ಮುಂಬೈ: ಬಾಲಿವುಡ್ನ ಹಿರಿಯ ಗಾಯಕಿ ಆಶಾ ಭೋಂಸ್ಲೆ ಅವರ ನಿಧನಕ್ಕೆ ಇಡೀ ದೇಶವೇ ಕಂಬನಿ ಮಿಡಿಯುತ್ತಿದ್ದರೆ, ನಟಿ ಅತೀಯಾ ಶೆಟ್ಟಿ ಅವರು ಮಾಡಿದ ಒಂದು ಸಣ್ಣ ತಪ್ಪು ಈಗ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ಆಕ್ರೋಶ ಮತ್ತು ಟ್ರೋಲ್ಗೆ ಗುರಿಯಾಗಿದೆ. ಆಶಾ ಭೋಂಸ್ಲೆ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸುವ ಭರದಲ್ಲಿ ಅತೀಯಾ, ಅವರ ಅಕ್ಕ ದಿವಂಗತ ಲತಾ ಮಂಗೇಶ್ಕರ್ ಅವರ ಫೋಟೋವನ್ನು ಹಂಚಿಕೊಂಡಿರುವುದೇ ಈ ವಿವಾದಕ್ಕೆ ಕಾರಣ.
ಆಶಾ ಭೋಂಸ್ಲೆ ಅವರ ನಿಧನದ ಸುದ್ದಿ ತಿಳಿದ ತಕ್ಷಣ ಅತೀಯಾ ಶೆಟ್ಟಿ ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ “ರೆಸ್ಟ್ ಇನ್ ಪೀಸ್ ಲೆಜೆಂಡ್” ಎಂದು ಬರೆದು ಫೋಟೋವೊಂದನ್ನು ಪೋಸ್ಟ್ ಮಾಡಿದ್ದರು. ಆದರೆ ಆ ಫೋಟೋದಲ್ಲಿ ಇದ್ದದ್ದು ಆಶಾ ಭೋಂಸ್ಲೆ ಅವರಲ್ಲ, ಬದಲಿಗೆ 2022ರಲ್ಲಿ ನಿಧನರಾದ ಅವರ ಹಿರಿಯ ಸಹೋದರಿ ಲತಾ ಮಂಗೇಶ್ಕರ್!
ಅತೀಯಾ ಅವರ ಈ ಎಡವಟ್ಟನ್ನು ಗಮನಿಸಿದ ನೆಟ್ಟಿಗರು ಅವರನ್ನು ತೀವ್ರವಾಗಿ ತರಾಟೆಗೆ ತೆಗೆದುಕೊಂಡಿದ್ದಾರೆ: “ಈ ಸ್ಟಾರ್ ಕಿಡ್ಸ್ಗೆ ಕನಿಷ್ಠ ಸಾಮಾನ್ಯ ಜ್ಞಾನವೂ ಇರುವುದಿಲ್ಲವೇ? ಇವರಿಗೆ ಲತಾ ಜಿ ಮತ್ತು ಆಶಾ ಜಿ ನಡುವಿನ ವ್ಯತ್ಯಾಸವೇ ತಿಳಿಯುತ್ತಿಲ್ಲವಲ್ಲ” ಎಂದು ಬಳಕೆದಾರರೊಬ್ಬರು ಕಾಮೆಂಟ್ ಮಾಡಿದ್ದಾರೆ.
“ಬಾಲಿವುಡ್ನ ನೆಪೋ ಕಿಡ್ಸ್ಗಳು ಇಷ್ಟು ದಡ್ಡರಾಗಿರುವುದು ಯಾಕೆ?” (Why are nepo kids dumb?) ಎಂಬ ಹ್ಯಾಶ್ಟ್ಯಾಗ್ ಈಗ ವೈರಲ್ ಆಗಿದೆ.ಇನ್ನು ಕೆಲವರು, “ಕೇವಲ ಫ್ಯಾಶನ್ ಮತ್ತು ಪೋಸ್ ನೀಡುವುದರಲ್ಲಿ ಬ್ಯುಸಿಯಾಗಿರುವ ಇವರಿಗೆ ಭಾರತೀಯ ಸಂಗೀತದ ಅಸ್ಮಿತೆಗಳ ಬಗ್ಗೆ ಅರಿವಿಲ್ಲ” ಎಂದು ಕಿಡಿಕಾರಿದ್ದಾರೆ.
