ಬಿಲಾಸ್‌ಪುರ(ಛತ್ತೀಸ್‌ಗಢ): ಹಣಕ್ಕೆ ಸಂಬಂಧಿಸಿದ ವಿವಾದದ ಹಿನ್ನೆಲೆಯಲ್ಲಿ ವ್ಯಕ್ತಿಯೊಬ್ಬ 24 ವರ್ಷದ ಪ್ರಿಯಾಂಕಾ ಸಿಂಗ್ ಎಂಬಾಕೆಯನ್ನು ಕತ್ತು ಹಿಸುಕಿ ಕೊಂದು, ಶವವನ್ನು ತನ್ನ ಕಾರಿನಲ್ಲಿ ಬಚ್ಚಿಟ್ಟ ಘಟನೆ ಛತ್ತೀಸ್‌ಗಢದ ಬಿಲಾಸ್‌ಪುರ ನಗರದಲ್ಲಿ ನಡೆದಿದೆ.
ಶನಿವಾರ ಸಂಜೆ ನಗರದ ಕಸ್ತೂರ್ಬಾ ನಗರ ಪ್ರದೇಶದಲ್ಲಿ ಭಿಲಾಯಿ ಮೂಲದ ಪ್ರಿಯಾಂಕಾ ಸಿಂಗ್ ಮೃತದೇಹ ದಯಾಳ್‌ಬಂದ್ ಪ್ರದೇಶದಲ್ಲಿ ಮೆಡಿಕಲ್ ಶಾಪ್ ಹೊಂದಿರುವ ಆರೋಪಿ ಆಶಿಶ್ ಸಾಹು ಕಾರಿನಲ್ಲಿ ಪತ್ತೆಯಾಗಿದ್ದು, ಸಂತ್ರಸ್ತೆಯ ದೇಹವನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಕೊತ್ವಾಲಿ ಠಾಣಾಧಿಕಾರಿ ಪ್ರದೀಪ್ ಆರ್ಯ ತಿಳಿಸಿದ್ದಾರೆ.
ಪ್ರಿಯಾಂಕಾ ಸಿಂಗ್ ದಯಾಳ್‌ಬಂದ್‌ನಲ್ಲಿರುವ ಮಹಿಳಾ ಹಾಸ್ಟೆಲ್‌ನಲ್ಲಿ ಉಳಿದುಕೊಂಡಿದ್ದು, ಪಬ್ಲಿಕ್ ಸರ್ವೀಸ್ ಕಮಿಷನ್ (ಪಿಎಸ್‌ಸಿ) ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದರು. ಆಶಿಶ್ ಸಾಹು ಕಾಲಾನಂತರದಲ್ಲಿ ಪ್ರಿಯಾಂಕಾ ಸಿಂಗ್ ಅವರೊಂದಿಗೆ ಸ್ನೇಹ ಬೆಳೆಸಿದ್ದರು ಮತ್ತು ಷೇರು ಮಾರುಕಟ್ಟೆಯಲ್ಲಿ ಸ್ವಲ್ಪ ಹಣವನ್ನು ಹೂಡಿಕೆ ಮಾಡಲು ಆಮಿಷ ಒಡ್ಡಿದ್ದರು. ಆರಂಭದಲ್ಲಿ ₹ 4 ಲಕ್ಷದಿಂದ 5 ಲಕ್ಷ ರಿಟರ್ನ್ಸ್‌ ಪಡೆದ ಪ್ರಿಯಾಂಕಾ ಸಿಂಗ್ ₹ 11 ಲಕ್ಷ ಕಳೆದುಕೊಂಡಿದ್ದಾರೆ.
ನವೆಂಬರ್ 15 ರಂದು ಪ್ರಿಯಾಂಕಾ ಆಶಿಶ್ ಸಾಹು ಅವರ ಮೆಡಿಕಲ್ ಸ್ಟೋರ್‌ಗೆ ಆಗಮಿಸಿ ಹಣ ವಾಪಸ್ ನೀಡುವಂತೆ ಒತ್ತಾಯಿಸಿದ್ದರು. ತೀವ್ರ ವಾಗ್ವಾದದ ನಂತರ, ಆರೋಪಿ ಸಂತ್ರಸ್ತೆಯ ಸ್ಕಾರ್ಫ್‌ನಿಂದ ಆಕೆಯ ಕತ್ತು ಹಿಸುಕಿ ಕೊಂದಿದ್ದಾನೆ. ನಂತ್ರ, ಆರೋಪಿ ಪ್ರಿಯಾಂಕಾಳ ಶವವನ್ನು ಅಂಗಡಿಯೊಳಗೆ ಇಟ್ಟಿದ್ದರು. ಆದರೆ, ಶವ ದುರ್ವಾಸನೆ ಬರಲಾರಂಭಿಸಿತು. ಹೀಗಾಗಿ, ಶನಿವಾರ ಆಶಿಶ್ ತಮ್ಮ ಕಾರಿನಲ್ಲಿ ಶವವನ್ನು ಇರಿಸಿದರು.
ಪ್ರಿಯಾಂಕಾ ಕುಟುಂಬದವರು ಕಳೆದ ಕೆಲವು ದಿನಗಳಿಂದ ಆಕೆಯನ್ನು ಸಂಪರ್ಕಿಸಲು ಸಾಧ್ಯವಾಗದಿದ್ದಾಗ ಪೊಲೀಸ್‌ ಠಾಣೆಯಲ್ಲಿ ನಾಪತ್ತೆಯಾದ ದೂರು ದಾಖಲಿಸಿದ್ದಾರೆ. ಪ್ರಿಯಾಂಕಾ ಮೊಬೈಲ್ ಸಂಖ್ಯೆಯ ತಾಂತ್ರಿಕ ವಿಶ್ಲೇಷಣೆಯ ಆಧಾರದ ಮೇಲೆ ಪೊಲೀಸರು ಆಶಿಶ್ ಸಾಹುವನ್ನು ಪೊಲೀಸರು ಬಂಧಿಸಿದ್ದಾರೆ. ತನಿಖೆ ನಂತ್ರ ಸತ್ಯ ಬಯಲಾಗಿದೆ.
ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 302 (ಕೊಲೆ) ಅಡಿಯಲ್ಲಿ ಪ್ರಕರಣವನ್ನು ದಾಖಲಿಸಲಾಗಿದೆ ಮತ್ತು ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
Crime Story : ಕೊಲೆ ಮಾಡಿ ಮಗಳ ದೇಹವನ್ನು ಸೂಟ್ಕೇಸ್ನಲ್ಲಿ ಎಸೆದ ಪಾಪಿ ತಂದೆ…!?ಕಾರಣ ಏನು ಗೊತ್ತಾ?
BREAKING NEWS : ಜೀವ ಬೆದರಿಕೆ ಆರೋಪ : ಕಾಮಿಡಿ ಕಿಲಾಡಿ ನಟಿ ನಯನಾ ವಿರುದ್ಧ `FIR’ ದಾಖಲು
Crime Story : ಕೊಲೆ ಮಾಡಿ ಮಗಳ ದೇಹವನ್ನು ಸೂಟ್ಕೇಸ್ನಲ್ಲಿ ಎಸೆದ ಪಾಪಿ ತಂದೆ…!?ಕಾರಣ ಏನು ಗೊತ್ತಾ?
