ನವದೆಹಲಿ: ಪಾಕಿಸ್ತಾನ ವಾಯುಸೇನೆಯ (PAF) ತರಬೇತಿ ವಿಮಾನವೊಂದು ತಾಂತ್ರಿಕ ದೋಷದಿಂದಾಗಿ ಭೀಕರವಾಗಿ ಪತನಗೊಂಡಿರುವ ಆಘಾತಕಾರಿ ಘಟನೆ ವರದಿಯಾಗಿದೆ. ಈ ಭೀಕರ ದುರಂತದಲ್ಲಿ ವಿಮಾನದಲ್ಲಿದ್ದ ಇಬ್ಬರು ಪೈಲಟ್ಗಳು ಹೊರಬರಲಾಗದೆ ವಿಮಾನದೊಳಗೇ ಸಜೀವ ದಹನವಾಗಿದ್ದಾರೆ. ಪಾಕಿಸ್ತಾನದ ಖೈಬರ್ ಪಖ್ತುಂಖ್ವಾ ಪ್ರಾಂತ್ಯದ ಪ್ರಮುಖ ಹೆದ್ದಾರಿಯೊಂದರ ಮೇಲೆ ಈ ಘಟನೆ ಸಂಭವಿಸಿದೆ ಎಂದು ಅಲ್ಲಿನ ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.
ಹೆದ್ದಾರಿಗೆ ಅಪ್ಪಳಿಸಿ ಹೊತ್ತಿ ಉರಿದ ವಿಮಾನ
ನಿಯಮಿತ ತರಬೇತಿ ಹಾರಾಟ ನಡೆಸುತ್ತಿದ್ದ ಈ ವಾಯುಸೇನೆ ವಿಮಾನವು ಹತೋಟಿ ತಪ್ಪಿ ಪಂಖ್ತುಂಕ್ವಾದ ಜನನಿಬಿಡ ಹೆದ್ದಾರಿಗೆ ನೇರವಾಗಿ ಅಪ್ಪಳಿಸಿದೆ. ರಸ್ತೆಗೆ ಅಪ್ಪಳಿಸುತ್ತಿದ್ದಂತೆ ವಿಮಾನದಲ್ಲಿ ಭಾರಿ ಪ್ರಮಾಣದ ಸ್ಫೋಟ ಸಂಭವಿಸಿದ್ದು, ಕ್ಷಣಾರ್ಧದಲ್ಲಿ ಇಡೀ ವಿಮಾನವು ಬೆಂಕಿಯ ಉಂಡೆಯಾಗಿ ಮಾರ್ಪಟ್ಟಿದೆ. ವಿಮಾನಕ್ಕೆ ಹೊತ್ತಿಕೊಂಡ ಜ್ವಾಲೆ ಎಷ್ಟು ತೀವ್ರವಾಗಿತ್ತೆಂದರೆ, ಸ್ಥಳೀಯರು ರಕ್ಷಣಾ ಕಾರ್ಯಕ್ಕೆ ಧಾವಿಸುವಷ್ಟರಲ್ಲೇ ಇಬ್ಬರು ಪೈಲಟ್ಗಳು ತೀವ್ರವಾಗಿ ಸುಟ್ಟು ಭಸ್ಮವಾಗಿದ್ದಾರೆ.
ಬೈಕ್ ಸವಾರನಿಗೂ ಗಂಭೀರ ಗಾಯ
ವಿಮಾನವು ಹೆದ್ದಾರಿಯ ಮೇಲೆ ಪತನಗೊಂಡ ಸಮಯದಲ್ಲಿ ರಸ್ತೆಯಲ್ಲಿ ಸಂಚಾರ ದಟ್ಟಣೆ ಇತ್ತು ಎನ್ನಲಾಗಿದೆ. ವಿಮಾನವು ರಸ್ತೆಗೆ ಅಪ್ಪಳಿಸಿ ಸ್ಫೋಟಗೊಂಡ ರಭಸಕ್ಕೆ, ಅದೇ ಮಾರ್ಗವಾಗಿ ಚಲಿಸುತ್ತಿದ್ದ ಬೈಕ್ ಸವಾರನೊಬ್ಬನಿಗೂ ಭಾರಿ ಪ್ರಮಾಣದಲ್ಲಿ ಬೆಂಕಿ ತಗುಲಿದೆ. ಸದ್ಯ ಗಂಭೀರವಾಗಿ ಗಾಯಗೊಂಡಿರುವ ಬೈಕ್ ಸವಾರನನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆತನ ಪರಿಸ್ಥಿತಿ ಚಿಂತಾಜನಕವಾಗಿದೆ ಎಂದು ತಿಳಿದುಬಂದಿದೆ.
