ಬೆಂಗಳೂರು : ಏಪ್ರಿಲ್ 2022 ರ ಎಸ್ಎಸ್ ಎಲ್ ಸಿ (SSLC) ಮುಖ್ಯ ಪರೀಕ್ಷೆಯ ಅಂಕಪಟ್ಟಗಳಲ್ಲಿ ಹೆಸರು/ಜನ್ಮ ದಿನಾಂಕಗಳ ತಿದ್ದುಪಡಿ ಮಾಡಲು ಸೆಪ್ಟೆಂಬರ್ 2 ರವರೆಗೆ ಅವಕಾಶ ನೀಡಲಾಗಿದೆ.
ಪ್ರಸ್ತುತ 2022ರ ಎಸ್ಎಸ್ ಎಲ್ ಸಿ ಮುಖ್ಯ ಪರೀಕ್ಷೆಯ ಅಂಕಪಟ್ಟಿಗಳಲ್ಲಿನ ಹೆಸರು/ಜನ್ಮ ದಿನಾಂಕಗಳ ತಿದ್ದುಪಡಿ ಕೋರಿ ಶಾಲಾ ಮುಖ್ಯ ಶಿಕ್ಷಕರುಗಳಿಂದ ಮಂಡಳಿಗೆ ಪ್ರಸ್ತಾವನೆ ಸಲ್ಲಿಕೆಯಾಗುತ್ತಿದೆ. ಪ್ರಸ್ತುತ 2022 ರ ಎಸ್ಎಸ್ ಎಲ್ ಸಿ ಮುಖ್ಯ ಪರೀಕ್ಷೆಯ ಫಲಿತಾಂಶ ಸಂಪುಟಗಳ ಮುದ್ರಣ ಕಾರ್ಯ ದಿನಾಂಕ 01-09-2022 ರಿಂದ ಪ್ರಾರಂಭವಾಗಲಿದ್ದು, ಅಂಕಪಟ್ಟಿಗಳಲ್ಲಿನ ತಿದ್ದುಪಡಿಗೆ ಮಂಡಳಿ ನಿಗದಿಪಡಿಸಿರುವ ದಾಖಲೆಗಳು ತಿದ್ದುಪಡಿ ಶುಲ್ಕ 1,000 ರೂ.ಗಳೊಂದಿಗೆ 02-09-2022 ರೊಳಗೆ ಮಂಡಳಿಗೆ ಪ್ರಸ್ತಾವನೆ ಸಲ್ಲಿಸಲು ಶಿಕ್ಷಕರಿಗೆ ಸೂಚನೆ ನೀಡಲಾಗಿದೆ.
