ನವದೆಹಲಿ : ಬುಧವಾರ ಬಿಡುಗಡೆಯಾದ 7,000ಕ್ಕೂ ಹೆಚ್ಚು ನಗರಗಳಲ್ಲಿ ವಾಯುಮಾಲಿನ್ಯ ಮತ್ತು ಜಾಗತಿಕ ಆರೋಗ್ಯ ಪರಿಣಾಮಗಳ ವಿವರವಾದ ವಿಶ್ಲೇಷಣೆಯ ಬಗ್ಗೆ ಹೊಸ ಅಧ್ಯಯನವು 2010 ರಿಂದ 201 ರವರೆಗೆ ಸೂಕ್ಷ್ಮ ಕಣ ಮಾಲಿನ್ಯಕಾರಕಗಳಲ್ಲಿ (ಪಿಎಂ 2.5) ಅತ್ಯಂತ ತೀವ್ರವಾದ ಹೆಚ್ಚಳವನ್ನ ಹೊಂದಿರುವ 20 ನಗರಗಳಲ್ಲಿ 18 ನಗರಗಳಿಗೆ ಭಾರತವು ನೆಲೆಯಾಗಿದೆ ಎಂದು ತಿಳಿಸಿದೆ.
ಯುಎಸ್ ಮೂಲದ ಸಂಶೋಧನಾ ಸಂಸ್ಥೆ ಹೆಲ್ತ್ ಎಫೆಕ್ಟ್ಸ್ ಇನ್ಸ್ಟಿಟ್ಯೂಟ್ (HEI) ಪ್ರಕಟಿಸಿದ ವರದಿಯು ಭಾರತದ ರಾಷ್ಟ್ರೀಯ ರಾಜಧಾನಿ ದೆಹಲಿ ವಿಶ್ವದ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ನಗರಗಳಲ್ಲಿ ಗರಿಷ್ಠ ಸರಾಸರಿ ಪಿಎಂ 2.5 ಮಟ್ಟವನ್ನ ಹೊಂದಿದೆ ಎಂದು ತೋರಿಸುತ್ತದೆ ಎಂದು ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ.
ಕುತೂಹಲಕಾರಿಯಾಗಿ, ವಿಶ್ಲೇಷಣೆಯು 2010 ರಿಂದ 2019 ರವರೆಗೆ ಡೇಟಾವನ್ನ ಬಳಸಿತು ಮತ್ತು ಎರಡು ಅತ್ಯಂತ ಹಾನಿಕಾರಕ ಮಾಲಿನ್ಯಕಾರಕಗಳ ಮೇಲೆ ಕೇಂದ್ರೀಕರಿಸಿತು. ಸೂಕ್ಷ್ಮ ಕಣಗಳು (ಪಿಎಂ 2.5) ಮತ್ತು ನೈಟ್ರೋಜನ್ ಡೈಆಕ್ಸೈಡ್ (ಎನ್ಒ 2) ಮತ್ತು ‘ನಗರಗಳಲ್ಲಿ ವಾಯು ಗುಣಮಟ್ಟ ಮತ್ತು ಆರೋಗ್ಯ’ ಎಂಬ ವರದಿಯು ಉಪಗ್ರಹಗಳು ಮತ್ತು ಮಾದರಿಗಳೊಂದಿಗೆ ನೆಲ-ಆಧಾರಿತ ವಾಯು ಗುಣಮಟ್ಟ ಡೇಟಾವನ್ನ ಸಂಯೋಜಿಸಿ ವಿಶ್ವದಾದ್ಯಂತದ ನಗರಗಳಿಗೆ ವಾಯು ಗುಣಮಟ್ಟದ ಅಂದಾಜುಗಳನ್ನು ಉತ್ಪಾದಿಸಲು ಎಂದು ವರದಿ ತಿಳಿಸಿದೆ.
