ಚೆನ್ನೈ: ತಮಿಳುನಾಡು ಪಿಯುಸಿ (Class 12) ಫಲಿತಾಂಶಗಳು ಇಂದು ಪ್ರಕಟವಾಗುತ್ತಿದ್ದಂತೆ, ಸೋಶಿಯಲ್ ಮೀಡಿಯಾದಲ್ಲಿ ನಟ ಹಾಗೂ ತಮಿಳಗ ವೆಟ್ರಿ ಕಳಗಂ (TVK) ಪಕ್ಷದ ಅಧ್ಯಕ್ಷ ವಿಜಯ್ ಅವರ ಹಳೆಯ ಅಂಕಪಟ್ಟಿಯೊಂದು ಭಾರೀ ವೈರಲ್ ಆಗುತ್ತಿದೆ. 2026ರ ತಮಿಳುನಾಡು ವಿಧಾನಸಭಾ ಚುನಾವಣೆಯಲ್ಲಿ ಭರ್ಜರಿ ಯಶಸ್ಸು ಸಾಧಿಸಿರುವ ವಿಜಯ್ ಅವರ ಶಾಲಾ ದಿನಗಳ ಸಾಧನೆ ಹೇಗಿತ್ತು ಎಂದು ತಿಳಿಯಲು ಅಭಿಮಾನಿಗಳು ಮುಗಿಬಿದ್ದಿದ್ದಾರೆ.
ವೈರಲ್ ಆಗಿರುವ ಮಾಹಿತಿ ಪ್ರಕಾರ, ವಿಜಯ್ ಅವರು 10ನೇ ತರಗತಿಯಲ್ಲಿ ಒಟ್ಟು 1100 ಅಂಕಗಳಿಗೆ 711 ಅಂಕಗಳನ್ನು (ಶೇ. 64.6) ಪಡೆದು ಪ್ರಥಮ ದರ್ಜೆಯಲ್ಲಿ ಉತ್ತೀರ್ಣರಾಗಿದ್ದಾರೆ.
ಅಚ್ಚರಿಯೆಂದರೆ, ಎಲ್ಲರಿಗೂ ಕಷ್ಟವೆನಿಸುವ ಗಣಿತ ವಿಷಯದಲ್ಲಿ ವಿಜಯ್ ಕೂಡ ಕೊಂಚ ಹಿಂದೆ ಬಿದ್ದಿದ್ದರು. ಅವರು ಗಣಿತದಲ್ಲಿ 200ಕ್ಕೆ ಕೇವಲ 95 ಅಂಕಗಳನ್ನು ಮಾತ್ರ ಪಡೆದಿದ್ದಾರೆ.
ಗಣಿತದಲ್ಲಿ ಕಡಿಮೆ ಅಂಕ ಬಂದರೂ, ವಿಜ್ಞಾನ ವಿಷಯದಲ್ಲಿ ಅವರು ಭರ್ಜರಿ ಸಾಧನೆ ಮಾಡಿದ್ದಾರೆ. 300 ಅಂಕಗಳಿಗೆ 206 ಅಂಕಗಳನ್ನು ಪಡೆಯುವ ಮೂಲಕ ವಿಜ್ಞಾನದಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದಾರೆ.
ತಮಿಳು ಭಾಷೆಯಲ್ಲಿ 155 (200ಕ್ಕೆ) ಮತ್ತು ಇಂಗ್ಲಿಷ್ನಲ್ಲಿ 133 (200ಕ್ಕೆ) ಅಂಕಗಳನ್ನು ಗಳಿಸಿದ್ದಾರೆ.
ವಿಷಯ ಪಡೆದ ಅಂಕಗಳು ಗರಿಷ್ಠ ಅಂಕಗಳು
ವಿಜ್ಞಾನ (Science) 206 300
ತಮಿಳು (Tamil) 155 200
ಇಂಗ್ಲಿಷ್ (English) 133 200
ಸಮಾಜ ವಿಜ್ಞಾನ 122 200
ಗಣಿತ (Maths) 95 200
ಒಟ್ಟು ಅಂಕಗಳು 711 1100
