ನವದೆಹಲಿ : ಐಪಿಎಲ್ 2023 ಮತ್ತೊಮ್ಮೆ ಹಳೆಯ ಸ್ವರೂಪಕ್ಕೆ ಮರಳಲಿದೆ. ಅಂದರೆ, ಈಗ ಮೊದಲಿನಂತೆ, ತಂಡಗಳು ತಮ್ಮ ತಮ್ಮ ತವರು ಮೈದಾನದಲ್ಲಿ ಅರ್ಧದಷ್ಟು ಪಂದ್ಯಗಳನ್ನ ಮತ್ತು ಇತರ ತಂಡಗಳ ತವರು ಮೈದಾನದಲ್ಲಿ ಅರ್ಧದಷ್ಟು ಪಂದ್ಯಗಳನ್ನ ಆಡಲಿವೆ.
ಈ ಕುರಿತು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಮಾಹಿತಿ ನೀಡಿದ್ದು, ರಾಜ್ಯ ಘಟಕಗಳಿಗೆ ಕಳುಹಿಸಿದ ಇಮೇಲ್ನಲ್ಲಿ ಈ ಮಹತ್ವದ ಮಾಹಿತಿ ಹೊರಬಿದ್ದಿದೆ. ಅದ್ರಂತೆ, ಮುಂದಿನ ವರ್ಷದಿಂದ ಐಪಿಎಲ್ ತಂಡಗಳು ತಮ್ಮ ತಮ್ಮ ತವರು ಮೈದಾನದಲ್ಲಿ ಅರ್ಧದಷ್ಟು ಪಂದ್ಯಗಳನ್ನ ಮತ್ತು ಇತರ ತಂಡಗಳ ತವರು ಮೈದಾನದಲ್ಲಿ ಅರ್ಧದಷ್ಟು ಪಂದ್ಯಗಳನ್ನ ಆಡಲಿವೆ. ಇದರೊಂದಿಗೆ, ಮಹಿಳಾ ಐಪಿಎಲ್ ಕೂಡ ಮುಂದಿನ ವರ್ಷದಿಂದ ಪ್ರಾರಂಭವಾಗಲಿದೆ.
ಗಂಗೂಲಿ ಮಂಗಳವಾರ ರಾಜ್ಯ ಸಂಘಕ್ಕೆ ಇಮೇಲ್ ಮಾಡಿದ್ದಾರೆ. ಇದರ ಪ್ರಕಾರ, ಕೋವಿಡ್ -19 ಕಾರಣದಿಂದಾಗಿ ಕಳೆದ ಮೂರು ಸೀಸನ್‌ಗಳಿಂದ ಸೀಮಿತ ಸ್ಥಳದಲ್ಲಿ ಆಡಿದ ಐಪಿಎಲ್ ಈಗ ಮೊದಲಿನಂತೆ ತವರು ಮತ್ತು ಹೊರ ಮೈದಾನದ ಆಧಾರದ ಮೇಲೆ ನಡೆಯಲಿದೆ. ಮುಂದಿನ ಸೀಸನ್‌ನಿಂದ ಐಪಿಎಲ್‌ನಲ್ಲಿ ಹೋಮ್-ಅವೇ ಮಾದರಿಯಲ್ಲಿ ಪಂದ್ಯಗಳನ್ನು ಆಡಲಾಗುವುದು ಎಂದು ಗಂಗೂಲಿ ಬರೆದಿದ್ದಾರೆ. ಎಲ್ಲಾ 10 ತಂಡಗಳು ತಮ್ಮ ತಮ್ಮ ಮೈದಾನದಲ್ಲಿ ತಮ್ಮ ತವರು ಪಂದ್ಯಗಳನ್ನು ಆಡುತ್ತವೆ.
ಮುಂದಿನ ವರ್ಷ ಪ್ರಾರಂಭವಾಗಲಿರುವ ಮಹಿಳಾ ಐಪಿಎಲ್..!
ಸೌರವ್ ಗಂಗೂಲಿ, ‘ಬಿಸಿಸಿಐ ಪ್ರಸ್ತುತ ಮಹಿಳಾ ಐಪಿಎಲ್‌ನಲ್ಲಿ ಕೆಲಸ ಮಾಡುತ್ತಿದೆ. ಅದರ ಮೊದಲ ಸೀಸನ್ ಮುಂದಿನ ವರ್ಷದ ಆರಂಭದಲ್ಲಿ ಪ್ರಾರಂಭವಾಗಲಿದೆ. ಮುಂದಿನ ದಿನಗಳಲ್ಲಿ ಹೆಚ್ಚಿನ ವಿವರಗಳು ಸ್ಪಷ್ಟವಾಗುತ್ತವೆ.
15 ವರ್ಷದೊಳಗಿನ ಬಾಲಕಿಯರ ಪಂದ್ಯಾವಳಿ..!
ಇಮೇಲ್ನಲ್ಲಿ ಸೌರವ್ ಗಂಗೂಲಿ, ‘ಈ ಋತುವಿನಿಂದಲೂ ನಾವು 15 ವರ್ಷದೊಳಗಿನ ಬಾಲಕಿಯರ ಪಂದ್ಯಾವಳಿಯನ್ನ ಪ್ರಾರಂಭಿಸಲಿದ್ದೇವೆ ಎಂದು ತಿಳಿಸಲು ನನಗೆ ತುಂಬಾ ಸಂತೋಷವಾಗಿದೆ. ಮಹಿಳಾ ಕ್ರಿಕೆಟ್ ಪ್ರಪಂಚದಾದ್ಯಂತ ಉತ್ತಮ ಪ್ರಗತಿ ಸಾಧಿಸುತ್ತಿದೆ ಮತ್ತು ನಮ್ಮ ರಾಷ್ಟ್ರೀಯ ತಂಡವೂ ಉತ್ತಮ ಪ್ರದರ್ಶನ ನೀಡುತ್ತಿದೆ. ಈ ಹೊಸ ಪಂದ್ಯಾವಳಿಯು ಹುಡುಗಿಯರು ಅಂತರಾಷ್ಟ್ರೀಯ ಮಟ್ಟಕ್ಕೆ ತಲುಪಲು ಮಾರ್ಗದರ್ಶನ ನೀಡುತ್ತದೆ” ಎಂದಿದ್ದಾರೆ.
