯಲ್ ಬಲ್ಕ್ ಸಿಲಿಂಡರ್ (425 ಕೆಜಿ): ಅತಿ ದೊಡ್ಡ ವ್ಯಾಪಾರ ಸಂಸ್ಥೆಗಳು ಮತ್ತು ಫ್ಯಾಕ್ಟರಿಗಳಿಗಾಗಿ ಬಳಸುವ ಈ ಸಿಲಿಂಡರ್ ಬೆಲೆ ₹68,707 ರಿಂದ ₹69,209 ರವರೆಗೆ ಇರುತ್ತದೆ.
5. ಗೃಹೇತರ (Non-Domestic) ಸಣ್ಣ ಸಿಲಿಂಡರ್ಗಳು
ಸಣ್ಣ ಅಂಗಡಿಗಳು ಮತ್ತು ಗುಡಿ ಕೈಗಾರಿಕೆಗಳಿಗಾಗಿ ಇವುಗಳನ್ನು ಬಳಸಲಾಗುತ್ತದೆ.
5 ಕೆಜಿ ನಾನ್-ಡೊಮೆಸ್ಟಿಕ್: ಇದರ ಬೆಲೆ ₹810 ರಿಂದ ಆರಂಭವಾಗುತ್ತದೆ. ಇತರ ಕೆಲವು ವಿಧಗಳ ಬೆಲೆ ₹1,754 ರಿಂದ ₹1,770 ರವರೆಗೆ ಇದೆ.
