ಬೆಂಗಳೂರು : ಲೋಕಸಭೆ ಚುನಾವಣೆ ಹಿನ್ನೆಲೆಯಲ್ಲಿ ನೀತಿ ಸಂಹಿತೆಯನ್ನು ಕಟ್ಟುನೀಟ್ಟಾಗಿ ಪಾಲಿಸುತ್ತಿದ್ದರು ಕೂಡ ಅಲ್ಲಲ್ಲಿ ಅಕ್ರಮವಾಗಿ ಹಣ ಸಾಗಿಸುತ್ತಿದ್ದದ್ದು ಚುನಾವಣಾ ಅಧಿಕಾರಿಗಳು ಅಂತಹ ಕ್ರಮಗಳನ್ನು ತಡೆಗಟ್ಟಲು ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ಇದೀಗ ಬೆಂಗಳೂರಿನ ಜಯನಗರದಲ್ಲಿ ಕಾರಿನೊಳಗಡೆ ಕೋಟ್ಯಾಂತರ ರೂಪಾಯಿ ಪತ್ತೆಯಾಗಿದ್ದು ಹಣ ಪತ್ತೆಯಾದ ತಕ್ಷಣ ಅಲ್ಲಿಂದ ಐವರು ಸ್ಥಳದಿಂದ ಪರಾರಿ ಯಾಗಿರುವ ಘಟನೆ ನಡೆದಿದೆ.
ಹೌದು ಬೆಂಗಳೂರಿನ ಜಯನಗರದಲ್ಲಿ ಕೋಟಿ ಕೋಟಿ ಹಣ ಪತ್ತೆಯಾಗಿದೆ. ಮೂರ್ ಬ್ಯಾಗ್ ಗಾಲಲ್ಲಿ ಕೋಟ್ಯಾಂತರ ಹಣ ಪತ್ತೆಯಾಗಿದೆ. ಜಯನಗರದ ಒಂದು ಮರ್ಸಿಡಿಸ್ ಹಾಗು ಒಂದು ಕಾರಿನಲ್ಲಿ ಈ ಒಂದು ದೊಡ್ಡ ಮೊತ್ತದ ಹಣ ಪತ್ತೆಯಾಗಿದೆ.
ಈ ಹಿನ್ನೆಲೆಯಲ್ಲಿ ಆ ಹಣವನ್ನು ಅಧಿಕಾರಿಗಳು ಪೊಲೀಸ್ ಠಾಣೆಗೆ ತೆಗೆದುಕೊಂಡು ಹೋಗಿದ್ದು, ಠಾಣೆಗೆ ಹಣ ಎಣಿಸುವ ಮಷೀನ್ ತಂದ ಐಟಿ ಸಿಬ್ಬಂದಿ. ಇದೀಗ ಹಣ ಇರುವಂತಹ ಎರಡು ಕಾರುಗಳನ್ನು ಫ್ಲೈಯಿಂಗ್ ಸ್ಕ್ವಾಡ್ ವಶಪಡಿಸಿಕೊಂಡಿದೆ ಎನ್ನಲಾಗಿದೆ.
ಬೆಂಗಳೂರಿನ ಜಯನಗರದಲ್ಲಿ ಈ ದೊಡ್ಡ ಮೊತ್ತ ಹಣ ಜಪ್ತಿ ಮಾಡಲಾಗಿದ್ದು ಹಣವನ್ನು ಜಯನಗರ ಠಾಣೆಗೆ ಅಧಿಕಾರಿಗಳು ತಂದಿದ್ದಾರೆ. ಕಾರು ಸೋಮಶೇಖರ್ ಹಾಗೂ ಗಂಗಾಧರಯ್ಯ ಹೆಸರಲ್ಲಿ ಇರುವ ಕೆಲವು ದಾಖಲೆಗಳ ಪತ್ತೆಯಾಗಿದ್ದು, ಅಧಿಕಾರಿಗಳು ಹಣದ ಮೂಲ ಕುರಿತಂತೆ ತನಿಖೆ ಕೈಗೊಂಡಿದ್ದಾರೆ ಎಂದು ತಿಳಿದುಬಂದಿದೆ.