ಹೆಚ್ಚುವರಿಯಾಗಿ, ಲೇಖಕರು 2019ರಲ್ಲಿ, ಪಿಎಂ 2.5ಗೆ ಸಂಬಂಧಿಸಿದ 1.7 ಮಿಲಿಯನ್ ಸಾವುಗಳು ವಿಶ್ಲೇಷಣೆಯಲ್ಲಿ ಸೇರಿಸಲಾದ 7,239 ನಗರಗಳಲ್ಲಿ ಸಂಭವಿಸಿವೆ, ಏಷ್ಯಾ, ಆಫ್ರಿಕಾ ಮತ್ತು ಪೂರ್ವ ಮತ್ತು ಮಧ್ಯ ಯುರೋಪಿನ ನಗರಗಳು ಹೆಚ್ಚಿನ ಆರೋಗ್ಯ ಪರಿಣಾಮಗಳನ್ನು ನೋಡುತ್ತಿವೆ. ಆದ್ರೆ, ಅವ್ರು ಪ್ರತಿ ಪ್ರದೇಶದ ಅತಿ ಹೆಚ್ಚು ಜನಸಂಖ್ಯೆಯ ನಗರಗಳಿಗೆ ಅಂದರೆ 21 ಪ್ರದೇಶಗಳ 103 ನಗರಗಳ ಉಪವರ್ಗಕ್ಕೆ ಜೂಮ್ ಮಾಡಿದ್ದಾರೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
ಪ್ರತಿ ಪ್ರದೇಶದ ಅತಿ ಹೆಚ್ಚು ಜನಸಂಖ್ಯೆಯ ನಗರಗಳಲ್ಲಿ, ದೆಹಲಿ ಮತ್ತು ಕೋಲ್ಕತಾ 2019ರಲ್ಲಿ ಅತ್ಯಧಿಕ ಪಿಎಂ 2.5-ಸಂಬಂಧಿತ ರೋಗದ ಹೊರೆಯೊಂದಿಗೆ ಅಗ್ರ 10ರಲ್ಲಿ ಕಾಣಿಸಿಕೊಂಡಿವೆ. ಆದ್ರೆ, ಅತಿ ಹೆಚ್ಚು ಪಿಎಂ 2.5 ಎಕ್ಸ್ಪೋಶರ್ಗಳನ್ನ ಹೊಂದಿರುವ 20 ನಗರಗಳಲ್ಲಿ, ಭಾರತ, ನೈಜೀರಿಯಾ, ಪೆರು ಮತ್ತು ಬಾಂಗ್ಲಾದೇಶದ ನಗರಗಳಲ್ಲಿನ ನಿವಾಸಿಗಳು ಜಾಗತಿಕ ಸರಾಸರಿಗಿಂತ ಹಲವಾರು ಪಟ್ಟು ಹೆಚ್ಚಿನ ಪಿಎಂ 2.5 ಮಟ್ಟಗಳಿಗೆ ಒಡ್ಡಿಕೊಳ್ಳುತ್ತಾರೆ ಎಂದು ವರದಿ ಎತ್ತಿ ತೋರಿಸಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
ಭಾರತ ಮತ್ತು ಇಂಡೋನೇಷ್ಯಾ ಪಿಎಂ 2.5 ಮಾಲಿನ್ಯದಲ್ಲಿ ಅತ್ಯಂತ ತೀವ್ರವಾದ ಹೆಚ್ಚಳವನ್ನು ಕಂಡಿವೆ, ಆದರೆ ಚೀನಾ ಅತಿದೊಡ್ಡ ಸುಧಾರಣೆಗಳನ್ನು ಕಂಡಿದೆ. “7,239 ನಗರಗಳಲ್ಲಿ, ಭಾರತವು 2010 ರಿಂದ 2019 ರವರೆಗೆ ಪಿಎಂ 2.5 ಮಾಲಿನ್ಯದಲ್ಲಿ ಅತ್ಯಂತ ತೀವ್ರವಾದ ಹೆಚ್ಚಳದೊಂದಿಗೆ 20 ನಗರಗಳಲ್ಲಿ 18 ನಗರಗಳಿಗೆ ನೆಲೆಯಾಗಿದೆ. ಇತರ ಎರಡು ನಗರಗಳು ಇಂಡೋನೇಷ್ಯಾದಲ್ಲಿವೆ” ಎಂದು ಅಧ್ಯಯನದ ಲೇಖಕರು ಉಲ್ಲೇಖಿಸಿದ್ದಾರೆ.
