ನವದೆಹಲಿ: ‘ಬಿಗ್ ಬಾಸ್ 17’ ಖ್ಯಾತಿಯ ಪ್ರಸಿದ್ಧ ಮೋಟೋ-ಬ್ಲಾಗರ್ ಅನುರಾಗ್ ಡೋಭಲ್, ಜನಪ್ರಿಯವಾಗಿ ‘UK07 ರೈಡರ್’ ಎಂದೇ ಪರಿಚಿತರು. ಶನಿವಾರ ರಾತ್ರಿ ದೆಹಲಿ-ಮೀರತ್ ಎಕ್ಸ್ಪ್ರೆಸ್ವೇನಲ್ಲಿ ಇನ್ಸ್ಟಾಗ್ರಾಮ್ ಲೈವ್ ಮಾಡುವಾಗ ಅವರು ಚಲಾಯಿಸುತ್ತಿದ್ದ ಫಾರ್ಚುನರ್ ಕಾರು ಭೀಕರ ಅಪಘಾತಕ್ಕೆ ಈಡಾಗಿದೆ. ಸುಮಾರು 150 ಕಿ.ಮೀ ವೇಗದಲ್ಲಿದ್ದ ಕಾರು ನಿಯಂತ್ರಣ ತಪ್ಪಿ ಹೆದ್ದಾರಿಯ ಡಿವೈಡರ್ಗೆ ಬಲವಾಗಿ ಅಪ್ಪಳಿಸಿದೆ.
ಅಪಘಾತದ ಆತಂಕಕಾರಿ ವಿವರಗಳು ಇಲ್ಲಿವೆ:
1. ಲೈವ್ನಲ್ಲಿತ್ತು 80,000ಕ್ಕೂ ಹೆಚ್ಚು ಕಣ್ಣುಗಳು:
ಅನುರಾಗ್ ಅವರು ಇನ್ಸ್ಟಾಗ್ರಾಮ್ ಲೈವ್ ಬಂದು ತಮ್ಮ ವೈಯಕ್ತಿಕ ಜೀವನದ ನೋವುಗಳನ್ನು ಹಂಚಿಕೊಳ್ಳುತ್ತಿದ್ದರು. ಸುಮಾರು 80,000ಕ್ಕೂ ಹೆಚ್ಚು ಅಭಿಮಾನಿಗಳು ಲೈವ್ ನೋಡುತ್ತಿದ್ದಾಗಲೇ ಅವರು ಕಾರಿನ ವೇಗವನ್ನು 150 ಕಿ.ಮೀಗೆ ಹೆಚ್ಚಿಸಿದ್ದಾರೆ. “ಇದು ನನ್ನ ಕೊನೆಯ ಪಯಣ” ಎಂಬರ್ಥದ ಮಾತುಗಳನ್ನು ಹೇಳುತ್ತಾ ಕಣ್ಣೀರಿಡುತ್ತಲೇ ವೇಗವಾಗಿ ಕಾರು ಚಲಾಯಿಸಿ ಅಪಘಾತಕ್ಕೀಡಾಗಿದ್ದಾರೆ.
2. ಆತ್ಮಹತ್ಯೆಯ ಯತ್ನವೇ?
ಕಳೆದ ಕೆಲವು ದಿನಗಳಿಂದ ಅನುರಾಗ್ ತಮ್ಮ ಕುಟುಂಬದ ವಿರುದ್ಧ ಗಂಭೀರ ಆರೋಪಗಳನ್ನು ಮಾಡುತ್ತಿದ್ದರು. ತಮ್ಮ ಅಂತರಜಾತಿ ವಿವಾಹದ ಕಾರಣಕ್ಕೆ ಪೋಷಕರು ಮತ್ತು ಸಹೋದರ ಮಾನಸಿಕ ಕಿರುಕುಳ ನೀಡುತ್ತಿದ್ದಾರೆ ಎಂದು ಅವರು ಇತ್ತೀಚೆಗೆ ‘ಕೊನೆಯ ವಿಡಿಯೋ’ ಎಂಬ ಶೀರ್ಷಿಕೆಯಡಿ ಯೂಟ್ಯೂಬ್ನಲ್ಲಿ ಸುದೀರ್ಘ ವಿಡಿಯೋ ಹಂಚಿಕೊಂಡಿದ್ದರು. ಇದರಿಂದಾಗಿ ಈ ಅಪಘಾತವು ಉದ್ದೇಶಪೂರ್ವಕವಾಗಿ ನಡೆದ ಆತ್ಮಹತ್ಯೆಯ ಯತ್ನವಿರಬಹುದು ಎಂಬ ಶಂಕೆ ವ್ಯಕ್ತವಾಗಿದೆ.
3. ಸ್ಥಿತಿ ಹೇಗಿದೆ?
ಅಪಘಾತದ ತೀವ್ರತೆಗೆ ಕಾರಿನ ಮುಂಭಾಗ ಸಂಪೂರ್ಣ ನಜ್ಜುಗುಜ್ಜಾಗಿದೆ. ಸ್ಥಳೀಯರು ಕೂಡಲೇ ಅನುರಾಗ್ ಅವರನ್ನು ಮೀರತ್ನ ಸುಭಾರ್ತಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ವೈದ್ಯರ ವರದಿಯ ಪ್ರಕಾರ, ಅವರಿಗೆ ಗಂಭೀರವಾದ ಮೂಳೆ ಮುರಿತಗಳು ಮತ್ತು ಗಾಯಗಳಾಗಿದ್ದು, ಪ್ರಸ್ತುತ ಐಸಿಯುನಲ್ಲಿ (ICU) ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸದ್ಯಕ್ಕೆ ಅವರ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ತಿಳಿದುಬಂದಿದೆ.
ಯಾರು ಈ ಅನುರಾಗ್ ಡೋಭಲ್?
ಡೆಹ್ರಾಡೂನ್ ಮೂಲದ ಅನುರಾಗ್ ಡೋಭಲ್ ಭಾರತದ ಅತಿ ದೊಡ್ಡ ಮೋಟೋ-ಬ್ಲಾಗರ್ ಆಗಿದ್ದು, ಯೂಟ್ಯೂಬ್ನಲ್ಲಿ 70 ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಹೊಂದಿದ್ದಾರೆ. ಬಿಗ್ ಬಾಸ್ 17ರಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ ನಂತರ ಇಡೀ ದೇಶಕ್ಕೆ ಪರಿಚಿತರಾಗಿದ್ದರು.
Anurag Dhobal committed suicide during an Instagram Live..😱
The video Of Famous YouTuber Anurag Dobhal live Crash Accident He very Depressed And He attempt Suicide He Drive Car 150+
Bhai pagal ho gaya hai 😭😭😭😭😭 #UK07 #UK07Rider #AnuragDobhal pic.twitter.com/wWz5wW95B3
— Avneesh Mishra (@RajaMishra007) March 7, 2026
