ನವದೆಹಲಿ: ಗಾಝಾ ಪಟ್ಟಿಯನ್ನು ತನ್ನ ವಶಕ್ಕೆ ತೆಗೆದುಕೊಳ್ಳುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಅಭಿಪ್ರಾಯವನ್ನು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಜೈರಾಮ್ ರಮೇಶ್ ಟೀಕಿಸಿದ್ದಾರೆ.
ಗಾಜಾದ ಭವಿಷ್ಯದ ಬಗ್ಗೆ ಅಧ್ಯಕ್ಷ ಟ್ರಂಪ್ ಅವರ ಗಟ್ಟಿಯಾದ ಆಲೋಚನೆ ವಿಲಕ್ಷಣ, ಅಪಾಯಕಾರಿ ಮತ್ತು ಸಂಪೂರ್ಣವಾಗಿ ಸ್ವೀಕಾರಾರ್ಹವಲ್ಲ. ಸ್ವಾತಂತ್ರ್ಯ ಮತ್ತು ಘನತೆಯಿಂದ ಜೀವನವನ್ನು ನಡೆಸುವ ಫೆಲೆಸ್ತೀನ್ ಜನರ ಸಂಪೂರ್ಣ ನ್ಯಾಯಸಮ್ಮತ ಆಕಾಂಕ್ಷೆಗಳನ್ನು ಪೂರೈಸುವ ಮತ್ತು ಇಸ್ರೇಲ್ಗೆ ಭದ್ರತೆಯನ್ನು ಖಚಿತಪಡಿಸುವ ದ್ವಿ-ರಾಷ್ಟ್ರ ಪರಿಹಾರವು ಪಶ್ಚಿಮ ಏಷ್ಯಾದಲ್ಲಿ ಸುಸ್ಥಿರ ಶಾಂತಿಗೆ ಏಕೈಕ ಆಧಾರವಾಗಿದೆ” ಎಂದು ಕಾಂಗ್ರೆಸ್ ನಾಯಕ ಮತ್ತು ಸಂಸದ ಎಕ್ಸ್ ಪೋಸ್ಟ್ನಲ್ಲಿ ಬರೆದಿದ್ದಾರೆ.
“ಮೋದಿ ಸರ್ಕಾರ ತನ್ನ ನಿಲುವನ್ನು ಸಂಪೂರ್ಣವಾಗಿ ಸ್ಪಷ್ಟಪಡಿಸಬೇಕು. ಇತರ ಸರ್ಕಾರಗಳು ಈಗಾಗಲೇ ಹಾಗೆ ಮಾಡಿವೆ” ಎಂದು ಅವರು ಹೇಳಿದರು.
ಗಾಝಾ ಪಟ್ಟಿಯನ್ನು ಅಮೆರಿಕ ತನ್ನ ವಶಕ್ಕೆ ತೆಗೆದುಕೊಳ್ಳಲಿದೆ, ಅಪಾಯಕಾರಿ ಶಸ್ತ್ರಾಸ್ತ್ರಗಳನ್ನು ನಾಶಪಡಿಸಲಿದೆ, ನಾಶವಾದ ಕಟ್ಟಡವನ್ನು ತೊಡೆದುಹಾಕಲಿದೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಘೋಷಿಸಿದ್ದಕ್ಕೆ ಜಗತ್ತು ಪ್ರತಿಕ್ರಿಯಿಸಿದೆ
