ಬೆಂಗಳೂರು: ಸಾರ್ವಜನಿಕ ಸಾರಿಗೆ ವ್ಯವಸ್ಥೆಯಲ್ಲಿ ಆಧುನಿಕತೆ ಮತ್ತು ಪರಿಸರ ಸ್ನೇಹಿ ಕ್ರಮಗಳಿಗೆ ಹೆಸರಾಗಿರುವ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆಯು (BMTC) ರಾಷ್ಟ್ರ ಮಟ್ಟದಲ್ಲಿ ಮತ್ತೊಮ್ಮೆ ತನ್ನ ಮುಕುಟಕ್ಕೆ ಮೂರು ಪ್ರತಿಷ್ಠಿತ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದೆ. ಹೈದರಾಬಾದ್ನಲ್ಲಿ ನಡೆದ ‘ನ್ಯಾಷನಲ್ ಮೊಬೈಲಿಟಿ ಅವಾರ್ಡ್ಸ್-2026’ ಕಾರ್ಯಕ್ರಮದಲ್ಲಿ ಸಂಸ್ಥೆಯ ಸಾಧನೆಯನ್ನು ಗುರುತಿಸಿ ಈ ಗೌರವ ನೀಡಲಾಗಿದೆ.
ಯಾವ ವಿಭಾಗಗಳಲ್ಲಿ ಪ್ರಶಸ್ತಿ? ಡಿಜಿಟಲೀಕರಣ ಮತ್ತು ಪರಿಸರ ಸ್ನೇಹಿ ಸಾರಿಗೆ ವ್ಯವಸ್ಥೆಯತ್ತ ಬಿಎಂಟಿಸಿ ಇಟ್ಟಿರುವ ದಿಟ್ಟ ಹೆಜ್ಜೆಗಳನ್ನು ಪರಿಗಣಿಸಿ ಈ ಕೆಳಗಿನ ಮೂರು ವಿಭಾಗಗಳಲ್ಲಿ ಪ್ರಶಸ್ತಿ ನೀಡಲಾಗಿದೆ:
-
ಅತ್ಯುತ್ತಮ ಸಾರ್ವಜನಿಕ ಸಾರಿಗೆ ಡಿಜಿಟಲೀಕರಣ ಉಪಕ್ರಮ: ತಂತ್ರಜ್ಞಾನದ ಬಳಕೆಯಲ್ಲಿ ಸಂಸ್ಥೆಯ ಮುನ್ನಡೆಗೆ ಸಂದ ಗೌರವ.
-
ವರ್ಷದ ಅತ್ಯುತ್ತಮ ಇವಿ (EV) ಕ್ಲೀನ್ ಫ್ಲೀಟ್ ಪರಿವರ್ತನೆ: ವಿದ್ಯುತ್ ಚಾಲಿತ ಬಸ್ಗಳ ಅಳವಡಿಕೆಯಲ್ಲಿ ತೋರಿದ ಸಾಧನೆಗಾಗಿ.
-
ನಾಗರೀಕರ ತೊಡಗಿಸಿಕೊಳ್ಳುವಿಕೆ – ಸಮಾವೇಶಿತ ಸಂಚಾರದಲ್ಲಿ ನವೀನತೆ: ಎಲ್ಲ ವರ್ಗದ ಜನರಿಗೆ ಸುಲಭ ಸಾರಿಗೆ ನೀಡುವಲ್ಲಿನ ಕ್ರಾಂತಿಕಾರಿ ಕ್ರಮಗಳಿಗಾಗಿ.
