ನವದೆಹಲಿ : ಕೇಂದ್ರ ಸರ್ಕಾರ ಮಂಗಳವಾರ ಅಗತ್ಯ ಔಷಧಿಗಳ ರಾಷ್ಟ್ರೀಯ ಪಟ್ಟಿ 2022 ಬಿಡುಗಡೆ ಮಾಡಿದೆ. ಇದರಲ್ಲಿ 34 ಹೊಸ ಔಷಧಿಗಳು ಸೇರಿದ್ದು, ಇದರ ಅಡಿಯಲ್ಲಿ ಒಟ್ಟು ಔಷಧಿಗಳ ಸಂಖ್ಯೆ 384ಕ್ಕೆ ಏರಿದೆ. ಐವರ್ಮೆಕ್ಟಿನ್, ಮುಪಿರೋಸಿನ್ ಮತ್ತು ನಿಕೋಟಿನ್ ರಿಪ್ಲೇಸ್ಮೆಂಟ್ ಥೆರಪಿಯಂತಹ ಕೆಲವು ಸೋಂಕು-ನಿರೋಧಕಗಳು ಸೇರಿದಂತೆ 34 ಹೊಸ ಔಷಧಿಗಳನ್ನ ಅಗತ್ಯ ಔಷಧಿಗಳ ರಾಷ್ಟ್ರೀಯ ಪಟ್ಟಿ 2022ರ ಪಟ್ಟಿಗೆ ಸೇರಿಸಲಾಗಿದೆ.
ಕ್ಯಾನ್ಸರ್ ವಿರೋಧಿ, ಹಲವಾರು ಪ್ರತಿಜೀವಕಗಳು ಮತ್ತು ಲಸಿಕೆಗಳನ್ನ ಪಟ್ಟಿಗೆ ಸೇರಿಸುವುದರೊಂದಿಗೆ, ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ ಅವರು ಈಗ ರೋಗಿಗಳಿಗೆ ಹೆಚ್ಚು ಪ್ರಮುಖ ಔಷಧಿಗಳು ಕೈಗೆಟುಕುತ್ತವೆ ಎಂದು ಟ್ವೀಟ್ ಮಾಡಿದ್ದಾರೆ. “ಹಲವಾರು ಪ್ರತಿಜೀವಕಗಳು, ಲಸಿಕೆಗಳು, ಕ್ಯಾನ್ಸರ್ ವಿರೋಧಿ ಔಷಧಿಗಳು ಮತ್ತು ಇತರ ಅನೇಕ ಪ್ರಮುಖ ಔಷಧಿಗಳು ಹೆಚ್ಚು ಕೈಗೆಟುಕುವ ದರದಲ್ಲಿರುತ್ತವೆ” ಎಂದು ಮನ್ಸುಖ್ ಮಾಂಡವಿಯಾ ಹೇಳಿದರು.
Released the National List of Essential Medicines 2022.
It comprises 384 drugs across 27 categories.
Several antibiotics, vaccines, anti-cancer drugs and many other important drugs will become more affordable & reduce patients’ out-of-pocket expenditure. pic.twitter.com/yz0Fx8er78
— Dr Mansukh Mandaviya (@mansukhmandviya) September 13, 2022
ಇನ್ನು ರಾನಿಟಿಡಿನ್, ಸುಕ್ರಾಲ್ಫೇಟ್, ವೈಟ್ ಪೆಟ್ರಾಲೆಟಮ್, ಅಟೆನೊಲೊಲ್ ಮತ್ತು ಮೀಥೈಲ್ಡೋಪಾದಂತಹ ಇಪ್ಪತ್ತಾರು ಔಷಧಿಗಳನ್ನು ಪರಿಷ್ಕೃತ ಪಟ್ಟಿಯಿಂದ ತೆಗೆದುಹಾಕಲಾಗಿದೆ. ವೆಚ್ಚ-ಪರಿಣಾಮಕಾರಿತ್ವ ಮತ್ತು ಉತ್ತಮ ಔಷಧಗಳ ಲಭ್ಯತೆಯ ನಿಯತಾಂಕಗಳನ್ನ ಆಧರಿಸಿ ಅಳಿಸುವಿಕೆಯನ್ನ ಮಾಡಲಾಗಿದೆ.
