ರಾಯಚೂರು : ರಾಯಚೂರಿನಲ್ಲಿ ಭಾರಿ ಅನಾಹುತ ಒಂದು ತಪ್ಪಿದ್ದು, ಕೂಲಿ ಕಾರ್ಮಿಕರನ್ನು ಹೊತ್ತುಯುತ್ತಿದ್ದ ಗೂಡ್ಸ್ ಆಟೋ ಒಂದು ಚಾಲಕನ ನಿಯಂತ್ರಣ ತಪ್ಪಿ ಕಾಲುವೆ ಬಿದ್ದ ಪರಿಣಾಮ ಹಲವರಿಗೆ ಗಾಯಗಳಾಗಿರುವ ಘಟನೆ ರಾಯಚೂರು ಜಿಲ್ಲೆಯ ದೇವದುರ್ಗದ NRBC ಕಾಲುವೆ ಬಳಿ ನಡೆದಿದೆ.
ಹೌದು ಕೂಲಿ ಕಾರ್ಮಿಕರ ಸಮೇತ ಕಾಲುವಿಗೆ ಬಿದ್ದು ದುರಂತ ಸಂಭವಿಸಿದೆ. ನಿನ್ನೆ ಸಂಜೆ ದೇವದುರ್ಗದ ಎನ್ ಆರ್ ಬಿ ಸಿ ಕಾಲುವೆಯಲ್ಲಿ ಈ ಒಂದು ಘಟನೆ ನಡೆದಿದೆ. ಚಾಲಕನ ನಿಯಂತ್ರಣ ತಪ್ಪಿ ಆಟೋ ಕಾಲುವೆಗೆ ಬಿದ್ದಿದೆ. ಕಾಲುವೆಯೊಳಗೆ ಚಾಲಕ ಸೇರಿ 10 ಕೂಲಿ ಕಾರ್ಮಿಕರು ಸಿಲುಕಿ ಒದ್ದಾಟ ನಡೆಸಿದ್ದಾರೆ.
ಕೂಡಲೇ ಸ್ಥಳೀಯರು ಆಟೋದಲ್ಲಿ ಇದ್ದವರ ರಕ್ಷಣೆಗೆ ಧಾವಿಸಿದ್ದಾರೆ. ಹಗ್ಗ ಕಟ್ಟಿ ಗೂಡ್ಸ್ ಆಟೋವನ್ನು ಮೇಲೆ ಎತ್ತಿದ್ದಾರೆ. ಗೂಡ್ಸ್ ಆಟೋಗಳಲ್ಲಿ ಪ್ರಯಾಣಿಕರನ್ನು ಕರೆದೋಯುತ್ತಿದ್ದ ಚಾಲಕರ ವಿರುದ್ಧ ಇದೀಗ ಸ್ಥಳೀಯರು ಕಿಡಿಕಾರಿದ್ದು, ಗೂಡ್ಸ್ ಆಟೋ ಚಾಲಕನ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
