ಬೆಂಗಳೂರು: ಕರ್ನಾಟಕ ಹೈಕೋರ್ಟ್ನ 2026ನೇ ಸಾಲಿನ ಬೇಸಿಗೆ ರಜೆಯು ಅಧಿಕೃತವಾಗಿ ಮೇ 4ರಿಂದ ಆರಂಭವಾಗಬೇಕಿತ್ತಾದರೂ, ಸತತ ರಜೆಗಳ ಹಿನ್ನೆಲೆಯಲ್ಲಿ ಇಂದಿನಿಂದಲೇ (ಮೇ 1) ರಜೆ ಆರಂಭವಾದಂತಾಗಿದೆ.
ಸತತ ರಜೆಗಳ ಸರಣಿ:
ಮೇ 1ರಂದು ಶುಕ್ರವಾರ ಕಾರ್ಮಿಕ ದಿನಾಚರಣೆ ನಿಮಿತ್ತ ಸರ್ಕಾರಿ ರಜೆ ಇದೆ. ನಂತರ ಮೇ 2 ಶನಿವಾರ ಹಾಗೂ ಮೇ 3 ಭಾನುವಾರ ಆಗಿರುವುದರಿಂದ ನ್ಯಾಯಾಲಯಕ್ಕೆ ರಜೆ ಇರಲಿದೆ. ಈ ಕಾರಣದಿಂದಾಗಿ ಹೈಕೋರ್ಟ್ನ ಬೇಸಿಗೆ ರಜೆಯು ಇಂದಿನಿಂದಲೇ (ಮೇ 1) ಆರಂಭಗೊಂಡು ಮೇ 30ರವರೆಗೆ ಮುಂದುವರಿಯಲಿದೆ.
ತುರ್ತು ಪ್ರಕರಣಗಳ ವಿಚಾರಣೆಗೆ ವಿಶೇಷ ಪೀಠ:
ಬೇಸಿಗೆ ರಜೆ ಅವಧಿಯಲ್ಲಿ ಸಾರ್ವಜನಿಕರಿಗೆ ತೊಂದರೆಯಾಗದಂತೆ ತುರ್ತು ಪ್ರಕರಣಗಳ ವಿಚಾರಣೆಗಾಗಿ ಬೆಂಗಳೂರಿನ ಪ್ರಧಾನ ಪೀಠ ಸೇರಿದಂತೆ ಧಾರವಾಡ ಮತ್ತು ಕಲಬುರಗಿ ಪೀಠಗಳಲ್ಲಿ ರಜಾ ಕಾಲದ ವಿಶೇಷ ಕಲಾಪಗಳು ನಡೆಯಲಿವೆ.
ವಿಚಾರಣಾ ದಿನಾಂಕಗಳು:
ರಜೆ ಅವಧಿಯಲ್ಲಿ ಈ ಕೆಳಗಿನ ದಿನಾಂಕಗಳಂದು ವಿಶೇಷ ಪೀಠಗಳು ತುರ್ತು ಅರ್ಜಿಗಳ ವಿಚಾರಣೆ ನಡೆಸಲಿವೆ:
ಮೇ: 5, 7, 12, 14, 19, 21, 26 ಮತ್ತು 29
ಜೂನ್ ಮೊದಲ ವಾರದಿಂದ ಹೈಕೋರ್ಟ್ನ ನಿಯಮಿತ ಕಲಾಪಗಳು ಪುನರಾರಂಭಗೊಳ್ಳಲಿವೆ.
