ದೇಶದಲ್ಲಿ ಎಲ್ಪಿಜಿ (LPG) ಗ್ಯಾಸ್ ಪೂರೈಕೆಯಲ್ಲಿ ವ್ಯತ್ಯಯ ಮತ್ತು ಬೆಲೆ ಏರಿಕೆಯ ಭೀತಿ ಎದುರಾಗಿರುವ ಬೆನ್ನಲ್ಲೇ, ಆಧ್ಯಾತ್ಮಿಕ ಗುರು ಶ್ರೀ ಶ್ರೀ ರವಿಶಂಕರ್ ಅವರು ಹಂಚಿಕೊಂಡಿರುವ ಅಡುಗೆ ಮಾಡುವ ಹೊಸ ತಂತ್ರಜ್ಞಾನದ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸಂಚಲನ ಮೂಡಿಸುತ್ತಿದೆ. ಈ ವಿಧಾನದಲ್ಲಿ ಅಡುಗೆ ಅನಿಲದ ಬದಲು ಕೇವಲ ನೀರನ್ನು ಇಂಧನವಾಗಿ ಬಳಸಲಾಗುತ್ತದೆ.
ನೀರೇ ಇಂಧನ: ಇದು ಹೇಗೆ ಸಾಧ್ಯ?
ವೈರಲ್ ಆಗಿರುವ ವಿಡಿಯೋದಲ್ಲಿ ಶ್ರೀ ಶ್ರೀ ರವಿಶಂಕರ್ ಅವರು ಮಹೇಶ್ ಎಂಬುವವರು ಅಭಿವೃದ್ಧಿಪಡಿಸಿದ ಹೊಸ ತಂತ್ರಜ್ಞಾನವನ್ನು ಪರಿಚಯಿಸಿದ್ದಾರೆ. “ಕೇವಲ ಅರ್ಧ ಲೀಟರ್ ನೀರಿನಿಂದ ಕಲ್ಲಿದ್ದಲನ್ನು ಹೇಗೆ ಉರಿಸಬಹುದು ಎಂಬುದನ್ನು ಮಹೇಶ್ ಅವರು ತೋರಿಸಿಕೊಟ್ಟಿದ್ದಾರೆ,” ಎಂದು ಅವರು ವಿವರಿಸಿದ್ದಾರೆ.
ತಂತ್ರಜ್ಞಾನದ ಕಾರ್ಯವೈಖರಿ:
ಈ ಸಿಸ್ಟಮ್ನಲ್ಲಿ ಒಂದು ವಿಶೇಷ ಯಂತ್ರವನ್ನು ಬಳಸಲಾಗುತ್ತದೆ.
ಇದು ನೀರಿನಿಂದ ಹೈಡ್ರೋಜನ್ ಮತ್ತು ಆಮ್ಲಜನಕವನ್ನು ಪ್ರತ್ಯೇಕಿಸುತ್ತದೆ.
ಬೇರ್ಪಟ್ಟ ಹೈಡ್ರೋಜನ್ ಅನ್ನು ಕಲ್ಲಿದ್ದಲು ಅಥವಾ ಒಲೆ ಉರಿಸಲು ಇಂಧನವಾಗಿ ಬಳಸಲಾಗುತ್ತದೆ.
ಉಳಿದ ಆಮ್ಲಜನಕವು ಗಾಳಿಯಲ್ಲಿ ಬಿಡುಗಡೆಯಾಗಿ ಪರಿಸರವನ್ನು ಶುದ್ಧೀಕರಿಸುತ್ತದೆ.
