ನವದೆಹಲಿ : ಜೂನ್ 5ರಂದು ಪರಿಸರ ದಿನಾಚರಣೆಯಂದು ದೆಹಲಿಯ ಮಹಾವೀರ್ ಜಯಂತಿ ಉದ್ಯಾನವನದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಸಸಿ ನೆಡಲಿದ್ದಾರೆ. ‘ಏಕ್ ಪೆಡ್ ಮಾ ಕೆ ನಾಮ್ ಪರ್’ ನ ಒಂದು ವಾರ್ಷಿಕೋತ್ಸವದ ಸಂದರ್ಭದಲ್ಲಿ ಈ ಕಾರ್ಯಕ್ರಮವನ್ನ ಆಯೋಜಿಸಲಾಗುತ್ತಿದೆ. ಪರಿಸರವನ್ನು ರಕ್ಷಿಸುವುದರ ಜೊತೆಗೆ ಮಾತೃಭೂಮಿ ಮತ್ತು ಮಾತೃತ್ವವನ್ನು ಗೌರವಿಸುವುದು ಈ ಉಪಕ್ರಮದ ಉದ್ದೇಶವಾಗಿದೆ. ಈ ವಿಶೇಷ ಸಂದರ್ಭದಲ್ಲಿ, ಪ್ರಧಾನ ಮಂತ್ರಿ ಸ್ವತಃ ಸಸಿ ನೆಟ್ಟು ಕಾರ್ಯಕ್ರಮದ ಯಶಸ್ಸನ್ನು ಆಚರಿಸಲಿದ್ದಾರೆ.
ವಾಸ್ತವವಾಗಿ, ‘ಏಕ್ ಪೆಡ್ ಮಾ ಕೆ ನಾಮ್’ ಕಾರ್ಯಕ್ರಮವು ಕಳೆದ ಒಂದು ವರ್ಷದಿಂದ ನಿರಂತರವಾಗಿ ನಡೆಯುತ್ತಿದ್ದು, ಜನರು ಮರಗಳನ್ನ ನೆಡಲು ಪ್ರೇರೇಪಿಸಲ್ಪಟ್ಟಿದ್ದಾರೆ. 2024ರ ಲೋಕಸಭಾ ಚುನಾವಣೆಯ ನಂತ್ರ ನಡೆಸಿದ ಮೊದಲ ‘ಮನ್ ಕಿ ಬಾತ್’ ರೇಡಿಯೋ ಕಾರ್ಯಕ್ರಮದ 111ನೇ ಸಂಚಿಕೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ತಮ್ಮ ತಾಯಿಯನ್ನು ಸ್ಮರಿಸುತ್ತಾ ಇದನ್ನು ಪ್ರಾರಂಭಿಸುವ ಬಗ್ಗೆ ಮಾತನಾಡಿದ್ದರು.
ತಾಯಿ ಮತ್ತು ಪರಿಸರದ ನಡುವಿನ ಸಂಬಂಧದ ಕುರಿತು ಮಾತನಾಡಿದ ಪ್ರಧಾನಿ ಮೋದಿ, ಈ ವರ್ಷ ವಿಶ್ವ ಪರಿಸರ ದಿನದಂದು ವಿಶೇಷ ಅಭಿಯಾನವನ್ನ ಪ್ರಾರಂಭಿಸಲಾಗಿದೆ ಎಂದು ಹೇಳಿದರು. ಈ ಅಭಿಯಾನದ ಹೆಸರು – ‘ಏಕ್ ಪೆಡ್ ಮಾ ಕೆ ನಾಮ್’. ನಾನು ನನ್ನ ತಾಯಿಯ ಹೆಸರಿನಲ್ಲಿ ಒಂದು ಮರವನ್ನು ಸಹ ನೆಟ್ಟಿದ್ದೇನೆ ಎಂದಿದ್ದರು.
ರಾಜ್ಯದಲ್ಲಿ ಬೇಡಿಕೆಗಿಂತ ಹೆಚ್ಚಿನ ವಿದ್ಯುತ್ ಉತ್ಪಾದನೆ: ಇಂಧನ ಸಚಿವ ಕೆ.ಜೆ ಜಾರ್ಜ್
IPL 2025 Final : ‘IPL’ ಫೈನಲ್ ಪಂದ್ಯ ‘ಸಶಸ್ತ್ರ ಪಡೆ’ಗಳಿಗೆ ಸಮರ್ಪಣೆ, ಕ್ರಿಕೆಟ್ ಜೊತೆಗೆ ಬೆರೆತ ದೇಶಭಕ್ತಿ!
