ನವದೆಹಲಿ : ಲೋಕಸಭೆಯಲ್ಲಿ ರಾಷ್ಟ್ರಪತಿಗಳ ಭಾಷಣದ ಮೇಲಿನ ವಂದನಾ ನಿರ್ಣಯದ ಮೇಲಿನ ಚರ್ಚೆಗೆ ಪ್ರಧಾನಿ ನರೇಂದ್ರ ಮೋದಿ ಉತ್ತರಿಸಿದರು.
ಈ ವರ್ಷ ನಡೆಯಲಿರುವ ರಾಷ್ಟ್ರೀಯ ಚುನಾವಣೆಗೆ ಮುಂಚಿತವಾಗಿ ತಮ್ಮ ಕೊನೆಯ ಸಂಸತ್ ಭಾಷಣದಲ್ಲಿ ಪ್ರತಿಪಕ್ಷಗಳು ಮತ್ತು ಇಂಡಿಯಾ ಬಣದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದರು. “ಒಂದೇ ಉತ್ಪನ್ನವನ್ನು ಮತ್ತೆ ಮತ್ತೆ ಪ್ರಾರಂಭಿಸುವ ಪ್ರಯತ್ನದಲ್ಲಿ ಕಾಂಗ್ರೆಸ್ನ ಅಂಗಡಿ ಮುಚ್ಚುವ ಅಂಚಿನಲ್ಲಿದೆ” ಎಂದು ಅವರು ರಾಹುಲ್ ಗಾಂಧಿ ವಿರುದ್ಧ ವಾಗ್ದಾಳಿ ನಡೆಸಿದರು.
ಇನ್ನು “ನಮ್ಮ ಸರ್ಕಾರದ ಮೂರನೇ ಅವಧಿಯೂ ದೂರವಿಲ್ಲ. ಗರಿಷ್ಠ 100-125 ದಿನಗಳು ಉಳಿದಿವೆ. ಈ ಬಾರಿಯ ಮೋದಿ ಸರ್ಕಾರ ಎಂದು ಇಡೀ ದೇಶವೇ ಹೇಳುತ್ತಿದೆ. ನಾನು ಸಾಮಾನ್ಯವಾಗಿ ಅಂಕಿಅಂಶಗಳಿಗೆ ಬರುವುದಿಲ್ಲ. ಆದರೆ ದೇಶದ ಮನಸ್ಥಿತಿ ಎನ್‌ಡಿಎ 400 ಸ್ಥಾನಗಳನ್ನ ದಾಟುವಂತೆ ಮಾಡುತ್ತದೆ ಮತ್ತು ಖಂಡಿತವಾಗಿಯೂ ಬಿಜೆಪಿಗೆ 370 ಸ್ಥಾನಗಳನ್ನ ನೀಡುತ್ತದೆ ನೆ. ನಮ್ಮ ಮೂರನೇ ಅವಧಿಯು ಮುಂದಿನ 1000 ವರ್ಷಗಳವರೆಗೆ ಬಲವಾದ ಅಡಿಪಾಯವನ್ನ ಹಾಕುತ್ತದೆ” ಎಂದು ಪ್ರಧಾನಿ ಮೋದಿ ಹೇಳಿದರು.
ಇನ್ನು ನನ್ನ 3ನೇ ಅವಧಿಯಲ್ಲಿ ಭಾರತ ವಿಶ್ವದ 3ನೇ ಅತಿದೊಡ್ಡ ಆರ್ಥಿಕತೆಯಾಗಿದೆ ಇಂದು ಮೋದಿ ಗ್ಯಾರೆಂಟಿ ಎಂದು ಹೇಳಿದರು.
ಇನ್ನು ಇದೇ ವೇಳೆ ಭ್ರಷ್ಟಾಚಾರದ ವಿರುದ್ಧ ನಮ್ಮ ಹೋರಾಟ ಮುಂದುವರಿಯಲಿದೆ ಎಂದು ಪ್ರಧಾನಿ ಮೋದಿ ಹೇಳಿದರು. ದೇಶವನ್ನು ಲೂಟಿ ಮಾಡಿದವರು ವಾಪಸ್ ಕೊಡಬೇಕು. ಕಾಂಗ್ರೆಸ್ ಭ್ರಷ್ಟರನ್ನ ರಕ್ಷಿಸುತ್ತದೆ. ಯಾರು ಏನೇ ದುಷ್ಕೃತ್ಯಗಳನ್ನ ಮಾಡಲು ಬಯಸುತ್ತಾರೋ ಅವರು ಹಾಗೆ ಮಾಡಬಹುದು. ಭ್ರಷ್ಟಾಚಾರದ ವಿರುದ್ಧ ಹೋರಾಟ ಮುಂದುವರಿಸುತ್ತೇವೆ. ನೀನು ನನಗೆ ಏನು ಅನ್ಯಾಯ ಮಾಡಬೇಕೆಂದುಕೊಂಡಿದ್ದೀಯೋ ಅದನ್ನು ಮಾಡು. ಆದ್ರೆ, ಭ್ರಷ್ಟರ ವಿರುದ್ಧ ನಮ್ಮ ಹೋರಾಟ ನಿಲ್ಲಿಸುವುದಿಲ್ಲ ಎಂದರು.
“ಕಾಂಗ್ರೆಸ್ ಪ್ರತಿ ಬಾರಿಯೂ ಒಂದೇ ಪ್ರಾಡೆಕ್ಟ್ ಬಿಡುಗಡೆ ಮಾಡ್ತಿದೆ” : ‘ರಾಹುಲ್’ ವಿರುದ್ಧ ‘ಮೋದಿ’ ಪರೋಕ್ಷ ವಾಗ್ದಾಳಿ
ದೇಶವನ್ನುಇನ್ನೆಷ್ಟು ತುಂಡು ಮಾಡಬೇಕೆಂದುಕೊಂಡಿದ್ದೀರಿ !: ಡಿ.ಕೆ. ಸುರೇಶ್ ಹೇಳಿಕೆಗೆ ಲೋಕಸಭೆಯಲ್ಲಿ ಮೋದಿ ತರಾಟೆ !
BREAKING : ಲೋಕಸಭೆಯಲ್ಲಿ ‘ಪ್ರಧಾನಿ’ ಭಾಷಣ : ‘ಮೋದಿ’ ಮಾತಿನ ಹೈಲೆಟ್ಸ್ ಇಲ್ಲಿದೆ
