ನವದೆಹಲಿ : ಪರಾರಿಯಾಗಿರುವ ವಜ್ರ ವ್ಯಾಪಾರಿ ಮೆಹುಲ್ ಚೋಕ್ಸಿ ವಿರುದ್ಧ ಮಾರುಕಟ್ಟೆ ನಿಯಂತ್ರಕ ಸೆಬಿ ಪ್ರಮುಖ ಕ್ರಮ ಕೈಗೊಂಡಿದೆ. ಮೆಹುಲ್ ಚೋಕ್ಸಿ ಅವರ ಬ್ಯಾಂಕ್ ಖಾತೆಗಳು, ಮ್ಯೂಚುವಲ್ ಫಂಡ್‌’ಗಳು ಮತ್ತು ಷೇರುಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಲು ಸೆಬಿ ಆದೇಶಿಸಿದೆ. ಗೀತಾಂಜಲಿ ಜೆಮ್ಸ್ ಷೇರುಗಳಲ್ಲಿ ಆಂತರಿಕ ವ್ಯಾಪಾರ ನಿಯಮಗಳನ್ನ ಉಲ್ಲಂಘಿಸಿದ್ದಕ್ಕಾಗಿ ಸೆಬಿ ಚೋಕ್ಸಿಗೆ 2.1 ಕೋಟಿ ರೂ. ದಂಡ ವಿಧಿಸಿತ್ತು. ಇದರಲ್ಲಿ 1.5 ಕೋಟಿ ರೂ. ದಂಡ ಮತ್ತು 60 ಲಕ್ಷ ರೂ. ಬಡ್ಡಿ ಸೇರಿದೆ.
ಸೆಬಿ 2022ರಲ್ಲಿ ದಂಡ ವಿಧಿಸಿತ್ತು.!
ಗೀತಾಂಜಲಿ ಜೆಮ್ಸ್ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಚೋಕ್ಸಿ ಅವರ ಮೇಲೆ ತಮ್ಮ ಸಹವರ್ತಿ ರಾಕೇಶ್ ಗಿರ್ಧರ್‌ಲಾಲ್ ಗಜೇರಾ ಅವರೊಂದಿಗೆ ಅಪ್ರಕಟಿತ ಬೆಲೆ-ಸೂಕ್ಷ್ಮ ಮಾಹಿತಿಯನ್ನು (UPISI) ಹಂಚಿಕೊಂಡ ಆರೋಪವಿದೆ. ಮೇ 15ರಂದು ಮೆಹುಲ್ ಚೋಕ್ಸಿಗೆ ಕಳುಹಿಸಲಾದ ಡಿಮ್ಯಾಂಡ್ ನೋಟಿಸ್’ನಲ್ಲಿ 15 ದಿನಗಳಲ್ಲಿ ಹಣವನ್ನ ಪಾವತಿಸದಿದ್ದರೆ, ಅವರ ಆಸ್ತಿಗಳು ಮತ್ತು ಬ್ಯಾಂಕ್ ಖಾತೆಗಳನ್ನ ಮುಟ್ಟುಗೋಲು ಹಾಕಿಕೊಳ್ಳಲಾಗುವುದು ಎಂದು ತಿಳಿಸಲಾಗಿತ್ತು. ಜನವರಿ 2022 ರಲ್ಲಿ ಸೆಬಿ ವಿಧಿಸಿದ ದಂಡವನ್ನ ಪಾವತಿಸಲು ಚೋಕ್ಸಿ ವಿಫಲವಾದ ನಂತರ ಅವರಿಗೆ ಡಿಮ್ಯಾಂಡ್ ನೋಟಿಸ್ ಕಳುಹಿಸಲಾಗಿದೆ.
BREAKING : ಚಿನ್ನಸ್ವಾಮಿ ಸ್ಟೇಡಿಯಂ ಕಾಲ್ತುಳಿತ ದುರಂತ ; ಕ್ರಿಕೆಟಿಗ ‘ವಿರಾಟ್ ಕೊಹ್ಲಿ’ ವಿರುದ್ಧ ದೂರು ದಾಖಲು
BREAKING : ‘ಪ್ರಧಾನಿ ಮೋದಿ’ಗೆ ‘ಕೆನಡಾ ಪಿಎಂ’ ದೂರವಾಣಿ ಕರೆ, ‘ಜಿ7 ಶೃಂಗಸಭೆ’ಗೆ ಆಹ್ವಾನ |G7 Summit invite
