ನವದೆಹಲಿ : ಅಂತಾರಾಷ್ಟ್ರೀಯ ಜಾಲದಿಂದ 60ಕ್ಕೂ ಹೆಚ್ಚು ಭಾರತೀಯ ಪ್ರಜೆಗಳನ್ನ ವಂಚಿಸಿ ಅಕ್ರಮವಾಗಿ ಮ್ಯಾನ್ಮಾರ್’ಗೆ ಕರೆತರಲಾಗಿದೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಮೂಲಗಳು ತಿಳಿಸಿವೆ.
ಮೂಲಗಳ ಪ್ರಕಾರ, ಮ್ಯಾನ್ಮಾರ್’ನ ಮೈವಡ್ಡಿಯಲ್ಲಿನ ದಂಧೆಯು ಥೈಲ್ಯಾಂಡ್’ನಲ್ಲಿ ಉದ್ಯೋಗದ ಆಮಿಷವೊಡ್ಡಿ ಭಾರತೀಯ ನಾಗರಿಕರನ್ನ ಶೋಷಿಸುತ್ತಿದೆ ಎಂದು ವರದಿಯಾಗಿದೆ. ಆದ್ರೆ, ಅವ್ರನ್ನ ಅಕ್ರಮವಾಗಿ ಮ್ಯಾನ್ಮಾರ್’ಗೆ ಕರೆತರಲಾಗಿದೆ.
ಆಗ್ನೇಯ ಮ್ಯಾನ್ಮಾರ್’ನ ಮಯಾವಡ್ಡಿ ಪಟ್ಟಣವು ಸಂಪೂರ್ಣವಾಗಿ ಸರ್ಕಾರದ ನಿಯಂತ್ರಣದಲ್ಲಿಲ್ಲ. ಜನಾಂಗೀಯ ಸಶಸ್ತ್ರ ಗುಂಪುಗಳು ಪ್ರಾಬಲ್ಯವನ್ನ ಹೊಂದಿವೆ ಮತ್ತು ಭಾರತೀಯ ಮತ್ತು ಇತರ ಹಲವಾರು ವಿದೇಶಿ ನಾಗರಿಕರನ್ನ ಅವರು ತಮ್ಮ ಹಿಡಿತದಲ್ಲಿಡುತ್ತಿದ್ದಾರೆ.
ಮೂಲಗಳ ಪ್ರಕಾರ, ರಾಯಭಾರ ಕಚೇರಿಯು ಮೈವಡ್ಡಿ ಪ್ರದೇಶದಲ್ಲಿ ಸಿಲುಕಿದ್ದ 30ಕ್ಕೂ ಹೆಚ್ಚು ಭಾರತೀಯ ನಾಗರಿಕರನ್ನ ರಕ್ಷಿಸಿದೆ ಮತ್ತು ಇತರರನ್ನ ಸಾಧ್ಯವಾದಷ್ಟು ಬೇಗ ಹೊರಹಾಕಲು ಎಲ್ಲಾ ಪ್ರಯತ್ನಗಳನ್ನ ಮುಂದುವರಿಸಿದೆ.
ಅವರ ರಕ್ಷಣೆಗಾಗಿ ರಾಯಭಾರ ಕಚೇರಿ ಮ್ಯಾನ್ಮಾರ್ ಸರ್ಕಾರದೊಂದಿಗೆ ನಿಕಟವಾಗಿ ಕೆಲಸ ಮಾಡುತ್ತಿದೆ ಎಂದು ಎಂಇಎ ಮೂಲಗಳು ತಿಳಿಸಿವೆ. ಈ ಪ್ರದೇಶವು ಸಂಪೂರ್ಣವಾಗಿ ಸ್ಥಳೀಯ ಪ್ರಾಧಿಕಾರಗಳ ನಿಯಂತ್ರಣದಲ್ಲಿಲ್ಲದ ಕಾರಣ, ವ್ಯಾಪಾರ ಸಮುದಾಯದ ನಡುವೆ ವಿವಿಧ ಸಂಪರ್ಕಗಳ ಮೂಲಕ ಈ ಭಾರತೀಯ ನಾಗರಿಕರನ್ನು ರಕ್ಷಿಸಲು ಇತರ ಪ್ರಯತ್ನಗಳಿವೆ.
ಈ ಸುದ್ದಿ ಹೊರಬಂದ ನಂತರ, ಮ್ಯಾನ್ಮಾರ್’ನ ಯಾಂಗೂನ್’ನಲ್ಲಿರುವ ಭಾರತೀಯ ರಾಯಭಾರ ಕಚೇರಿ ಒಂದು ಸಲಹೆಯನ್ನ ಬಿಡುಗಡೆ ಮಾಡಿದೆ. “ಮ್ಯಾನ್ಮಾರ್’ನ ದೂರದ ಪೂರ್ವ ಗಡಿ ಪ್ರದೇಶಗಳಲ್ಲಿರುವ ಡಿಜಿಟಲ್ ಸ್ಕ್ಯಾಮಿಂಗ್ / ಫೋರ್ಜ್ ಕ್ರಿಪ್ಟೋ ಚಟುವಟಿಕೆಗಳಲ್ಲಿ ತೊಡಗಿರುವ ಕೆಲವು ಎಲ್ಟಿ ಕಂಪನಿಗಳು ಐಟಿ ವಲಯದಲ್ಲಿ ಸಂಭಾವ್ಯ ಉದ್ಯೋಗಾವಕಾಶಗಳ ನೆಪದಲ್ಲಿ ತಮ್ಮ ನೇಮಕಾತಿ ಏಜೆಂಟರ ಮೂಲಕ ವಿವಿಧ ಸ್ಥಳಗಳಿಂದ ಭಾರತೀಯ ಕಾರ್ಮಿಕರನ್ನ ನೇಮಿಸಿಕೊಳ್ಳುತ್ತಿರುವುದನ್ನ ಮಿಷನ್ ಇತ್ತೀಚಿನ ದಿನಗಳಲ್ಲಿ ಗಮನಿಸಿದೆ.
