ಗಾಂಧಿನಗರ : ಪ್ರಧಾನಿ ನರೇಂದ್ರ ಮೋದಿ ಅವ್ರು ಶುಕ್ರವಾರ ಗಾಂಧಿನಗರದಲ್ಲಿ ಭಾರತದ ಮೊದಲ ಅಂತಾರಾಷ್ಟ್ರೀಯ ಬುಲಿಯನ್ ವಿನಿಮಯಕ್ಕೆ ಚಾಲನೆ ನೀಡಿದರು. ಗಾಂಧಿನಗರದಲ್ಲಿ ಅಂತಾರಾಷ್ಟ್ರೀಯ ಹಣಕಾಸು ಸೇವೆಗಳ ಕೇಂದ್ರಗಳ ಪ್ರಾಧಿಕಾರದ ಪ್ರಧಾನ ಕಚೇರಿ ಕಟ್ಟಡಕ್ಕೂ ಅವರು ಶಂಕುಸ್ಥಾಪನೆ ನೆರವೇರಿಸಿದರು.
ಡಿಸೆಂಬರ್ 3 ಮತ್ತು 4, 2021ರಂದು ಗಿಫ್ಟ್ ಸಿಟಿ ಮತ್ತು ಬ್ಲೂಮ್ಬರ್ಗ್ ಸಹಯೋಗದೊಂದಿಗೆ ಭಾರತ ಸರ್ಕಾರದ ಆಶ್ರಯದಲ್ಲಿ ಅಂತರರಾಷ್ಟ್ರೀಯ ಹಣಕಾಸು ಸೇವೆಗಳ ಕೇಂದ್ರಗಳ ಪ್ರಾಧಿಕಾರ (ಐಎಫ್ಎಸ್ಸಿಎ) ಆಯೋಜಿಸುತ್ತಿರುವ ಕಾರ್ಯಕ್ರಮದಲ್ಲಿ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಸಹ ಹಾಜರಿದ್ದರು.
ಅಂತರರಾಷ್ಟ್ರೀಯ ಬುಲಿಯನ್ ವಿನಿಮಯವನ್ನ ತೆರೆಯುವುದು ಭಾರತದಲ್ಲಿ ಚಿನ್ನದ ಬೆಲೆಯನ್ನ ಪ್ರಮಾಣೀಕರಿಸುವ ಗುರಿಯನ್ನ ಹೊಂದಿದೆ. ಇದು ಸಣ್ಣ ಚಿನ್ನದ ವ್ಯಾಪಾರಿಗಳು ಮತ್ತು ಆಭರಣ ವ್ಯಾಪಾರಿಗಳಿಗೆ ವ್ಯಾಪಾರವನ್ನ ಸುಲಭಗೊಳಿಸಲು ಪ್ರಯತ್ನಿಸುತ್ತದೆ.
“ಈ ಬುಲಿಯನ್ ವಿನಿಮಯವನ್ನ ಪ್ರಾರಂಭಿಸುವುದರೊಂದಿಗೆ ನಾವು ಉತ್ತಮ ಬೆಲೆ ಮಾತುಕತೆಯ ಸಾಮರ್ಥ್ಯವನ್ನ ಹೊಂದಿದ್ದೇವೆ” ಎಂದು ನಿರ್ಮಲಾ ಸೀತಾರಾಮನ್ ಅವ್ರನ್ನ ಉಲ್ಲೇಖಿಸಿ ರಾಯಿಟರ್ಸ್ ವರದಿ ಮಾಡಿದೆ.
ವರದಿಗಳ ಪ್ರಕಾರ ಭಾರತವು ಅಮೂಲ್ಯ ಲೋಹದ ಎರಡನೇ ಅತಿ ಹೆಚ್ಚು ಗ್ರಾಹಕರನ್ನ ಹೊಂದಿದೆ. ಭಾರತವು 2021ರಲ್ಲಿ 1,069 ಟನ್ ಚಿನ್ನವನ್ನ ಆಮದು ಮಾಡಿಕೊಂಡಿದೆ, ಇದು ಒಂದು ವರ್ಷದ ಹಿಂದೆ 430 ಟನ್‌ಗಳಿಂದ ಹೆಚ್ಚಾಗಿದೆ. ಚೀನಾವು ಚಿನ್ನದ ಅತ್ಯಧಿಕ ಗ್ರಾಹಕ ರಾಷ್ಟ್ರವಾಗಿ ಉಳಿದಿದೆ. ಅವ್ರು ಅಂತಹ ಮಾರುಕಟ್ಟೆಯನ್ನ ನಡೆಸುತ್ತಾರೆ, ಅಲ್ಲಿ ಎಲ್ಲಾ ದೇಶೀಯ ಉತ್ಪಾದನೆ ಮತ್ತು ಆಮದು ಮಾಡಿದ ಚಿನ್ನವನ್ನ ಖರೀದಿಸಬೇಕು ಮತ್ತು ಮಾರಾಟ ಮಾಡಬೇಕಾಗುತ್ತದೆ. ಇನ್ನು ಭಾರತದಲ್ಲಿ ಚಿನ್ನವನ್ನು ಬಿಗಿಯಾಗಿ ನಿಯಂತ್ರಿಸಲಾಗುತ್ತದೆ ಎಂದು ಸುದ್ದಿ ಮಾಧ್ಯಮ ಸಂಸ್ಥೆ ಹೇಳಿದೆ.
ಪ್ರಸ್ತುತ, ನಾಮನಿರ್ದೇಶಿತ ಬ್ಯಾಂಕುಗಳು ಮತ್ತು ಏಜೆನ್ಸಿಗಳು ವ್ಯಾಪಾರ ನಡೆಸಲು ಅಥವಾ ಚಿನ್ನವನ್ನ ಆಮದು ಮಾಡಿಕೊಳ್ಳಲು ಮತ್ತು ಅದನ್ನು ವಿತರಕರಿಗೆ ಮಾರಾಟ ಮಾಡಲು ಕೇಂದ್ರ ಬ್ಯಾಂಕಿನಿಂದ ಅನುಮೋದಿಸಲ್ಪಟ್ಟಿವೆ.
“ಐಐಬಿಎಕ್ಸ್ ತನ್ನ ತಂತ್ರಜ್ಞಾನ-ಚಾಲಿತ ಪರಿಹಾರಗಳೊಂದಿಗೆ, ಅರ್ಹ ಆಭರಣ ವ್ಯಾಪಾರಿಗಳಿಗೆ ವಿನಿಮಯ ಕಾರ್ಯವಿಧಾನದ ಮೂಲಕ ನೇರವಾಗಿ ಚಿನ್ನವನ್ನ ಆಮದು ಮಾಡಿಕೊಳ್ಳಲು ನೇರ ಪ್ರವೇಶವನ್ನ ನೀಡುವ ಮೂಲಕ ಹೆಚ್ಚು ಸಂಘಟಿತ ರಚನೆಯ ಕಡೆಗೆ ಭಾರತೀಯ ಬುಲಿಯನ್ ಮಾರುಕಟ್ಟೆಯನ್ನು ಪರಿವರ್ತಿಸಲು ಅನುವು ಮಾಡಿಕೊಡುತ್ತದೆ” ಎಂದು ವಿನಿಮಯ ಕೇಂದ್ರದ ಹೇಳಿಕೆಯನ್ನು ಉಲ್ಲೇಖಿಸಿ ರಾಯಿಟರ್ಸ್ ವರದಿ ಮಾಡಿದೆ.
