ಮುಂಬೈ :ಆರಂಭಿಕ ವಹಿವಾಟಿನಲ್ಲೇ ಮುಂಬೈ ಷೇರು ಪೇಟೆ ಸೂಚ್ಯಂಕ ‘ಸೆನ್ಸೆಕ್ಸ್’ ಮತ್ತು ರಾಷ್ಟ್ರೀಯ ಷೇರು ಪೇಟೆ ಸೂಚ್ಯಂಕ ‘ನಿಫ್ಟಿ’ ಭಾರಿ ನಷ್ಟವನ್ನು ಅನುಭವಿಸಿವೆ.
ಬಿಎಸ್ಇ ಸೆನ್ಸೆಕ್ಸ್ (BSE Sensex) ಆರಂಭಿಕ ಅವಧಿಯಲ್ಲೇ ಸುಮಾರು 400 ಅಂಕಗಳಷ್ಟು ಕುಸಿತ ಕಂಡು ಕಳಪೆ ಪ್ರದರ್ಶನ ನೀಡಿದೆ.
ಇತ್ತ ಎನ್ಎಸ್ಇ ನಿಫ್ಟಿ (NSE Nifty) ಕೂಡ ತೀವ್ರ ಹಿನ್ನಡೆ ಅನುಭವಿಸಿದ್ದು, ಪ್ರಮುಖ ಬೆಂಬಲ ಮಟ್ಟವಾದ 23,300 ಅಂಕಗಳಿಗಿಂತ ಕೆಳಕ್ಕೆ ಜಾರಿದೆ. ಷೇರು
ಮಾರುಕಟ್ಟೆ ತಜ್ಞರ ಪ್ರಕಾರ, ಜಾಗತಿಕ ಮಟ್ಟದಲ್ಲಿ ಕಚ್ಚಾ ತೈಲ ಬೆಲೆ ಏರಿಕೆ, ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು (FII) ಸತತವಾಗಿ ಷೇರುಗಳನ್ನು ಮಾರಾಟ ಮಾಡುತ್ತಿರುವುದು ಮತ್ತು ಜಾಗತಿಕ ಭೌಗೋಳಿಕ-ರಾಜಕೀಯ ಉದ್ವಿಗ್ನತೆಗಳು ಮಾರುಕಟ್ಟೆಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿವೆ. ಬ್ಯಾಂಕಿಂಗ್, ಆಟೋಮೊಬೈಲ್ ಮತ್ತು ಎಫ್ಎಂಸಿಜಿ (FMCG) ವಲಯದ ಷೇರುಗಳು ತೀವ್ರ ಮಾರಾಟದ ಒತ್ತಡವನ್ನು ಎದುರಿಸುತ್ತಿವೆ.
