ಪಾಟ್ನಾ: ಬಿಹಾರ ವಿಧಾನಸಭಾ ಚುನಾವಣೆಯಲ್ಲಿ ಮತ ಕಳ್ಳತನ ಮತ್ತು ಸುಳ್ಳು ಅಫಿಡವಿಟ್’ಗಳ ಪ್ರಕರಣವು ಈಗ ಪಾಟ್ನಾ ಹೈಕೋರ್ಟ್’ಗೆ ತಲುಪಿದ್ದು, ನ್ಯಾಯಾಲಯವು 42 ಚುನಾಯಿತ ಶಾಸಕರಿಗೆ ಪ್ರತಿಕ್ರಿಯೆ ನೀಡುವಂತೆ ನೋಟಿಸ್ ನೀಡಿದೆ. ಸೋತ ವಿರೋಧ ಪಕ್ಷದ ಅಭ್ಯರ್ಥಿಗಳು ಈ ಶಾಸಕರ ವಿರುದ್ಧ ಅರ್ಜಿ ಸಲ್ಲಿಸಿದ್ದಾರೆ. ಚುನಾವಣೆಯ ಸಮಯದಲ್ಲಿ ಮತಗಳನ್ನು ಖರೀದಿಸಲಾಗಿದೆ ಮತ್ತು ನಾಮಪತ್ರ ಸಲ್ಲಿಕೆಯ ಸಮಯದಲ್ಲಿ ಸಲ್ಲಿಸಿದ ಅಫಿಡವಿಟ್’ಗಳಲ್ಲಿ ಸುಳ್ಳು ಮಾಹಿತಿಯನ್ನು ಒದಗಿಸಲಾಗಿದೆ ಎಂದು ಅರ್ಜಿಯಲ್ಲಿ ಆರೋಪಿಸಲಾಗಿದೆ. ಮತದಾರರಿಗೆ ಹತ್ತು ಸಾವಿರ ರೂಪಾಯಿಗಳನ್ನ ನೀಡುವ ಮೂಲಕ ಎನ್ಡಿಎ ಮತಗಳನ್ನು ಖರೀದಿಸಿದೆ ಎಂಬ ಆರೋಪವೂ ಇದೆ.
ಅರ್ಜಿಯಲ್ಲಿ ಹೆಸರಿಸಲಾದ ಪ್ರಮುಖ ನಾಯಕರಲ್ಲಿ ವಿಧಾನಸಭಾ ಸ್ಪೀಕರ್ ಪ್ರೇಮ್ ಕುಮಾರ್, ಇಂಧನ ಸಚಿವ ವಿಜೇಂದ್ರ ಯಾದವ್, ಮಾಜಿ ಸಚಿವ ಜೀವೇಶ್ ಮಿಶ್ರಾ ಮತ್ತು ಶಾಸಕ ಚೇತನ್ ಆನಂದ್ ಸೇರಿದ್ದಾರೆ. ಈ ವಿಷಯವು ಪ್ರಸ್ತುತ ಹೈಕೋರ್ಟ್ನಲ್ಲಿ ಬಾಕಿ ಇದ್ದು, ಎಲ್ಲಾ ಶಾಸಕರಿಂದ ಪ್ರತಿಕ್ರಿಯೆ ನೀಡುವಂತೆ ಸಮನ್ಸ್ ಜಾರಿ ಮಾಡಲಾಗಿದೆ.
