ಬೆಂಗಳೂರು: ಐಪಿಎಲ್ನ ಅತ್ಯಂತ ನಿರೀಕ್ಷಿತ ಪಂದ್ಯಗಳಲ್ಲೊಂದಾದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ (CSK) ನಡುವಿನ ಹಣಾಹಣಿಯ ಟಿಕೆಟ್ಗಳು ದಾಖಲೆ ವೇಗದಲ್ಲಿ ಖಾಲಿಯಾಗಿವೆ. ಏಪ್ರಿಲ್ 5ರಂದು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಈ ಪಂದ್ಯದ ಟಿಕೆಟ್ಗಳು ಮಾರಾಟ ಆರಂಭವಾದ ಕೇವಲ ಒಂದೇ ನಿಮಿಷದಲ್ಲಿ ಪೂರ್ಣಗೊಂಡಿವೆ.
ಬುಧವಾರ ಆರ್ಸಿಬಿಯ ಅಧಿಕೃತ ವೆಬ್ಸೈಟ್ ಮತ್ತು ಆಪ್ ಮೂಲಕ ಟಿಕೆಟ್ ಮಾರಾಟ ಪ್ರಕ್ರಿಯೆ ನಡೆಯಿತು. ಮೊದಲ ಪಂದ್ಯದಂತೆಯೇ ಈ ಪಂದ್ಯಕ್ಕೂ ಭಾರಿ ಪೈಪೋಟಿ ಕಂಡುಬಂದಿದ್ದು, ಅನೇಕ ಅಭಿಮಾನಿಗಳು ಟಿಕೆಟ್ ಖರೀದಿಸುವ ವೇಳೆ ತಾಂತ್ರಿಕ ಸಮಸ್ಯೆಗಳನ್ನು ಎದುರಿಸಿದ್ದಾರೆ.
ಟಿಕೆಟ್ ದರ: ಟಿಕೆಟ್ಗಳ ಆರಂಭಿಕ ಬೆಲೆ ₹3,750 ಇದ್ದರೆ, ಗರಿಷ್ಠ ಬೆಲೆ ₹47,000 ವರೆಗೆ ಇತ್ತು. ಸಾರ್ವಜನಿಕರಿಗೆ ಒಟ್ಟು ಎಷ್ಟು ಟಿಕೆಟ್ಗಳನ್ನು ಲಭ್ಯವಿರಿಸಲಾಗಿತ್ತು ಎಂಬ ಬಗ್ಗೆ ಆರ್ಸಿಬಿ ಯಾವುದೇ ಅಧಿಕೃತ ಮಾಹಿತಿ ಹಂಚಿಕೊಂಡಿಲ್ಲ. ಕೇವಲ ಕೆಲವು ನಿರ್ದಿಷ್ಟ ಸ್ಟ್ಯಾಂಡ್ಗಳ ಟಿಕೆಟ್ಗಳನ್ನು ಮಾತ್ರ ಆನ್ಲೈನ್ನಲ್ಲಿ ಮಾರಾಟ ಮಾಡಲಾಗಿದೆ ಎಂದು ವರದಿಯಾಗಿದೆ.
