ನವದೆಹಲಿ: NDTV ಸಂಸ್ಥಾಪಕರಾದ ಪ್ರಣಯ್ ರಾಯ್ ಮತ್ತು ಅವರ ಪತ್ನಿ ರಾಧಿಕಾ ರಾಯ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.
ಪ್ರಣಯ್ ರಾಯ್ ಎನ್‌ಡಿಟಿವಿಯ ಅಧ್ಯಕ್ಷರಾಗಿದ್ದು, ರಾಧಿಕಾ ರಾಯ್ ಕಾರ್ಯನಿರ್ವಾಹಕ ನಿರ್ದೇಶಕರಾಗಿದ್ದಾರೆ. NDTVಯನ್ನು ಅದಾನಿ ಗ್ರೂಪ್ ಸ್ವಾಧೀನಪಡಿಸಿಕೊಳ್ಳಲು ಸಮೀಪಿಸುತ್ತಿರುವ ಕಾರಣ ಪ್ರವರ್ತಕ ಸಮೂಹ ವಾಹನ RRPR ಹೋಲ್ಡಿಂಗ್ ಪ್ರೈವೇಟ್ ಲಿಮಿಟೆಡ್‌ನ ನಿರ್ದೇಶಕರ ಸ್ಥಾನಕ್ಕೆ ದಂಪತಿಗಳು ರಾಜೀನಾಮೆ ನೀಡಿದ್ದಾರೆ.
ಕೆಲವು ದಿನಗಳ ಹಿಂದಷ್ಟೇ ಅದಾನಿ ಗ್ರೂಪ್ RRPRಅನ್ನು ಖರೀದಿ ಮಾಡಿದ್ದರು. ಈ ಸಂಸ್ಥೆ NDTVಯಲ್ಲಿ 29.18 ರಷ್ಟು ಪಾಲನ್ನು ಹೊಂದಿತ್ತು. ಆದಾಗ್ಯೂ, ರಾಯ್‌ಗಳು ಇನ್ನೂ ಎನ್‌ಡಿಟಿವಿಯಲ್ಲಿ 32.26 ಶೇಕಡಾ ಪಾಲನ್ನು ಪ್ರವರ್ತಕರಾಗಿ ಹೊಂದಿದ್ದಾರೆ ಮತ್ತು ಸುದ್ದಿ ವಾಹಿನಿಯ ಮಂಡಳಿಗೆ ರಾಜೀನಾಮೆ ನೀಡಿಲ್ಲ.
ಮಂಗಳವಾರ ತಡರಾತ್ರಿ ಸ್ಟಾಕ್ ಎಕ್ಸ್‌ಚೇಂಜ್ ಫೈಲಿಂಗ್‌ನಲ್ಲಿ, ದಂಪತಿಗಳು ಇಬ್ಬರೂ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಇವರ ರಾಜೀನಾಮೆ ನ.29ರಿಂದಲೇ ಅನ್ವಯವಾಗಲಿದೆ ಎಂದು ಹೇಳಲಾಗಿದೆ.
RRPR ಹೋಲ್ಡಿಂಗ್ ಮಂಡಳಿಯು ತಕ್ಷಣದಿಂದ ಜಾರಿಗೆ ಬರುವಂತೆ ಸುದೀಪ್ತ ಭಟ್ಟಾಚಾರ್ಯ, ಸಂಜಯ್ ಪುಗಾಲಿಯಾ ಮತ್ತು ಸೆಂಥಿಲ್ ಸಿನ್ನಯ್ಯ ಚೆಂಗಲ್ವರಾಯನ್ ಅವರನ್ನು ನಿರ್ದೇಶಕರನ್ನಾಗಿ ನೇಮಿಸಲು ಅನುಮೋದಿಸಿದೆ ಎಂದು NDTV ತಿಳಿಸಿದೆ.
BIGG NEWS : ಸೈಬೀರಿಯಾದಲ್ಲಿ 48,500 ವರ್ಷಗಳ ಹಿಂದಿನ ‘ಝೋಂಬಿ ವೈರಸ್‌ ಪತ್ತೆ ‘ | Zombie Virus
ಕಲಾಹಂಸ ಇನ್ಫೋಟೆಕ್ ನಿಂದ ಡಿಜಿಟಲ್ ಮಾರ್ಕೆಟಿಂಗ್‌ನಿಂದ ಆ‌ನ್ ಲೈನ್ ತರಬೇತಿ ಆರಂಭ..
BIGG NEWS : ಸೈಬೀರಿಯಾದಲ್ಲಿ 48,500 ವರ್ಷಗಳ ಹಿಂದಿನ ‘ಝೋಂಬಿ ವೈರಸ್‌ ಪತ್ತೆ ‘ | Zombie Virus