ಪ್ರಶಸ್ತಿ ಪ್ರದಾನ: ದಿನಾಂಕ 17 ಮಾರ್ಚ್ 2026 ರಂದು ಹೈದರಾಬಾದ್ನ ನೊವೋಟೆಲ್ ಹೋಟೆಲ್ನಲ್ಲಿ ಆಯೋಜಿಸಲಾಗಿದ್ದ ‘ನ್ಯಾಷನಲ್ ಮೊಬೈಲಿಟಿ ಸಮಿಟ್ & ಅವಾರ್ಡ್ಸ್ – ತೆಲಂಗಾಣ 2026’ ಕಾರ್ಯಕ್ರಮದಲ್ಲಿ ಈ ಪ್ರಶಸ್ತಿಗಳನ್ನು ವಿತರಿಸಲಾಯಿತು. ತೆಲಂಗಾಣ ರಾಜ್ಯದ ಸಾರಿಗೆ ಆಯುಕ್ತರಾದ ಡಾ. ಕೆ. ಇಲಂಬರಿತಿ (IAS) ಮತ್ತು ಇಲೆಟ್ಸ್ (Elets) ಸಂಸ್ಥೆಯ ಸಿಇಒ ರವಿ ಗುಪ್ತಾ ಅವರು ಪ್ರಶಸ್ತಿ ಪ್ರದಾನ ಮಾಡಿದರು.
ಸಂಸ್ಥೆಯ ಪರವಾಗಿ ಮುಖ್ಯ ಉಗ್ರಾಣ ಮತ್ತು ಖರೀದಿ ನಿಯಂತ್ರಕರಾದ ಮಂಜುನಾಥ ಕೆ.ವಿ. ಹಾಗೂ ಕಾರ್ಯ ವ್ಯವಸ್ಥಾಪಕರಾದ ಎಂ. ಜಗದೀಶ್ ಅವರು ಪ್ರಶಸ್ತಿಗಳನ್ನು ಸ್ವೀಕರಿಸಿದರು.
ಸಂಸ್ಥೆಯ ಬದ್ಧತೆ: “ಈ ಪ್ರಶಸ್ತಿಗಳು ನಮ್ಮ ಜವಾಬ್ದಾರಿಯನ್ನು ಮತ್ತಷ್ಟು ಹೆಚ್ಚಿಸಿವೆ. ಡಿಜಿಟಲ್ ಸಬಲೀಕರಣ ಮತ್ತು ಪರಿಸರ ಸ್ನೇಹಿ (Green Mobility) ಸಾರಿಗೆಯ ಮೂಲಕ ಬೆಂಗಳೂರಿನ ಜನತೆಗೆ ಅತ್ಯುತ್ತಮ ಸೇವೆ ನೀಡಲು ನಾವು ಬದ್ಧರಾಗಿದ್ದೇವೆ” ಎಂದು ಸಂಸ್ಥೆಯು ಈ ಸಂದರ್ಭದಲ್ಲಿ ಹರ್ಷ ವ್ಯಕ್ತಪಡಿಸಿದೆ.
ಸ್ವಚ್ಛ ಮತ್ತು ಸ್ಮಾರ್ಟ್ ಸಾರಿಗೆಯತ್ತ ಭಾರತ ಸಾಗುತ್ತಿರುವ ಹಾದಿಯಲ್ಲಿ ಬೆಂ.ಮ.ಸಾ.ಸಂಸ್ಥೆಯ ಈ ಸಾಧನೆ ಇತರ ರಾಜ್ಯಗಳ ಸಾರಿಗೆ ಸಂಸ್ಥೆಗಳಿಗೆ ಮಾದರಿಯಾಗಿದೆ.
‘KSRTC’ಗೆ ಒಲಿದ ಎರಡು ಪ್ರತಿಷ್ಠಿತ ರಾಷ್ಟ್ರೀಯ ಪ್ರಶಸ್ತಿಗಳು: ‘ಧ್ವನಿಸ್ಪಂದನ’, ಅವತಾರ್ 4.0’ಗೆ ಜಾಗತಿಕ ಮನ್ನಣೆ!
BREAKING : ಎಲ್ಲಾ ಗ್ರಾಹಕರಿಗೆ ‘eKYC, ಆಧಾರ್ ದೃಢೀಕರಣ’ ಅಗತ್ಯವಿಲ್ಲ ; ಕೇಂದ್ರ ಸರ್ಕಾರ ಸ್ಪಷ್ಟನೆ