ಸಿಸಿಟಿವಿಯಲ್ಲಿ ಸೆರೆಯಾಯ್ತು ಭೀಕರ ದೃಶ್ಯ
ಈ ಇಡೀ ದುರಂತದ ಭೀಕರ ದೃಶ್ಯವು ಹೆದ್ದಾರಿಯ ಸಮೀಪದಲ್ಲಿದ್ದ ಸಿಸಿಟಿವಿ (CCTV) ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ವಿಮಾನವು ಆಕಾಶದಿಂದ ಅತಿ ವೇಗವಾಗಿ ಕೆಳಗೆ ಬಂದು ರಸ್ತೆಗೆ ಅಪ್ಪಳಿಸುವ ಮತ್ತು ನಂತರ ಭಾರಿ ಪ್ರಮಾಣದ ಹೊಗೆ ಹಾಗೂ ಬೆಂಕಿ ಆವರಿಸಿಕೊಳ್ಳುವ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಜನರನ್ನು ಬೆಚ್ಚಿಬೀಳಿಸುವಂತಿವೆ. ಸದ್ಯ ಪಾಕಿಸ್ತಾನ ವಾಯುಸೇನೆಯ ಉನ್ನತಾಧಿಕಾರಿಗಳು ಸ್ಥಳಕ್ಕೆ ಧಾವಿಸಿದ್ದು, ತನಿಖೆಗೆ ಆದೇಶಿಸಿದ್ದಾರೆ.
ಭಾರತವನ್ನು ಟ್ರೋಲ್ ಮಾಡಿದ್ದ ಪಾಕಿಸ್ತಾನಕ್ಕೆ ‘ಕರ್ಮ ರಿಟರ್ನ್ಸ್’!
ಕಳೆದ ಕೆಲವು ದಿನಗಳ ಹಿಂದೆಯಷ್ಟೇ ಭಾರತೀಯ ವಾಯುಸೇನೆಯ ವಿಮಾನವೊಂದು ಪತನಗೊಂಡು ಭಾರತದ ವೀರ ಯೋಧರು ಹುತಾತ್ಮರಾಗಿದ್ದರು. ಈ ದುಃಖದ ಸಂದರ್ಭವನ್ನು ಅತ್ಯಂತ ಅಮಾನವೀಯವಾಗಿ ಬಳಸಿಕೊಂಡಿದ್ದ ಪಾಕಿಸ್ತಾನದ ನೆಟ್ಟಿಗರು ಹಾಗೂ ಅಲ್ಲಿನ ಕೆಲವು ಮಾಧ್ಯಮಗಳು ಭಾರತೀಯ ಸೇನೆಯನ್ನು ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರವಾಗಿ ಟ್ರೋಲ್ ಮಾಡಿದ್ದವು. ಆದರೆ ಈಗ ಅದೇ ರೀತಿಯ ದುರಂತ ಪಾಕಿಸ್ತಾನದಲ್ಲೇ ಸಂಭವಿಸಿ ಇಬ್ಬರು ಪೈಲಟ್ಗಳು ಸಾವನ್ನಪ್ಪಿರುವುದನ್ನು ಕಂಡು, “ಇದೇ ಕರ್ಮ ರಿಟರ್ನ್ಸ್, ಬೇರೆಯವರ ಸಾವನ್ನು ನೋಡಿ ನಗಬಾರದು” ಎಂದು ಭಾರತೀಯ ನೆಟ್ಟಿಗರು ಪಾಕಿಸ್ತಾನಕ್ಕೆ ತಿರುಗೇಟು ನೀಡುತ್ತಿದ್ದಾರೆ.
🇵🇰⚡️PAF Training aircraft crashed in the Sawaldher area of Katlang , Mardan Pakistan.
2 polit died and other 2 citizen injured in this incident pic.twitter.com/PzmwGYO8fs
— War Victor (@WarVictor_2630) June 15, 2026
