ಟೆಹ್ರಾನ್: ಇರಾನ್ನ ಸುಪ್ರೀಂ ಲೀಡರ್ ಆಯತೊಲ್ಲಾ ಅಲಿ ಖಮೇನಿ ಅವರು ಫೆಬ್ರವರಿ 28, 2026 ರಂದು ಅಮೆರಿಕ ಮತ್ತು ಇಸ್ರೇಲ್ ನಡೆಸಿದ ವೈಮಾನಿಕ ದಾಳಿಯಲ್ಲಿ ಹತರಾಗಿ ಸುಮಾರು ಏಳು ವಾರಗಳು ಕಳೆದಿದ್ದರೂ, ಅವರ ಅಂತ್ಯಕ್ರಿಯೆ ಇನ್ನೂ ನಡೆದಿಲ್ಲ. ಈ ವಿಳಂಬವು ಜಾಗತಿಕ ಮಟ್ಟದಲ್ಲಿ ತೀವ್ರ ಕುತೂಹಲ ಮತ್ತು ಚರ್ಚೆಗೆ ಕಾರಣವಾಗಿದೆ.
ಇರಾನ್ ಮತ್ತು ಅಮೆರಿಕ ನಡುವೆ ಸದ್ಯ ಹೋರ್ಮುಜ್ ಜಲಸಂಧಿಯಲ್ಲಿ ಉದ್ವಿಗ್ನತೆ ಮುಂದುವರಿಯುತ್ತಿದೆ. ಲಕ್ಷಾಂತರ ಜನರು ಸೇರುವ ನಿರೀಕ್ಷೆಯಿರುವ ಅದ್ದೂರಿ ಅಂತ್ಯಕ್ರಿಯೆ ನಡೆಸಿದರೆ, ಅದು ಶತ್ರು ರಾಷ್ಟ್ರಗಳ ವೈಮಾನಿಕ ದಾಳಿಗೆ ಸುಲಭ ಗುರಿಯಾಗಬಹುದು ಎಂಬ ಆತಂಕ ಇರಾನ್ ಸರ್ಕಾರಕ್ಕಿದೆ.
ಖಮೇನಿ ಅವರ ಹತ್ಯೆಯ ನಂತರ ಅವರ ಮಗ ಮೊಜ್ತಬಾ ಖಮೇನಿ ಅವರನ್ನು ನೂತನ ಸುಪ್ರೀಂ ಲೀಡರ್ ಎಂದು ಘೋಷಿಸಲಾಗಿದೆ. ಆದರೆ, ಆಡಳಿತದ ಮೇಲೆ ಪೂರ್ಣ ಹಿಡಿತ ಸಾಧಿಸುವ ಮೊದಲು ದೊಡ್ಡ ಮಟ್ಟದ ಸಾರ್ವಜನಿಕ ಸಮಾರಂಭ ನಡೆಸುವುದು ಅಪಾಯಕಾರಿ ಎಂದು ಇರಾನ್ನ ಕ್ರಾಂತಿಕಾರಿ ದಳ (IRGC) ಭಾವಿಸಿದೆ.
ಖಮೇನಿ ಅವರ ದೇಹವನ್ನು ಮಶ್ಹಾದ್ನ ಇಮಾಮ್ ರೆಜಾ ಮಂದಿರದಲ್ಲಿ ದಫನ ಮಾಡಬೇಕೆ ಅಥವಾ ರಾಜಧಾನಿ ಟೆಹ್ರಾನ್ನಲ್ಲಿ ಮಾಡಬೇಕೆ ಎಂಬ ಬಗ್ಗೆ ಇರಾನ್ ಅಧಿಕಾರಿಗಳಲ್ಲಿ ಇನ್ನೂ ಒಮ್ಮತ ಮೂಡಿಲ್ಲ