ಆರೋಗ್ಯ ಮತ್ತು ಪರಿಸರಕ್ಕೆ ಪೂರಕ
ಸಂಪ್ರದಾಯಿಕ ಎಲ್ಪಿಜಿ ಸಿಲಿಂಡರ್ಗಳ ಬಳಕೆಯಿಂದಾಗುವ ಆರೋಗ್ಯ ಸಮಸ್ಯೆಗಳ ಬಗ್ಗೆಯೂ ಶ್ರೀ ಶ್ರೀ ಮಾತನಾಡಿದ್ದಾರೆ. “ನೇರವಾಗಿ ಗ್ಯಾಸ್ ಜ್ವಾಲೆಯ ಮೇಲೆ ರೊಟ್ಟಿ ಸುಡುವುದರಿಂದ ಅದು ಕಪ್ಪಾಗುತ್ತದೆ, ಇದು ಕ್ಯಾನ್ಸರ್ ಕಾರಕವಾಗಬಹುದು. ಅಲ್ಲದೆ, ಗ್ಯಾಸ್ ಉರಿಯುವಾಗ ಕಾರ್ಬನ್ ಮೊನಾಕ್ಸೈಡ್ ಮತ್ತು ಕಾರ್ಬನ್ ಡೈಆಕ್ಸೈಡ್ ಬಿಡುಗಡೆಯಾಗುತ್ತದೆ. ಆದರೆ ಈ ನೀರಿನ ತಂತ್ರಜ್ಞಾನದಲ್ಲಿ ಯಾವುದೇ ಇಂಗಾಲದ ಹೊರಸೂಸುವಿಕೆ ಇಲ್ಲ,” ಎಂದು ಅವರು ಹೇಳಿದ್ದಾರೆ.
ದೇಶದಾದ್ಯಂತ ವಿಸ್ತರಿಸುವ ಗುರಿ
ಆರ್ಟ್ ಆಫ್ ಲಿವಿಂಗ್ ಫೌಂಡೇಶನ್ ಬೆಂಬಲದೊಂದಿಗೆ ಈ ತಂತ್ರಜ್ಞಾನವನ್ನು ಮೊದಲು ಆಶ್ರಮದಲ್ಲಿ ಅಳವಡಿಸಿಕೊಳ್ಳಲಾಗುವುದು. ನಂತರ ಇದನ್ನು ಭಾರತದಾದ್ಯಂತ ಹಳ್ಳಿಗಳಿಗೆ ತಲುಪಿಸುವುದು ಶ್ರೀ ಶ್ರೀ ಅವರ ಉದ್ದೇಶವಾಗಿದೆ. ಇದರಿಂದ ಲಕ್ಷಾಂತರ ಗ್ಯಾಸ್ ಸಿಲಿಂಡರ್ಗಳ ಮೇಲಿನ ಅವಲಂಬನೆ ಕಡಿಮೆಯಾಗುತ್ತದೆ. ಭಾರತದ ಆರ್ಥಿಕತೆಗೆ ಬೂಸ್ಟ್ ಸಿಗುತ್ತದೆ. ಸಾಮಾನ್ಯ ಜನರಿಗೆ ಅಗ್ಗದ ಮತ್ತು ಆರೋಗ್ಯಕರ ಇಂಧನ ಲಭ್ಯವಾಗುತ್ತದೆ.
ಗಮನಾರ್ಹ ಅಂಶ: ಭಾರತವು ವಾರ್ಷಿಕವಾಗಿ ಸುಮಾರು 31.3 ಮಿಲಿಯನ್ ಟನ್ ಎಲ್ಪಿಜಿಯನ್ನು ಬಳಸುತ್ತದೆ, ಅದರಲ್ಲಿ 62% ವಿದೇಶಗಳಿಂದ ಆಮದು ಮಾಡಿಕೊಳ್ಳಲಾಗುತ್ತದೆ. ಪ್ರಸ್ತುತ ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧದಂತಹ ಪರಿಸ್ಥಿತಿಯಿಂದಾಗಿ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗುತ್ತಿದ್ದು, ಇಂತಹ ಸಮಯದಲ್ಲಿ ಈ ಪರ್ಯಾಯ ತಂತ್ರಜ್ಞಾನವು ಭರವಸೆ ಮೂಡಿಸಿದೆ.
🚨No LPG Required. Cooking Gas from Just Water . Mr Mahesh Created A stove can run for 6 months from 0.5Ltr Water and showed it before Sri Sri Ravishanker
Every Crisis is an Opportunity. Can Govt work on this Technology ? pic.twitter.com/7rZp0kNMHN
— RapperPandit (@RapperPandit) March 10, 2026
