ನವದೆಹಲಿ : ದೀಪಾವಳಿಯ ಮೊದಲು ಚಿನ್ನದ ಬೆಲೆಯು ಹೊಸ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನ ತಲುಪಿದೆ. ಬಲವಾದ ಬೇಡಿಕೆಯಿಂದಾಗಿ, ದೆಹಲಿ NCRನ ಬುಲಿಯನ್ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ 1000 ರೂಪಾಯಿಗಳಷ್ಟು ಹೆಚ್ಚಾಗಿದ್ದು, 10 ಗ್ರಾಂಗೆ 82,400 ರೂಪಾಯಿಗಳ ಐತಿಹಾಸಿಕ ಗರಿಷ್ಠ ಮಟ್ಟವನ್ನ ತಲುಪಿದೆ.
ಆಲ್ ಇಂಡಿಯಾ ಬುಲಿಯನ್ ಅಸೋಸಿಯೇಷನ್ ಪ್ರಕಾರ, ದೀಪಾವಳಿಯ ಮೊದಲು ಬಲವಾದ ಬೇಡಿಕೆಯಿಂದಾಗಿ, ದೆಹಲಿಯಲ್ಲಿ 99.9 ಪ್ರತಿಶತ ಶುದ್ಧತೆಯ ಚಿನ್ನದ ಬೆಲೆ 1,000 ರೂಪಾಯಿಗಳಷ್ಟು ಏರಿಕೆಯಾಗಿದ್ದು, ಪ್ರತಿ 10 ಗ್ರಾಂಗೆ 82,400 ರೂಪಾಯಿ ಆಗಿದೆ. 99.5ರಷ್ಟು ಶುದ್ಧತೆಯ ಚಿನ್ನವು 1,000 ರೂಪಾಯಿಗಳಷ್ಟು ಏರಿಕೆಯಾಗಿದ್ದು, ಪ್ರತಿ 10 ಗ್ರಾಂಗೆ 82,000 ರೂಪಾಯಿಗಳ ಐತಿಹಾಸಿಕ ಗರಿಷ್ಠ ಮಟ್ಟವನ್ನ ತಲುಪಿದೆ. ಅಂದ್ಹಾಗೆ, ಅಕ್ಟೋಬರ್ 29, 2024ರಂದು ಅಂದ್ರೆ ನಿನ್ನೆ 99.9 ಪ್ರತಿಶತ ಮತ್ತು 99.5 ರಷ್ಟು ಶುದ್ಧತೆಯ ಚಿನ್ನವು 10 ಗ್ರಾಂಗೆ 81,400 ಮತ್ತು 81,000 ರೂಪಾಯಿ ಇತ್ತು.
ದೀಪಾವಳಿಯ ಸಮಯದಲ್ಲಿ ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸಲು ಸ್ಥಳೀಯ ಆಭರಣ ತಯಾರಕರು ಭಾರಿ ಪ್ರಮಾಣದಲ್ಲಿ ಖರೀದಿಸಿದ್ದರಿಂದ ಚಿನ್ನದ ಬೆಲೆಯಲ್ಲಿ ತೀವ್ರ ಏರಿಕೆಯಾಗಿದೆ ಎಂದು ವ್ಯಾಪಾರಿಗಳು ತಿಳಿಸಿದ್ದಾರೆ. ಇದಲ್ಲದೆ, ಯುಎಸ್ ಅಧ್ಯಕ್ಷೀಯ ಚುನಾವಣೆಗೆ ಮುಂಚಿನ ಅನಿಶ್ಚಿತ ವಾತಾವರಣ ಮತ್ತು ಜಾಗತಿಕ ಉದ್ವಿಗ್ನತೆ ಕೂಡ ಚಿನ್ನದ ಬೆಲೆ ಏರಿಕೆಗೆ ಪ್ರಮುಖ ಕಾರಣವಾಗಿದೆ. ಕಳೆದ ಒಂದು ವರ್ಷದಲ್ಲಿ ಚಿನ್ನದ ಬೆಲೆ ಶೇ.35ರಷ್ಟು ಏರಿಕೆಯಾಗಿದೆ. ಅಕ್ಟೋಬರ್ 29, 2023 ರಂದು ಚಿನ್ನದ ಬೆಲೆ 10 ಗ್ರಾಂಗೆ 61,200 ರೂ.ಗಳಿಂದ ಈಗ 10 ಗ್ರಾಂಗೆ 82,400 ರೂ.ಗೆ ತಲುಪಿದೆ.
ಬೆಳ್ಳಿ ಬೆಲೆ ಮತ್ತೆ 1 ಲಕ್ಷ ರೂಪಾಯಿ ದಾಟಿದೆ. ಬೆಳ್ಳಿಯ ಬೆಲೆ ಪ್ರತಿ ಕೆ.ಜಿ.ಗೆ 1,300 ರೂಪಾಯಿ ಏರಿಕೆಯಾಗಿದ್ದು, 1.01 ಲಕ್ಷ ರೂ.ಗೆ ಏರಿದೆ. ಬೆಳ್ಳಿಯ ಬೆಲೆಯಲ್ಲಿಯೂ ಒಂದು ವರ್ಷದಲ್ಲಿ ಶೇಕಡಾ 36 ರಷ್ಟು ಏರಿಕೆಯಾಗಿದೆ. ಕಳೆದ ವರ್ಷ ಅಕ್ಟೋಬರ್ 29ರಂದು ಬೆಳ್ಳಿಯ ಬೆಲೆ ಪ್ರತಿ ಕೆ.ಜಿ.ಗೆ 74,000 ರೂ.ಗಳಿಂದ ಈಗ 1,01,000 ರೂ.ಗೆ ಏರಿದೆ.
BREAKING : ಟೀಂ ಇಂಡಿಯಾ ಕೋಚ್ ‘ಗಂಭೀರ್’ಗೆ ಬಿಗ್ ಶಾಕ್ ; ‘ವಂಚನೆ ಪ್ರಕರಣ’ದ ‘ಮರು ತನಿಖೆ’ಗೆ ಕೋರ್ಟ್ ಆದೇಶ
