ಮಹಾರಾಷ್ಟ್ರ ರಾಜ್ಯ ಚುನಾವಣಾ ಆಯೋಗ ಮಂಗಳವಾರ ಬಿಡುಗಡೆ ಮಾಡಿದ ಅಂತಿಮ ಫಲಿತಾಂಶಗಳ ಪ್ರಕಾರ, ಮಹಾರಾಷ್ಟ್ರದ ಆಡಳಿತಾರೂಢ ಬಿಜೆಪಿ ನೇತೃತ್ವದ ಮಹಾಯುತಿ ಒಕ್ಕೂಟವು 731 ಜಿಲ್ಲಾ ಪರಿಷತ್ ಸ್ಥಾನಗಳ ಪೈಕಿ 560 ಸ್ಥಾನಗಳನ್ನು ಮತ್ತು 1,462 ಪಂಚಾಯತ್ ಸಮಿತಿ ಸ್ಥಾನಗಳ ಪೈಕಿ 1,143 ಸ್ಥಾನಗಳನ್ನು ಗೆದ್ದಿದೆ.
ಫೆಬ್ರವರಿ 7ರಂದು ಚುನಾವಣೆ ನಡೆದಿತ್ತು. ಕರಾಡ್ ಪಂಚಾಯತ್ ಸಮಿತಿಯ ೨೪ ಸ್ಥಾನಗಳ ಫಲಿತಾಂಶ ಪ್ರಕಟವಾದ ನಂತರ ಈ ಸಂಖ್ಯೆಯನ್ನು ಪರಿಷ್ಕರಿಸಲಾಯಿತು.
125 ಪಂಚಾಯತ್ ಸಮಿತಿಗಳ 1,462 ಸ್ಥಾನಗಳ ಪೈಕಿ ಭಾರತೀಯ ಜನತಾ ಪಕ್ಷ 491, ರಾಷ್ಟ್ರೀಯವಾದಿ ಕಾಂಗ್ರೆಸ್ ಪಕ್ಷ 327 ಮತ್ತು ಶಿವಸೇನೆ 325 ಸ್ಥಾನಗಳನ್ನು ಗೆದ್ದುಕೊಂಡಿವೆ.
12 ಜಿಲ್ಲಾ ಪರಿಷತ್ ಗಳ 731 ಸ್ಥಾನಗಳಲ್ಲಿ ಬಿಜೆಪಿ 233, ಎನ್ಸಿಪಿ 166 ಮತ್ತು ಶಿವಸೇನೆ 161 ಸ್ಥಾನಗಳನ್ನು ಗೆದ್ದಿವೆ.
ಬಿಜೆಪಿ, ಶಿವಸೇನೆ ಮತ್ತು ಎನ್ಸಿಪಿ ಮಹಾಯುತಿ ಮೈತ್ರಿಕೂಟದ ಭಾಗವಾಗಿದೆ.
ಜಿಪಂ ಚುನಾವಣೆಯಲ್ಲಿ ಕಾಂಗ್ರೆಸ್ 58, ಶಿವಸೇನೆ (ಯುಬಿಟಿ) 44 ಮತ್ತು ಎನ್ಸಿಪಿ (ಎಸ್ಪಿ) 26 ಸ್ಥಾನಗಳನ್ನು ಗೆದ್ದಿವೆ. ಮಹಾರಾಷ್ಟ್ರ ನವನಿರ್ಮಾಣ ಸೇನೆ ಎರಡು ಸ್ಥಾನಗಳನ್ನು ಗೆದ್ದರೆ, ೪೧ ಸ್ಥಾನಗಳು ಪಕ್ಷೇತರರು ಮತ್ತು ಇತರರಿಗೆ ಹೋದವು.
ಪಂಚಾಯತ್ ಸಮಿತಿ ಚುನಾವಣೆಯಲ್ಲಿ ಕಾಂಗ್ರೆಸ್ 98, ಎನ್ಸಿಪಿ (ಎಸ್ಪಿ) 50, ಶಿವಸೇನೆ (ಯುಬಿಟಿ) 86 ಮತ್ತು ಎಂಎನ್ಎಸ್ 2 ಸ್ಥಾನಗಳನ್ನು ಗೆದ್ದಿವೆ. ಪಕ್ಷೇತರರು ಸೇರಿದಂತೆ ಇತರರು 83 ಸ್ಥಾನಗಳನ್ನು ಗೆದ್ದರು.
