ನವದೆಹಲಿ : ಹಿಂದೂ ಮಹಾಸಾಗರ ಪ್ರದೇಶದಲ್ಲಿ (IOR) ಭಾರತದ ಸ್ಥಾನವನ್ನ ಗಮನಾರ್ಹವಾಗಿ ಬಲಪಡಿಸುವ ನಿಟ್ಟಿನಲ್ಲಿ, ಪ್ರಧಾನಿ ನರೇಂದ್ರ ಮೋದಿ ಅವ್ರು ಸೆಪ್ಟೆಂಬರ್ 2ರಂದು ದೇಶದ ಮೊದಲ ಸ್ವದೇಶಿ ನಿರ್ಮಿತ ವಿಮಾನ ವಾಹಕ ನೌಕೆ (IAC) ವಿಕ್ರಾಂತ್ʼನ್ನ ನಿಯೋಜಿಸಲಿದ್ದಾರೆ ಎಂದು ವರದಿಯಾಗಿದೆ. ಕೊಚ್ಚಿಯ ಕೊಚ್ಚಿನ್ ಶಿಪ್ ಯಾರ್ಡ್ ಲಿಮಿಟೆಡ್ (CSL) ನಿಂದ 20,000 ಕೋಟಿ ರೂ.ಗಳಿಗೂ ಹೆಚ್ಚು ವೆಚ್ಚದಲ್ಲಿ ನಿರ್ಮಿಸಲಾದ ಯುದ್ಧನೌಕೆಯನ್ನ ಭಾರತೀಯ ನೌಕಾಪಡೆ ಜುಲೈನಲ್ಲಿ ಹಸ್ತಾಂತರಿಸಿತು.
2009ರಲ್ಲಿ ನಿರ್ಮಾಣ ಪ್ರಾರಂಭವಾದ ಐಎಸಿ ವಿಕ್ರಾಂತ್ʼನ್ನ ಪ್ರಧಾನಿ ಮೋದಿ ಅವ್ರು ಕೊಚ್ಚಿನ್ ಶಿಪ್ ಯಾರ್ಡ್ ಲಿಮಿಟೆಡ್ʼನೊಳಗೆ ವಿಶೇಷವಾಗಿ ವ್ಯವಸ್ಥೆಗೊಳಿಸಲಾದ ಸ್ಥಳದಲ್ಲಿ ಭಾರತೀಯ ನೌಕಾಪಡೆಗೆ ಅಧಿಕೃತವಾಗಿ ಸೇರಿಸಿಕೊಳ್ಳಲಿದ್ದಾರೆ ಎಂದು ಅಧಿಕಾರಿಗಳು ಪಿಟಿಐಗೆ ತಿಳಿಸಿದ್ದಾರೆ.
ಇದು ಭಾರತವನ್ನ ಅಂತಹ ಶಕ್ತಿಶಾಲಿ ಮತ್ತು ಅತ್ಯಾಧುನಿಕ ಯುದ್ಧನೌಕೆಗಳನ್ನ ವಿನ್ಯಾಸಗೊಳಿಸುವ ಮತ್ತು ನಿರ್ಮಿಸುವ ಸಾಮರ್ಥ್ಯವನ್ನ ಹೊಂದಿರುವ ರಾಷ್ಟ್ರಗಳ ಗಣ್ಯ ಕ್ಲಬ್ʼಗೆ ಸೇರಿಸುತ್ತದೆ. ಪ್ರಸ್ತುತ ಕೇವಲ ಐದಾರು ರಾಷ್ಟ್ರಗಳು ಮಾತ್ರ ವಿಮಾನ ವಾಹಕ ನೌಕೆಯನ್ನ ತಯಾರಿಸುವ ಸಾಮರ್ಥ್ಯವನ್ನ ಹೊಂದಿವೆ.
Indigenous Aircraft Carrier (IAC) ‘Vikrant’ delivered to #IndianNavy by @cslcochin following extensive user acceptance trials.
A momentous day in the Indian Maritime History & indigenous shipbuilding coinciding with #AzadiKaAmritMahotsav.#AatmanirbharBharat @DefenceMinIndia pic.twitter.com/KADoss93zn— SpokespersonNavy (@indiannavy) July 28, 2022
