ಆಮ್ ಆದ್ಮಿ ಪಾರ್ಟಿಗೆ ಬಿಗ್ ಶಾಕ್: ರಾಘವ್ ಚಡ್ಡಾ, ಹರ್ಭಜನ್ ಸಿಂಗ್ ಸೇರಿ 7 ಸಂಸದರು ಬಿಜೆಪಿ ಸೇರ್ಪಡೆ !

ನವದೆಹಲಿ: ಆಮ್ ಆದ್ಮಿ ಪಾರ್ಟಿ (AAP) ಇಂದು ತನ್ನ ಇತಿಹಾಸದಲ್ಲೇ ಅತಿದೊಡ್ಡ ರಾಜಕೀಯ ಹಿನ್ನಡೆಯನ್ನು ಅನುಭವಿಸಿದೆ. ಪಕ್ಷದ ಪ್ರಮುಖ ನಾಯಕ ರಾಘವ್ ಚಡ್ಡಾ ನೇತೃತ್ವದಲ್ಲಿ ಒಟ್ಟು ಏಳು ರಾಜ್ಯಸಭಾ ಸಂಸದರು ಎಎಪಿ ತೊರೆದು ಭಾರತೀಯ ಜನತಾ ಪಾರ್ಟಿ (BJP) ಸೇರುವುದಾಗಿ ಅಧಿಕೃತವಾಗಿ ಘೋಷಿಸಿದ್ದಾರೆ.
​ರಾಜ್ಯಸಭೆಯಲ್ಲಿ ಎಎಪಿ ಹೊಂದಿದ್ದ ಒಟ್ಟು 10 ಸಂಸದರ ಪೈಕಿ 7 ಸದಸ್ಯರು (ಮೂರನೇ ಎರಡರಷ್ಟು ಬಹುಮತ) ಒಟ್ಟಾಗಿ ಹೊರಬಂದಿರುವುದರಿಂದ, ಇವರ ಮೇಲೆ ‘ಪಕ್ಷಾಂತರ ನಿರೋಧಕ ಕಾಯ್ದೆ’ ಅನ್ವಯವಾಗುವುದಿಲ್ಲ. ಬದಲಿಗೆ ಇವರು ಬಿಜೆಪಿಯೊಂದಿಗೆ ವಿಲೀನವಾಗಲಿದ್ದಾರೆ.

​ಬಿಜೆಪಿ ಸೇರಿದ ಸಂಸದರ ಪಟ್ಟಿ:
​ರಾಘವ್ ಚಡ್ಡಾ
​ಹರ್ಭಜನ್ ಸಿಂಗ್ (ಮಾಜಿ ಕ್ರಿಕೆಟಿಗ)
​ಸ್ವಾತಿ ಮಲಿವಾಲ್ (ಡಿಸಿಡಬ್ಲ್ಯೂ ಮಾಜಿ ಅಧ್ಯಕ್ಷೆ)
​ಸಂದೀಪ್ ಪಾಠಕ್
​ಅಶೋಕ್ ಮಿತ್ತಲ್
​ವಿಕ್ರಂ ಸಾಹ್ನಿ
​ರಾಜೀಂದರ್ ಗುಪ್ತಾ
​ಹೊರಬರಲು ಕಾರಣವೇನು?
​ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ರಾಘವ್ ಚಡ್ಡಾ, “ಯಾವ ಆಶಯಗಳೊಂದಿಗೆ ನಾವು ಈ ಪಕ್ಷವನ್ನು ಕಟ್ಟಿದ್ದವೋ, ಇಂದು ಎಎಪಿ ಆ ದಾರಿಯಿಂದ ಸಂಪೂರ್ಣವಾಗಿ ದೂರ ಸರಿದಿದೆ. ನಾನು ಸರಿಯಾದ ವ್ಯಕ್ತಿ, ಆದರೆ ತಪ್ಪು ಸಂಸ್ಥೆಯಲ್ಲಿದ್ದೆ ಎನಿಸುತ್ತಿದೆ. ದೇಶದ ಹಿತದೃಷ್ಟಿಯಿಂದ ನಾವು ಪ್ರಧಾನಿ ನರೇಂದ್ರ ಮೋದಿ ಅವರ ನಾಯಕತ್ವವನ್ನು ಬೆಂಬಲಿಸಲು ನಿರ್ಧರಿಸಿದ್ದೇವೆ,” ಎಂದು ತಿಳಿಸಿದ್ದಾರೆ.