ಶಿವಮೊಗ್ಗ: ಸಂತೋಷ್ ಸದ್ಗುರು ಸಾಗರ ಸೇರಿದಂತೆ ಮಲೆನಾಡಿನ ಭಾಗದಲ್ಲಿ ಚಿರಪರಿಚಿತ ಹೆಸರು. ಈ ಹಿಂದೆ ಐಪಿಎಲ್ ಪಂದ್ಯಾವಳಿ ಆರಂಭಗೊಂಡ ಸಂದರ್ಭದಲ್ಲಿ ಆರ್ ಸಿ ಬಿ ಗೆಲುವಿಗಾಗಿ ಅಬಾಸಿಡರ್ ಕಾರಿನಲ್ಲಿ ಸುತ್ತಿ, ಬೆಂಬಲಿಸೋದಕ್ಕೆ ಅಭಿಮಾನಿಗಳಲ್ಲಿ ಹುರುಪು ತುಂಬಿದ್ದರು. ಇದೀಗ ಇಂದು ನಡೆಯುತ್ತಿರುವಂತ ಐಪಿಎಲ್ ಫೈನಲ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಗೆಲುವಿಗಾಗಿ ಅಭಿಮಾನಿಗಳು, ಸಾರ್ವಜನಿಕರಿಗೆ ಹೋಟೆಲ್ ನಲ್ಲಿ ಉಚಿತವಾಗಿ ಟೀ ವಿತರಣೆ ಮಾಡುತ್ತಿದ್ದಾರೆ.
ಹೌದು.. ಸಂತೋಷ್ ಸದ್ಗುರು ಅವರು ಸಾಗರ ನಗರದ ಕೃಷಿ ಇಲಾಖೆಯ ಮುಂಭಾಗದ ಅಗ್ರಹಾರ ಸರ್ಕಲ್ ನಲ್ಲಿರುವಂತ ತಮ್ಮ ಸದ್ಗುರು ಹೋಟೆಲ್ ನಲ್ಲಿ ಕಳೆದ ಎರಡು ಮೂರು ದಿನಗಳಿಂದ ಉಚಿತವಾಗಿ ಅಭಿಮಾನಿಗಳು, ಸಾರ್ವಜನಿಕರಿಗೆ ಟೀ ವಿತರಣೆ ಮಾಡುತ್ತಿದ್ದಾರೆ. ಆರ್ ಸಿ ಬಿ ಅಪ್ಪಟ ಅಭಿಮಾನಿಯಾಗಿರುವಂತ ಸಂತೋಷ್ ಸದ್ಗುರು, ಸಾಹಿತಿ, ನಟನೂ ಕೂಡ.
ಕೆಲ ದಿನಗಳ ಹಿಂದಷ್ಟೇ ಮಲ್ನಾಡ್ ಯಾನ ಎನ್ನುವಂತ ಹಾಡೊಂದನ್ನು ಸ್ವತಹ ರಚಿಸಿ, ಚಿತ್ರೀಕರಿಸಿ ಬಿಡುಗಡೆ ಮಾಡಿದ್ದರು. ಅದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಕೂಡ ಆಗಿದೆ. ಇದರ ಜೊತೆಗೆ ರಾಯಲ್ ಚಾಲೆಂಜರ್ಸ್ ಅಂದ್ರೆ ಎಲ್ಲಿಲ್ಲದ ಪ್ರೀತಿ. ಹೀಗಾಗಿಯೇ ಆರ್ ಸಿ ಬಿ ಗೆಲುವಿಗಾಗಿ ತಮ್ಮ ಹೋಟೆಲ್ ನಲ್ಲಿ ಫ್ರೀ ಚಹಾ ವಿತರಣೆ ಮಾಡುತ್ತಿದ್ದಾರೆ. ಈ ಮೂಲಕ ಆರ್ ಸಿ ಬಿ ಅಭಿಮಾನಿಗಳನ್ನು ಸಂತೋಷ್ ಸದ್ಗುರು ಹುರುಪು ತುಂಬಿದ್ದಾರೆ. ಈ ಸಲ ಕಪ್ ಗೆದ್ದು ಬರಲಿ ಅಂತ ಸಂತೋಷ್ ಸದ್ಗುರು ಆಶಿಸಿದ್ದಾರೆ.
BREAKING: ಶಿವಮೊಗ್ಗದ ಆನಂದಪುರ ಪೊಲೀಸರಿಂದ ಆರೋಪಿ ಕಾಲಿಗೆ ಗುಂಡೇಟು, ಅರೆಸ್ಟ್
BREAKING: ಕರ್ನಾಟಕದಲ್ಲಿ ಥಗ್ ಲೈಫ್ ಸಿನಿಮಾ ಬಿಡುಗಡೆ ಮಾಡುವುದಿಲ್ಲ: ನಟ ಕಮಲ್ ಹಾಸನ್ | Thug Life
