ಸಿಕ್ಕಿಂನಲ್ಲಿ ಗುರುವಾರ 4.6 ಮತ್ತು 3.5 ತೀವ್ರತೆಯ ಎರಡು ಭೂಕಂಪಗಳು ಸಂಭವಿಸಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.ಬೆಳಿಗ್ಗೆ 11:24 ಕ್ಕೆ ಮೊದಲ ಭೂಕಂಪನ ಸಂಭವಿಸಿದ್ದು, ಅದು ರಿಕ್ಟರ್ ಮಾಪಕದಲ್ಲಿ 4.6 ರಷ್ಟಿತ್ತು.
ರಾಷ್ಟ್ರೀಯ ಭೂಕಂಪನ ಕೇಂದ್ರದ (NCS) ಮಾಹಿತಿಯ ಪ್ರಕಾರ, ಮೊದಲ ಭೂಕಂಪದ ಕೇಂದ್ರಬಿಂದು ಗ್ಯಾಲ್ಶಿಂಗ್ ಜಿಲ್ಲೆಯ ಯುಕ್ಸೋಮ್ನಿಂದ 4 ಕಿ.ಮೀ ಈಶಾನ್ಯಕ್ಕೆ 10 ಕಿ.ಮೀ ಆಳದಲ್ಲಿತ್ತು.
ರಿಕ್ಟರ್ ಮಾಪಕದಲ್ಲಿ 3.5 ತೀವ್ರತೆಯ ಎರಡನೇ ಭೂಕಂಪವು ಮಧ್ಯಾಹ್ನ 12:17 ಕ್ಕೆ ಮಂಗನ್ ಜಿಲ್ಲೆಯನ್ನು ನಡುಗಿಸಿತು.
ಇದರ ಕೇಂದ್ರಬಿಂದು ಗ್ಯಾಂಗ್ಟಕ್ನಿಂದ 11 ಕಿ.ಮೀ ವಾಯುವ್ಯಕ್ಕೆ 10 ಕಿ.ಮೀ ಆಳದಲ್ಲಿತ್ತು.
ಈ ಎರಡು ಭೂಕಂಪಗಳಿಂದ ಯಾವುದೇ ಪ್ರಾಣಹಾನಿ ಅಥವಾ ಆಸ್ತಿಪಾಸ್ತಿ ಹಾನಿಯಾದ ಬಗ್ಗೆ ತಕ್ಷಣದ ವರದಿಗಳಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
