ನವದೆಹಲಿ : ಪ್ರಿಸ್ಬಿಯೋಪಿಯಾದಿಂದ ಬಳಲುತ್ತಿರುವವರಿಗೆ ಓದುವ ಕನ್ನಡಕಗಳ ಮೇಲಿನ ಅವಲಂಬನೆಯನ್ನ ಕಡಿಮೆ ಮಾಡುವುದಾಗಿ ಹೇಳಿಕೊಂಡಿರುವ ಎಂಟೋಡ್ ಫಾರ್ಮಾಸ್ಯುಟಿಕಲ್ಸ್’ಗೆ ತಮ್ಮ ಹೊಸ ಕಣ್ಣಿನ ಡ್ರಾಪ್ ತಯಾರಿಸಲು ಮತ್ತು ಮಾರಾಟ ಮಾಡಲು ನೀಡಲಾದ ಅನುಮತಿಯನ್ನ ಡ್ರಗ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (DCGI) ಮುಂದಿನ ಆದೇಶದವರೆಗೆ ಅಮಾನತುಗೊಳಿಸಿದೆ.
ಡಿಸಿಜಿಐ ಆದೇಶದಲ್ಲಿ, ಉತ್ಪನ್ನ ತಯಾರಿಕೆಗೆ ಕಂಪನಿಯು ಕೇಂದ್ರ ಪರವಾನಗಿ ಪ್ರಾಧಿಕಾರದಿಂದ ಅನುಮೋದನೆ ಪಡೆದಿಲ್ಲ ಎಂದು ಹೇಳಿದೆ. ಹೊಸ ಡ್ರಗ್ಸ್ ಮತ್ತು ಕ್ಲಿನಿಕಲ್ ಟ್ರಯಲ್ ನಿಯಮಗಳು, 2019ರ ಅಡಿಯಲ್ಲಿ ಐ ಡ್ರಾಪ್ಸ್ ತಯಾರಿಸಲು ಅನುಮತಿಯನ್ನ ಉಲ್ಲಂಘಿಸಿದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.
“ನಿಮ್ಮ ಉತ್ತರದ ಅನುಸರಣೆಯ ನಂತರ, ನಿಮಗೆ ಕೇಳಲಾದ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸಲು ನೀವು ವಿಫಲರಾಗಿದ್ದೀರಿ ಎಂಬುದು ಸ್ಪಷ್ಟವಾಗಿದೆ” ಎಂದು ಆದೇಶದಲ್ಲಿ ತಿಳಿಸಲಾಗಿದೆ.
ಅಂದ್ಹಾಗೆ, ಪ್ರೆಸ್ಬಿಯೋಪಿಯಾಗೆ ಚಿಕಿತ್ಸೆಯಾಗಿ ಐ ಡ್ರಾಪ್ಸ್ ತಯಾರಿಸಲು ಮತ್ತು ಮಾರಾಟ ಮಾಡಲು ಡಿಸಿಜಿಐ ಆಗಸ್ಟ್’ನಲ್ಲಿ ಎಂಟೋಡ್’ಗೆ ಅನುಮತಿ ನೀಡಿತ್ತು. ನಂತ್ರ ಕಂಪನಿಯು ಮಾಡಿದ ಹಕ್ಕುಗಳಿಗೆ ಸಂಬಂಧಿಸಿದಂತೆ ಸೆಪ್ಟೆಂಬರ್ 5ರಂದು ಕಂಪನಿಗೆ ನೋಟಿಸ್ ನೀಡಿತ್ತು.
BREAKING : ಗ್ರೇಟರ್ ನೋಯ್ಡಾದಲ್ಲಿ ‘ಸೆಮಿಕಾನ್ ಇಂಡಿಯಾ 2024’ ಉದ್ಘಾಟಿಸಿದ ‘ಪ್ರಧಾನಿ ಮೋದಿ’
ರಾಹುಲ್ ಗಾಂಧಿ ಮೀಸಲಾತಿ ರದ್ದು ಹೇಳಿಕೆ ವಿವಾದ: ನಾಳೆ ರಾಜ್ಯಾಧ್ಯಂತ ಬಿಜೆಪಿಯಿಂದ ಪ್ರತಿಭಟನೆಗೆ ಕರೆ
ದರ್ಶನ್ ನೋಡಲು ಬಳ್ಳಾರಿ ಜೈಲಿಗೆ ಆಗಮಿಸಿಬೇಕಿದ್ದ ಪತ್ನಿ ವಿಜಯಲಕ್ಷ್ಮಿ, ತಾಯಿ ವೀಣಾ ಭೇಟಿ ರದ್ದು!
