ಕೆಎನ್‍ಎನ್‍ಡಿಜಿಟಲ್ ಡೆಸ್ಕ್ : ದಕ್ಷಿಣ ಆಫ್ರಿಕಾ ಮಾಜಿ ಕ್ರಿಕೆಟಿಗ ಎಬಿ ಡಿವಿಲಿಯರ್ಸ್ ಮತ್ತೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡಕ್ಕೆ ರೀ ಎಂಟ್ರಿ ಕೊಡಲಿದ್ದಾರೆ ಎನ್ನುವ ಸುದ್ದಿ ಓಡಾಡುತ್ತಿದೆ. ಇದಕ್ಕೆ ಕಾರಣ ಎಬಿಡಿ ಇಂಡಿಯನ್ ಪ್ರೀಮಿಯರ್ ಲೀಗ್ ಆಡುವ ದಿನಗಳಲ್ಲಿ ಐಪಿಎಲ್ ಫ್ರಾಂಚೈಸಿ ಆರ್ಸಿಬಿಯೊಂದಿಗೆ ಮಾತನಾಡುತ್ತಿದ್ದ ಬೆಂಗಳೂರಿನ ಹೋಟೆಲ್‍ಗೆ ಭೇಟಿ ನೀಡಿದ್ದೇ ಆಗಿದೆ. ಇನ್ನು ಈ ಕುರಿತು ಸ್ವತಃ ಎಬಿ ಡಿವಿಲಿಯರ್ಸ್ ಅವ್ರೇ ಈ ಟ್ವೀಟ್ ಮಾಡಿದ್ದು, ಅಭಿಮಾನಿಗಳಿಗೆ ಅವರು ಮತ್ತೆ ತಂಡಕ್ಕೆ ಮರಳುವ ಬಗ್ಗೆ ಕುತೂಹಲ ಮೂಡಿಸಿದೆ.
ಅಂದ್ಹಾಗೆ, ಡಿವಿಲಿಯರ್ಸ್ 2020ರ ಋತುವಿನ ನಂತರ ಐಪಿಎಲ್ ಸೇರಿದಂತೆ ಎಲ್ಲಾ ಮಾದರಿಯ ಕ್ರಿಕೆಟ್ನಿಂದ ನಿವೃತ್ತಿ ಘೋಷಿಸಿದ್ದರು. ಆದಾಗ್ಯೂ, ಅವರು ಕೆಲವು ಪಾತ್ರಗಳಲ್ಲಿ ಆರ್ಸಿಬಿಗೆ ಮರಳುವುದಾಗಿ ನಂತರ ಹೇಳಿದ್ದರು. ಇನ್ನು ಈ ಹಿಂದೆ, ಆರ್ಸಿಬಿಗೆ ಮರಳುತ್ತೇನೆ ಎಂದು ಹೇಳಿದ ಯಾರೋ ಒಬ್ಬರು ಬೆಂಗಳೂರಿಗೆ ಬಂದಿದ್ದಾರೆ ಎಂದು ಅಭಿಮಾನಿಗಳಿಗೆ ಆರ್ಸಿಬಿ ಪ್ರಾಂಚೈಸಿ ತಿಳಿಸಿತ್ತು.
ಆರ್ಸಿಬಿಯ ಅಪ್ಡೇಟ್ ನಂತರ ಡಿವಿಲಿಯರ್ಸ್ ಟ್ವೀಟ್ ಬಂದಿದೆ. “ಹಲವು ವರ್ಷಗಳಲ್ಲಿ ಮೊದಲ ಬಾರಿಗೆ ಐಟಿಸಿ ರಾಯಲ್ ಗಾರ್ಡೇನಿಯಾಗೆ ಚೆಕ್ ಇನ್ ಮಾಡಲಾಗಿದೆ. ಅನೇಕ ನೆನಪುಗಳು ಹಿಂದಕ್ಕೆ ಕರೆಯುತ್ತಿವೆ.” ಎಂದು ಎಬಿ ಡಿವಿಲಿಯರ್ಸ್ ತಮ್ಮ ಟ್ವಿಟ್ಟರ್ನಲ್ಲಿ ಬರೆದಿದ್ದಾರೆ.
Just checked in to the ITC Royal Gardenia for the first time in many years! So many great memories flowing back. Also been told this is my 25th time checking in here
Tele is on and ready for the Pak/SA game. Go Proteas— AB de Villiers (@ABdeVilliers17) November 3, 2022
ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಡೆಲ್ಲಿ ಫ್ರಾಂಚೈಸಿಗಾಗಿ ಐಪಿಎಲ್‍ಗೆ ಪಾದಾರ್ಪಣೆ ಮಾಡಿದರು ಮತ್ತು 2008 ರಿಂದ 2010ರವರೆಗೆ ಅವರನ್ನ ಪ್ರತಿನಿಧಿಸಿದರು. ಆದಾಗ್ಯೂ, ಅವರ ಅತ್ಯುತ್ತಮ ವರ್ಷಗಳು ಆರ್ಸಿಬಿಯೊಂದಿಗೆ ಕಳೆದಿದ್ದು, 2011 ರಿಂದ 2021ರಲ್ಲಿ ನಿವೃತ್ತಿಯಾಗುವವರೆಗೂ ಆಡಿದರು. ಒಟ್ಟಾರೆಯಾಗಿ, ಎಬಿಡಿ 184 ಐಪಿಎಲ್ ಪಂದ್ಯಗಳನ್ನ ಆಡಿದ್ದು, 39.71 ಸರಾಸರಿಯಲ್ಲಿ 5162 ರನ್ಗಳನ್ನು ಗಳಿಸಿದ್ದಾರೆ ಮತ್ತು 151.69 ಸ್ಟ್ರೈಕ್ ರೇಟ್ ಹೊಂದಿದ್ದಾರೆ. ಅವರು ಟಿ20 ಸ್ಪರ್ಧೆಯಲ್ಲಿ ಮೂರು ಶತಕಗಳು ಮತ್ತು 80 ಅರ್ಧ ಶತಕಗಳನ್ನು ಗಳಿಸಿದರು. ಕಳೆದ ತಿಂಗಳು ಸಾಮಾಜಿಕ ಮಾಧ್ಯಮ ಸಂವಾದದ ವೇಳೆ, ಐಪಿಎಲ್ 2023 ರ ಸಮಯದಲ್ಲಿ ಆರ್ಸಿಬಿಯೊಂದಿಗೆ ಸಂಬಂಧ ಹೊಂದುವ ಬಗ್ಗೆ ಅವರು ಸುಳಿವು ನೀಡಿದ್ದರು. ಕಣ್ಣಿನ ಶಸ್ತ್ರಚಿಕಿತ್ಸೆಯ ನಂತರ ಅವರ ಆಟದ ದಿನಗಳು ಅವರ ಹಿಂದೆ ಇದ್ದವು ಎಂದು ಬಹಿರಂಗಪಡಿಸಿದರು.
