ಕೋಲ್ಕತಾ : ಕೋಲ್ಕತಾದ ಆರ್ಜಿ ಕಾರ್ ಆಸ್ಪತ್ರೆಯಲ್ಲಿ 31 ವರ್ಷದ ತರಬೇತಿ ವೈದ್ಯೆಯ ಅತ್ಯಾಚಾರ-ಕೊಲೆ ಪ್ರಕರಣದ ಸಿಬಿಐ ತನಿಖೆಯ ಪ್ರಗತಿಯನ್ನ ಪ್ರಶ್ನಿಸಿದ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ, ಮುಂದಿನ ವಾರ ವಿಧಾನಸಭಾ ಅಧಿವೇಶನವನ್ನ ಕರೆಯುವುದಾಗಿ ಮತ್ತು ಅತ್ಯಾಚಾರಿಗಳಿಗೆ ಮರಣದಂಡನೆಯನ್ನ ಖಚಿತಪಡಿಸಿಕೊಳ್ಳಲು 10 ದಿನಗಳಲ್ಲಿ ಮಸೂದೆಯನ್ನ ಅಂಗೀಕರಿಸುವುದಾಗಿ ಘೋಷಿಸಿದರು.
“ನಾವು ಈ ಮಸೂದೆಯನ್ನು ರಾಜ್ಯಪಾಲರಿಗೆ ಕಳುಹಿಸುತ್ತೇವೆ. ಅವರು ಪಾಸ್ ಮಾಡದಿದ್ದರೆ, ನಾವು ರಾಜಭವನದ ಹೊರಗೆ ಕುಳಿತುಕೊಳ್ಳುತ್ತೇವೆ. ಈ ಮಸೂದೆಯನ್ನ ಅಂಗೀಕರಿಸಬೇಕು ಮತ್ತು ಅವರು ಈ ಬಾರಿ ಉತ್ತರದಾಯಿತ್ವದಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ” ಎಂದು ಕೋಲ್ಕತ್ತಾದ ಆರ್ಜಿ ಕಾರ್ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯಲ್ಲಿ ತರಬೇತಿ ವೈದ್ಯರ ಕ್ರೂರ ಅತ್ಯಾಚಾರ ಮತ್ತು ಕೊಲೆಯ ಬಗ್ಗೆ ಮಾತನಾಡಿದ ಅವರು ಹೇಳಿದರು.
ತೃಣಮೂಲ ಕಾಂಗ್ರೆಸ್’ನ ವಿದ್ಯಾರ್ಥಿ ಘಟಕದ ಸಂಸ್ಥಾಪನಾ ದಿನದ ಅಂಗವಾಗಿ ಸಾರ್ವಜನಿಕ ಕಾರ್ಯಕ್ರಮವನ್ನುದ್ದೇಶಿಸಿ ಮಾತನಾಡಿದ ಮುಖ್ಯಮಂತ್ರಿ, ಆರ್ಜಿ ಕಾರ್ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯ ಸೆಮಿನಾರ್ ಹಾಲ್ನಲ್ಲಿ ಕರ್ತವ್ಯದ ಸಮಯದಲ್ಲಿ ಶವವಾಗಿ ಪತ್ತೆಯಾದ ಎರಡು ದಿನಗಳ ನಂತರ ಸಂತ್ರಸ್ತೆಯ ಪೋಷಕರನ್ನ ಭೇಟಿಯಾದೆ ಎಂದು ಹೇಳಿದರು. “ನಾನು ಐದು ದಿನಗಳ ಸಮಯವನ್ನ ಕೇಳಿದೆ, ಆದರೆ ಪ್ರಕರಣವನ್ನ ಸಿಬಿಐಗೆ ಕಳುಹಿಸಲಾಯಿತು. ಅವರಿಗೆ ನ್ಯಾಯ ಬೇಕಿಲ್ಲ. ಅವರು ವಿಳಂಬವನ್ನು ಬಯಸುತ್ತಾರೆ. 16 ದಿನಗಳು ಕಳೆದಿವೆ, ನ್ಯಾಯ ಎಲ್ಲಿದೆ?” ಎಂದರು
ಅಂದ್ಹಾಗೆ, ರಾಜ್ಯ ರಾಜಧಾನಿಯಲ್ಲಿ ತಪ್ಪು ತಿರುವು ಪಡೆದ ಪ್ರತಿಭಟನಾ ರ್ಯಾಲಿಯ ನಂತರ ಕೋಲ್ಕತ್ತಾದ ಬೀದಿಗಳು ಹಿಂಸಾಚಾರ ಮತ್ತು ಅವ್ಯವಸ್ಥೆಯಿಂದ ಕೂಡಿದ್ದವು. ಇದರ ನಂತರ, ಕೇಂದ್ರ ಸಚಿವ ಮತ್ತು ಪಶ್ಚಿಮ ಬಂಗಾಳ ಬಿಜೆಪಿ ಅಧ್ಯಕ್ಷ ಸುಕಾಂತ ಮಜುಂದಾರ್ ರಾಜ್ಯದಲ್ಲಿ ’12 ಗಂಟೆಗಳ ಬಂದ್’ ಗೆ ಕರೆ ನೀಡಿದ್ದರು.
Watch Video : ಪಂದ್ಯದ ವೇಳೆ ಪಿಚ್’ನಲ್ಲಿಯೇ ಕುಸಿದು ಬಿದ್ದು 27 ವರ್ಷದ ‘ಫುಟ್ಬಾಲ್ ಆಟಗಾರ’ ಸಾವು
