ನವದೆಹಲಿ: ಸಂಸತ್ತಿನ ಉಭಯ ಸದನಗಳಲ್ಲಿ ಅಸಂಸದೀಯವೆಂದು ಪರಿಗಣಿಸಲಾಗುವ ಕೆಲವು ಪದಗಳನ್ನು ಪಟ್ಟಿ ಮಾಡುವ ಲೋಕಸಭಾ ಸಚಿವಾಲಯದ ಪರಿಷ್ಕೃತ ಕಿರುಹೊತ್ತಿಗೆಯ ಬಗ್ಗೆ ಪ್ರತಿಕ್ರಿಯೆ ವ್ಯಕ್ತವಾದ ಮಧ್ಯೆ, ಸ್ಪೀಕರ್ ಓಂ ಪ್ರಕಾಶ್ ಬಿರ್ಲಾ ಅವರು ಗುರುವಾರ “ಯಾವುದೇ ಪದವನ್ನು ನಿಷೇಧಿಸಲಾಗಿಲ್ಲ” ಮತ್ತು ಸದಸ್ಯರು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಲು ಮುಕ್ತರಾಗಿದ್ದಾರೆ ಎಂದು ಹೇಳಿದ್ದಾರೆ.
ಸದಸ್ಯರಿಂದ ಆ ಹಕ್ಕನ್ನು ಯಾರೂ ಕಸಿದುಕೊಳ್ಳಲು ಸಾಧ್ಯವಿಲ್ಲ ಎಂದು ಸ್ಪೀಕರ್ ಬಿರ್ಲಾ ಅವರು ಹೇಳಿದ್ದಾರೆ, ಆದರೆ ಅದು ಸಂಸತ್ತಿನ ಸಭ್ಯತೆಗೆ ಅನುಗುಣವಾಗಿರಬೇಕು ಎಂದು ಹೇಳಿದರು ಎಂದು ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ.
ಲೋಕಸಭಾ ಸಚಿವಾಲಯದ ಹೊಸ ಕಿರುಪುಸ್ತಕದ ಪ್ರಕಾರ, ‘ಜುಮ್ಲಾಜೀವಿ’, ‘ಬಾಲ ಬುದ್ಧಿ’, ‘ಕೋವಿಡ್ ಸ್ಪ್ರೆಡರ್’ ಮತ್ತು ‘ಸ್ನೂಪ್ಗೇಟ್’ ಮತ್ತು ಸಾಮಾನ್ಯವಾಗಿ ಬಳಸುವ ‘ನಾಚಿಕೆ’, ‘ನಿಂದಿಸಲಾದ’, ‘ದ್ರೋಹ’, ‘ಭ್ರಷ್ಟ’, ‘ನಾಟಕ’, ‘ಬೂಟಾಟಿಕೆ’ ಮತ್ತು ‘ಅಸಮರ್ಥ’ ಪದಗಳನ್ನು ಬಳಸುವುದು ಇನ್ನು ಮುಂದೆ ಲೋಕಸಭೆ ಮತ್ತು ರಾಜ್ಯಸಭೆ ಎರಡರಲ್ಲೂ ಅಸಂಸದೀಯವೆಂದು ಪರಿಗಣಿಸಲಾಗುವುದು ತಿಳಿಸಲಾಗಿತ್ತು.
