ನವದೆಹಲಿ: ಭಾರತದ ಸ್ಟಾರ್ ಟೇಬಲ್ ಟೆನಿಸ್ ಆಟಗಾರ್ತಿ ಮನಿಕಾ ಬಾತ್ರಾ ಶನಿವಾರ ನಡೆಯುತ್ತಿರುವ ಐಟಿಟಿಎಫ್-ಎಟಿಟಿಯು ಏಷ್ಯನ್ ಕಪ್ ಪಂದ್ಯಾವಳಿಯಲ್ಲಿ ಕಂಚಿನ ಪದಕವನ್ನು ಗೆದ್ದಿದ್ದಾರೆ.
ಭಾರತದ ಸ್ಟಾರ್ ಟೇಬಲ್ ಟೆನಿಸ್ ಆಟಗಾರ್ತಿ ಮನಿಕಾ ಬಾತ್ರಾ ಶನಿವಾರ ನಡೆಯುತ್ತಿರುವ ಐಟಿಟಿಎಫ್-ಎಟಿಟಿಯು ಏಷ್ಯನ್ ಕಪ್ ಪಂದ್ಯಾವಳಿಯಲ್ಲಿ ಕಂಚಿನ ಪದಕವನ್ನು ಗೆದ್ದಿದ್ದಾರೆ. ಬಾತ್ರಾ 11-6, 6-11, 11-7, 12-10, 4-11, 11-2 ಸೆಟ್ ಗಳಿಂದ ಎದುರಾಳಿಯನ್ನು ಮಣಿಸಿದರು. ಇದಕ್ಕೂ ಮುನ್ನ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಮಿಮಾ ಇಟೊ ವಿರುದ್ಧ 2-4 (8-11, 11-7, 7-11, 6-11, 11-8, 7-11) ಸೆಟ್ ಗಳಿಂದ ಸೋಲನುಭವಿಸಿದ್ದರು. ತನ್ನ ಸೋಲಿನ ಹೊರತಾಗಿಯೂ, ಅವರು ಕಂಚಿನ ಪದಕಗಾಗಿ ನಡೆದ ಪಂದ್ಯದಲ್ಲಿ ಬಹುಮಾನವನ್ನು ಗೆದ್ದರು. ಥಾಯ್ಲೆಂಡ್ನ ಬ್ಯಾಂಕಾಕ್ನಲ್ಲಿ ನಡೆಯುತ್ತಿರುವ ಏಷ್ಯನ್ ಕಪ್ 2022 ಟೂರ್ನಮೆಂಟ್ನ ಮೊದಲ ಸುತ್ತಿನಲ್ಲಿ ಬಾತ್ರಾ ವಿಶ್ವದ 7ನೇ ಶ್ರೇಯಾಂಕಿತ ಚೀನಾದ ಚೆನ್ ಕ್ಸಿಂಗ್ಯಾಂಗ್ ವಿರುದ್ಧ ಗೆಲುವು ದಾಖಲಿಸಿದ್ದಾರೆ.
