ಛತ್ತೀಸ್ ಗಢ : ಬಸ್ತಾರ್ನ ಸುಕ್ಮಾ ಜಿಲ್ಲೆಯ ಕುಗ್ರಾಮವೊಂದರ ನಿವಾಸಿಗಳು ಕಳೆದ ಮೂರು ವರ್ಷಗಳಲ್ಲಿ 61 ಜನರು ಅಪರಿಚಿತ ಕಾಯಿಲೆಯಿಂದ ಸಾವನ್ನಪ್ಪಿದ್ದಾರೆ ಎಂದು ಆರೋಪಿಸಿದ ನಂತರ ಛತ್ತೀಸ್ಗಢ ಆರೋಗ್ಯ ಇಲಾಖೆ ಕಾರ್ಯಪ್ರವೃತ್ತವಾಗಿದೆ. ಆದಾಗ್ಯೂ, ಗ್ರಾಮದಲ್ಲಿ ವರದಿಯಾದ ಸಾವುಗಳ ಹಿಂದೆ ಒಂದೇ ಒಂದು ಕಾರಣವಿಲ್ಲ ಎಂದು ಆಡಳಿತ ಮಾಹಿತಿ ರವಾನಿಸಿದೆ.
ಆರೋಗ್ಯ ಸಚಿವ ಟಿ.ಎಸ್.ಸಿಂಗ್ ದೇವ್ ಶನಿವಾರ ನೀರಿನ ಮಾದರಿಗಳನ್ನು ಪರೀಕ್ಷೆಗೆ ಕಳುಹಿಸಲಾಗಿದೆ ಮತ್ತು ಅಲ್ಲಿ ನೀರು ಅಥವಾ ಮಣ್ಣಿನಲ್ಲಿ ಆರ್ಸೆನಿಕ್ ನಂತಹ ಯಾವುದೇ ಹೆವಿ ಮೆಟಲ್ ಅಂಶವನ್ನು ಗುರುತಿಸಲು ವಿವರವಾದ ವರದಿಯನ್ನು ನಿರೀಕ್ಷಿಸಲಾಗುತ್ತಿದೆ ಎಂದು ಹೇಳಿದರು.
“ಕಳೆದ ಮೂರು ವರ್ಷಗಳಲ್ಲಿ ಕೊಂಟಾ ಬ್ಲಾಕ್ನ ರೆಂಗಡಘಟ್ಟ ಗ್ರಾಮದಲ್ಲಿ ಒಟ್ಟು 47 ಜನರು ಸಾವನ್ನಪ್ಪಿದ್ದಾರೆ ಎಂದು ಜಿಲ್ಲೆಯ ಮುಖ್ಯ ವೈದ್ಯಕೀಯ ಮತ್ತು ಆರೋಗ್ಯ ಅಧಿಕಾರಿ ನನಗೆ ತಿಳಿಸಿದರು.
ವಿವಿಧ ಕಾರಣಗಳಿಂದ ಜನರು ಸಾವನ್ನಪ್ಪಿದ್ದಾರೆ ಇಲ್ಲಿಯವರೆಗೆ, ಸಾವಿನ ಹಿಂದೆ ಒಂದೇ ಒಂದು ಕಾರಣವಿದೆ ಎಂದು ನಾವು ಹೇಳಲು ಸಾಧ್ಯವಿಲ್ಲ” ಎಂದು ಸಿಂಗ್ ದೇವ್ ತಿಳಿಸಿದ್ದಾರೆ
ಗ್ರಾಮದ ನೀರಿನಲ್ಲಿ ಕಬ್ಬಿಣ ಮತ್ತು ಫ್ಲೋರೈಡ್ ಅಂಶವು ಅಧಿಕವಾಗಿದೆ ಮತ್ತು ನೀರಿನಲ್ಲಿನ ಇತರ ಭಾರ ಲೋಹಗಳನ್ನು ಗುರುತಿಸಲು ಮಾದರಿಗಳನ್ನು ಕಳುಹಿಸಲಾಗಿದೆ ಎಂದು ಸಚಿವರು ಹೇಳಿದರು.
