ನವದೆಹಲಿ : ರಾಜ್ಯಸಭೆಯಲ್ಲಿ ಮಾತನಾಡಿದ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು ಡಾ.ಬಿ ಆರ್ ಅಂಬೇಡ್ಕರ್ ಅವರನ್ನ ಅವಮಾನಿಸಿದ್ದಾರೆ ಎಂದು ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಬುಧವಾರ ಆರೋಪಿಸಿದ್ದಾರೆ.
ಮಂಗಳವಾರ ಸಂಸತ್ತಿನಲ್ಲಿ ಅಮಿತ್ ಶಾ ಅವರ ಹೇಳಿಕೆಯನ್ನ ಅಂಬೇಡ್ಕರ್ ಅವರಿಗೆ ಮಾಡಿದ ಅವಮಾನ ಎಂದು ಕರೆದ ಖರ್ಗೆ, ಸದನದಲ್ಲಿ ವಿರೋಧ ಪಕ್ಷದ ನಾಯಕರನ್ನ ನಿಂದಿಸಿದ್ದಕ್ಕಾಗಿ ಅವರ ವಿರುದ್ಧ ವಾಗ್ದಾಳಿ ನಡೆಸಿದರು.
ಅಮಿತ್ ಶಾ ಅವರನ್ನ ಸಮರ್ಥಿಸಿಕೊಂಡಿದ್ದಕ್ಕಾಗಿ ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ವಾಗ್ದಾಳಿ ನಡೆಸಿದ ಅವರು, ಅವಮಾನಕ್ಕಾಗಿ ಗೃಹ ಸಚಿವರನ್ನ ಸಂಪುಟದಿಂದ ತೆಗೆದುಹಾಕುವಂತೆ ಸವಾಲು ಹಾಕಿದರು.
“ಪ್ರಧಾನಿಯವರು ಅವರನ್ನು (ಅಮಿತ್ ಶಾ) ಖಂಡಿಸುವ ಬದಲು… ಅವರು ಅವರನ್ನು ಸಮರ್ಥಿಸುತ್ತಿದ್ದಾರೆ ಮತ್ತು 6 ಟ್ವೀಟ್’ಗಳನ್ನು ಪೋಸ್ಟ್ ಮಾಡಿದ್ದಾರೆ. ಅದರ ಅಗತ್ಯವೇನಿತ್ತು ಎಂದು ಖರ್ಗೆ ಪ್ರಶ್ನಿಸಿದರು.
“ಬಾಬಾ ಸಾಹೇಬ್ (ಅಂಬೇಡ್ಕರ್) ಬಗ್ಗೆ ಯಾರಾದರೂ ಏನಾದರೂ ತಪ್ಪು ಹೇಳಿದರೆ, ಅವರನ್ನು ಕ್ಯಾಬಿನೆಟ್ನಿಂದ ತೆಗೆದುಹಾಕಬೇಕು. ಆದರೆ ಅವರಿಬ್ಬರೂ ಒಳ್ಳೆಯ ಸ್ನೇಹಿತರು. ಅವರು ಪರಸ್ಪರರ ದುಷ್ಕೃತ್ಯಗಳನ್ನು ಬೆಂಬಲಿಸುತ್ತಾರೆ” ಎಂದು ಕಾಂಗ್ರೆಸ್ ಮುಖ್ಯಸ್ಥರು ಹೇಳಿದರು.
ಅದ್ರಂತೆ, ಪ್ರಧಾನಿ ಮೋದಿಯರಿಗೆ ಅಂಬೇಡ್ಕರ್ ಮೇಲೆ ಗೌರವವಿದ್ದರೇ ಅಮಿತ್ ಶಾ ಅವರನ್ನ ಮಧ್ಯರಾತ್ರಿಯೊಳಗೆ ವಜಾಗೊಳಿಸಬೇಕು ಮತ್ತು ಕ್ಷಮೆಯಾಚಿಸಬೇಕು ಎಂದು ಕಾಂಗ್ರೆಸ್ ಮುಖ್ಯಸ್ಥರು ಒತ್ತಾಯಿಸಿದರು.
‘ವಿಜಯ್ ಮಲ್ಯ, ನೀರವ್ ಮೋದಿ, ಚೋಕ್ಸಿ’ಯಿಂದ ಆಸ್ತಿ ಮರುಪಡೆಯುವಲ್ಲಿ ‘ED’ ಪ್ರಯತ್ನ ಶ್ಲಾಘಿಸಿದ ವಿತ್ತ ಸಚಿವೆ
BREAKING : ಬಿಎಸ್ ಯಡಿಯೂರಪ್ಪ ವಿರುದ್ಧದ ‘ಪೋಕ್ಸೋ’ ಕೇಸ್ : ವಿಚಾರಣೆ ನಾಳೆಗೆ ಮುಂದೂಡಿದ ಹೈಕೋರ್ಟ್
