ಹಾಸನ: ಜಿಲ್ಲೆಯ ಅರಸೀಕೆರೆ ತಾಲ್ಲೂಕಿನ ಪುಣ್ಯಕ್ಷೇತ್ರ ಹಾರನಹಳ್ಳಿಯಲ್ಲಿ ನೆಲೆಸಿರುವ ಅವಧೂತ ಸದ್ಗುರು ಶ್ರೀ ನರಸಿಂಹ ಯತಿ ಮಹಾರಾಜರ ಆರಾಧನಾ ಮಹೋತ್ಸವವು ಇದೇ ಏಪ್ರಿಲ್ 27 ಮತ್ತು 28 ರಂದು ಅತ್ಯಂತ ಸಡಗರ ಸಂಭ್ರಮದಿಂದ ಜರುಗಲಿದೆ.
ಎರಡು ದಿನಗಳ ಕಾಲ ನಡೆಯಲಿರುವ ಈ ಧಾರ್ಮಿಕ ಕಾರ್ಯಕ್ರಮಗಳ ವಿವರ ಹೀಗಿದೆ:
ಏಪ್ರಿಲ್ 27, ಸೋಮವಾರ:
ಸೋಮವಾರ ಬೆಳಿಗ್ಗೆಯಿಂದಲೇ ವಿವಿಧ ಧಾರ್ಮಿಕ ವಿಧಿವಿಧಾನಗಳು ಆರಂಭವಾಗಲಿವೆ. ಅಂದು ಬೆಳಿಗ್ಗೆ ವೇದಪಾರಾಯಣ ಹಾಗೂ ರುದ್ರಾಭಿಷೇಕ ನಡೆಯಲಿದ್ದು, ಸಂಜೆ ಉಭಯ ಶಾಂತಿ, ಭಜನೆ ಮತ್ತು ಮಹಾಮಂಗಳಾರತಿ ಸೇವೆಗಳು ಜರುಗಲಿವೆ.
ಏಪ್ರಿಲ್ 28, ಮಂಗಳವಾರ (ವೈಶಾಖ ಶುದ್ಧ ದ್ವಾದಶಿ):
ಮಂಗಳವಾರ ಬೆಳಿಗ್ಗೆ ಅರುಣ ಪಾರಾಯಣದೊಂದಿಗೆ ಕಾರ್ಯಕ್ರಮಗಳು ಚಾಲನೆಗೊಳ್ಳಲಿವೆ. ಸದ್ಗುರುಗಳ ಪಾದಪೂಜೆ, ಗುರು ಮಂಡಲ ಪೂಜೆ ಹಾಗೂ ಯತಿ ಆರಾಧನೆ ನಡೆಯಲಿದೆ. ಮಧ್ಯಾಹ್ನ ಭಕ್ತಾದಿಗಳಿಗೆ ಪಲ್ಲಕ್ಕಿ ಸೇವೆ ಹಾಗೂ ಮಹಾಪ್ರಸಾದ ವಿನಿಯೋಗವಿರುತ್ತದೆ.
ಸರ್ವರಿಗೂ ಆಮಂತ್ರಣ:
ಈ ಪುಣ್ಯ ಕಾರ್ಯಕ್ರಮದಲ್ಲಿ ವೇದ ಪಾರಾಯಣ ಮಾಡುವವರು ಹಾಗೂ ಭಜನಾ ಆಸಕ್ತರು ಭಾಗವಹಿಸಲು ಅವಕಾಶ ಕಲ್ಪಿಸಲಾಗಿದೆ. ಎಲ್ಲಾ ಗುರುಭಕ್ತರು ಈ ಆರಾಧನಾ ಮಹೋತ್ಸವದಲ್ಲಿ ಪಾಲ್ಗೊಂಡು ಶ್ರೀಗಳ ಕೃಪೆಗೆ ಪಾತ್ರರಾಗಬೇಕೆಂದು ಉಷಾ ಹಾರನಹಳ್ಳಿ, ಅಶೋಕ್ ಹಾರನಹಳ್ಳಿ ಹಾಗೂ ಗುರುಬಂಧುಗಳು ಪ್ರಕಟಣೆಯಲ್ಲಿ ಕೋರಿದ್ದಾರೆ.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ: 9845185055, 7483160051
